ശാരദ ടീച്ചർ 2 [Dr. Wanderlust] 26

”

“ശരിടാ,” വിനു പതുക്കെ പറഞ്ഞു.

ബൈക്കുകൾ ഗേറ്റ് കടന്നു പോകുന്നത് വരെ ശാരദ ഉമ്മറത്ത് തന്നെ നിന്നു.

അവർ പോയിക്കഴിഞ്ഞപ്പോൾ വീടാകെ പെട്ടെന്ന് നിശബ്ദമായതുപോലെ അവർക്ക് തോന്നി. എന്നാൽ ഒരു നിഗൂഢമായ വികാരം,എന്തോ ഒന്ന്‌ അവളിൽ അസ്വസ്ഥതയുണ്ടാക്കി.ഇത്രയും നേരം ഉണ്ടായിരുന്ന ആ ബഹളവും കുട്ടികളുടെ ചിരിയുമൊക്കെ മാറിയപ്പോൾ ഒരു വല്ലാത്ത ശൂന്യത.

വിനുവിന്റെ ഉള്ളിലെ പേടി അവനെ തളർത്തുന്നുണ്ടായിരുന്നു. അജിത്തും കൂട്ടരും പോയിക്കഴിഞ്ഞപ്പോൾ ഹാളിൽ വീണ്ടും ആ പഴയ നിശബ്ദത തിരിച്ചുവന്നു. പക്ഷേ, അതൊരു സമാധാനത്തിന്റെ നിശബ്ദതയായിരുന്നില്ല.

വിനുവിന് തന്റെ ഉള്ളിലെ രഹസ്യങ്ങളും അജിത്ത് നൽകിയ ഫോണും ഒക്കെ വലിയൊരു ഭാരമായി തോന്നി. അവൻ പതുക്കെ മുറിയിൽ നിന്ന് പുറത്തേക്ക് വന്നു.

​ശാരദ ടീച്ചർ സോഫയിൽ ഇരിക്കുകയായിരുന്നു. ആകെ തളർന്ന വേഷം. സാരിയുടെ തലപ്പുകൊണ്ട് അവർ വീണ്ടും വീണ്ടും മുഖം തുടച്ചു. അവരുടെ ഗൗരവമുള്ള മുഖത്തേക്ക് നോക്കാൻ വിനുവിന് പേടിയായിരുന്നു.

​”വിനു… ഇങ്ങോട്ട് വന്നേ,” ടീച്ചറുടെ ശബ്ദത്തിൽ ആ പഴയ കടുപ്പമുണ്ടായിരുന്നു.

​വിനു പേടിയോടെ അമ്മയുടെ അരികിൽ ചെന്ന് നിന്നു.

അവൻ തല ഉയർത്തി നോക്കിയതേയില്ല.

​”എന്താ അമ്മേ?” അവൻ വിക്കി വിക്കി ചോദിച്ചു.

​”നിന്നോട് ഞാൻ പലതവണ പറഞ്ഞിട്ടുള്ളതല്ലേ ആ അജിത്തിനെയും സംഘത്തെയും വീട്ടിൽ കയറ്റരുതെന്ന്? ഇന്ന് അവർ ഇവിടെ കാട്ടിക്കൂട്ടിയത് കണ്ടില്ലേ? എനിക്ക് വല്ലാത്തൊരു അസ്വസ്ഥത തോന്നുന്നു. അവർക്ക് പഠിക്കാനൊന്നുമല്ല താല്പര്യം എന്ന് എനിക്ക് മനസ്സിലായി,” ശാരദ കടുപ്പത്തിൽ പറഞ്ഞു.