അനുവാദമില്ലാതെ തന്‍റെ മുടിയിഴയില്‍ പോലും ഒരാള്‍ തൊടില്ല.. അത് ഏട്ടന്‍ എത്ര ആഗ്രഹിക്കുന്നുണ്ടെങ്കില്‍ പോലും അത് സംഭവിക്കില്ല… അതുറപ്പാണ്
തനിക്ക് വേണ്ടെങ്കില്‍, താന്‍ വേണ്ടെന്നു പറഞ്ഞാല്‍ വേണ്ട… അത്രേ ഉള്ളൂ കാര്യം… പിന്നെ എന്തിനാണ് ഇത്രയും ടെന്‍ഷന്‍…
പക്ഷേ, ഏട്ടന്‍റെ ആഗ്രഹം!….
ഏട്ടന്‍ ഒരുപാട് ആഗ്രഹിക്കുന്നുണ്ട് അത് നടന്നു കാണാന്‍.. ഒത്തിരിയൊത്തിരി കൊതിക്കുന്നുണ്ട്… അതുകൊണ്ടാണല്ലോ ഇത്രയൊക്കെ മെനക്കെടുന്നത്…
ചിന്തിച്ചു കൂട്ടുന്നതിനിടയില്‍ ഉള്ള ഏതോ ഒരു നിമിഷത്തില്‍ സീതയുടെ ചിന്ത ഒന്ന് പാളി….
“ശരിക്കും താന്‍ ഏട്ടന്‍റെ ആഗ്രഹം സാധിച്ചു കൊടുക്കേണ്ടതല്ലേ??……”
അയ്യേ!….. പെട്ടെന്നൊരു ഞെട്ടലും ചമ്മലും സീതയെ പൊതിഞ്ഞു… ഉടന്‍ തന്നേ മറുചിന്തയും വന്നു…
“എന്തിനാണ് ഇത് ഇത്രയും വലിയ സംഭവം ആക്കുന്നത്?… അംജദ് തന്നേ തൊട്ടപ്പോഴും, താന്‍ അവനേ തൊട്ടപ്പോഴും ഭൂമിയൊന്നും ഇടിഞ്ഞു വീണില്ലല്ലോ??….”
അതും ശരിയാണ്… സീത ചിന്തിച്ചു… അവളുടെ മനസ്സില്‍ ഒരു വടംവലി നടക്കുകയായിരുന്നു…
“അതുപോലെയാണോ ഇത്? ഇവിടെ താന്‍ തന്‍റെ പാതിവ്രത്യം നഷ്ടപ്പെടുത്തുകയാണ്…. അല്ലെ??” സീതയുടെ മനസ്സിന്‍റെ ഒരുഭാഗം തന്‍റെ വാദഗതി നിരത്തി..
“എന്തോന്ന് പാതിവ്രത്യം??.. പതി പറഞ്ഞിട്ട് തന്നെയല്ലേ ഈ പണിക്കുപോകുന്നത്?… ” മറുഭാഗത്തിന്‍റെ ചോദ്യത്തില്‍ ആദ്യവാദത്തിന്റെ കൂമ്പടഞ്ഞു പോയി….
കൂടുതല്‍ വാദങ്ങള്‍ നിരത്താന്‍ സമയം ഇരുഭാഗത്തെയും അനുവദിച്ചില്ല.. അപ്പോഴേക്കും ഡിന്നര്‍ കഴിക്കുവാന്‍ സീതയുടെ അമ്മ വിളിച്ചിരുന്നു…
“എന്ത് പറ്റി? രണ്ടു ദിവസമായല്ലോ നിനക്കൊരു വാട്ടം??” ഭക്ഷണം കഴിക്കുമ്പോള്‍ സീതയുടെ അമ്മ ചോദിച്ചു…
“ശരിയാ അമ്മേ.. ഞാനും ശ്രദ്ധിച്ചിരുന്നു..” ജ്യോതിയുടെ കമന്റ്….
“ഓ… ഓഫീസില്‍ ഒരുപാട് ടെന്‍ഷനുണ്ടമ്മേ……” സീത പറഞ്ഞൊഴിഞ്ഞു..
“എങ്കില്‍ പിന്നെ നിനക്ക് മംഗലാപുരം ഒന്ന് പോയി വന്നൂടെ?….” അമ്മയുടെ ചോദ്യം… സീത ഒന്ന് ഞെട്ടി..
“അവന്‍ പറഞ്ഞാരുന്നു സൈറ്റില്‍ എന്തോ പൂജയോ മറ്റോ ഉണ്ടെന്നും, നിന്നോട് പറ്റുമെങ്കില്‍ ചെല്ലാന്‍ പറഞ്ഞിട്ടുണ്ടെന്നും… നിനക്കൊന്നു പോയിക്കൂടെ കുട്ടീ?…. ടിക്കറ്റ് ഒക്കെ കമ്പനി തരുംന്നാണല്ലോ പറയുന്നേ?”
ഓ.. ഇതിനിടക്ക് ഇത്രയുമൊക്കെ ഒപ്പിച്ചു വെച്ചിട്ടാണല്ലേ പോയത്… സീതയ്ക്ക് ഒരേസമയം ചിരിയും ദേഷ്യവും വന്നു…
“ഉം… ആലോചിക്കട്ടെ…..” അവള്‍ മുഖഭാവം മാറ്റാതെ പറഞ്ഞു…
“എന്തേ ഇത്ര ആലോചിക്കാന്‍??.. ചേച്ചി പോയിട്ട് വരൂ… വെള്ളി പോയാല്‍ ഞായര്‍ വരാല്ലോ?…. കിച്ചൂനെ ഞാന്‍ മാനേജ് ചെയ്തോളാം.” ജ്യോതിസപ്പോര്‍ട്ട് ചെയ്തു.. സീതയുടെ മൂഡ്‌ ഓഫ് അവള്‍ക്കും മനസ്സിലായിരുന്നു…
കിടിലം പൊന്നോ
KOLLAM ADIPOLI AYITTHUDUUU
adhikam kaathirikkaan vayya ketto
Humiliation koody add cheyyumo
Nice idea. I to was thinking about it. Hope mild domination could be better in the beginning.
സൂപ്പറാവുന്നുണ്ട് ഓരോ പാർട്ടും