സൗമ്യസരോവരം 3 [ചാത്തൻ] 186

ബൈക്ക് കോളേജിന്റെ കവാടം കടന്ന് മുന്നോട്ട് പോയി. കാർ പാർക്കിങ്ങിൽ നിന്ന് കാർ പാർക്ക് ചെയ്തു വരുന്ന പെൺകുട്ടിയെ കണ്ട് രാഹുൽ ഞെട്ടി. ഒന്നും കൂടെ തിരിഞ്ഞ് നോക്കി അത് അവൾ തന്നെ എന്ന് ഉറപ്പ് വരുത്തി വീണ്ടും ബൈക്ക് ഉള്ളിലേക്ക് പോയി ബൈക്ക് പാർക്കിങ്ങിൽ നിറുത്തി.

രാഹുൽ വീണ്ടും വീണ്ടും തിരിഞ്ഞ് നോക്കുന്നത് സൗമ്യയും ശ്രദ്ധിച്ചിരുന്നു.
അവൻ നോക്കിയ പെൺകുട്ടിയെ സൗമ്യയും നോക്കി. നല്ല ഭംഗി ഉള്ള ഒരു കുട്ടി, കുറച്ച് മോഡേൺ ഔട്ട്ഫിറ്റ് ആണ് വേഷം. ജീൻസ് ആൻഡ് ടി ഷർട്ട് ആണ് ഇട്ടിരിക്കുന്നത്. അതികം മുടി ഇല്ല. ഷോൾഡറിൽ താഴെ വെച്ച് കട്ട് ചെയ്ത് കളർ ചെയ്തിട്ടുണ്ട്. ഒറ്റ്വനോട്ടത്തിൽ തന്നെ ഏതൊരാളും നോക്കി പോവും, അതിനൊത്ത ഭംഗി ഉണ്ടായിരുന്നു അവൾക്ക്. ഇവൻ നല്ലൊരു കോഴി തന്നെ എന്ന് മനസ്സിൽ പറഞ്ഞ് സൗമ്യ നെടുവീർപ്പിട്ടു.

ബൈക്ക് നിറുത്തിയപ്പോ സൗമ്യ വേഗം ഇറങ്ങി. സ്റ്റാൻഡിൽ ഇട്ട് തിരിഞ്ഞ രാഹുലിന്റെ മുഖം ആകെ മാറിയത് സൗമ്യ ശ്രദ്ധിച്ചു. ആ മുഖം ദേഷ്യവും വെറുപ്പും കൂടെ ചുവന്ന പോലെ സൗമ്യക്ക് തോന്നി. അവൾ ഒന്നും ചോദിക്കാൻ പോയില്ല. എന്തെങ്കിലും ആവട്ടെ എന്ന മട്ടിൽ അവൾ നിന്നു. രാഹുൽ പക്ഷേ എന്തോ ആലോചിച്ച് സൗമ്യയുടെ കയ്യിൽ കയറി പിടിച്ച് പാർക്കിങ്ങിന്റെ സൈഡിലോട്ട് വലിച്ച് കൊണ്ട് നടന്നു. എന്താ ഇവൻക്ക് പറ്റിയെ എന്ന് ചിന്തിക്കുന്ന മുന്നേ അവൻ കൈ വിട്ട് അവളോട് പറഞ്ഞു.
“മാമി ഒന്നും വിജാരിക്കരുത്, എന്നെ ഒന്ന് ഹെല്പ് ചെയ്യാമോ? അവിടെ കാർ പാർക്കിംഗ് കാർ നിറുത്തി ഇങ്ങോട്ട് നടന്ന് വരുന്നത് എന്റെ പഴയ കാമുകി ആണ്, ബാംഗ്ലൂർ എന്റെ കോളേജിൽ തന്നെ വേറെ ഡിപ്പാർട്മെന്റ് ആൻഡ് കോളേജ് ബ്യൂട്ടി ക്യൂൻ ഒക്കെ ആയിരുന്നു. എനിക്ക് ആണെങ്കിൽ ആത്മാർത്ഥ പ്രേമവും അവൾക്ക് നേരമ്പോക്കും ആണെന്ന് ഞാൻ മനസ്സിലാക്കിയത് കോളേജ് കഴിഞ്ഞപ്പോ മാത്രമാണ്.
അവൾ എന്നെ നന്നായി ഒന്ന് തേച്ചു. “
ഇതെല്ലാം കേട്ടും അവന്റെ ഇളിഞ്ഞ മുഖവും കണ്ട് സൗമ്യക്ക് ചിരിപൊട്ടി.