ആമിയും ശ്രീയും : ദി കുക്കോൾഡ് കപിൾസ് 8 [ഏകലവ്യൻ] 1540

നിരാശ ജനകമായ ഞായറാഴ്ച ദിവസം അതി വേഗം നീങ്ങി.

സബ് പ്രൊജക്റ്റുകൾ തീർന്നതോടെ ഓഫിസിൽ വർക്ക്‌ തിരക്കുകൾ അൽപം കുറഞ്ഞിരുന്നു. മാനേജർ ഇല്ലാത്തത് കൊണ്ട് വരുൺ ആമിയെ ഊഴമിടുകയാണ്. പറഞ്ഞു തരാൻ ഇപ്പോ വർക്ക്‌ കാര്യങ്ങളൊന്നുമില്ല. എന്തെങ്കിലും ഡൌട്ട് ചോദിച്ച് അടുത്തു ചെല്ലാമെന്ന് അവൻ കരുതി. വരുണിന്റെ വരവ് കണ്ടു കൊണ്ട് തന്നെ ആമി അവളുടെ ഷോളൊക്കെ വലിച്ച് നേരെയാക്കി ഇരുന്നു. ഒന്നാമതേ റിതിൻ പോയതിലുള്ള നിരാശയാണ് ഉള്ള് നിറയെ. അതിലിടക്കാണ് ഇവൻ. ഇവന്റെ ബ്ലാക്ക് മെയിലിനൊന്നും വളം വച്ചു കൊടുത്താൽ ശെരിയാകില്ല. അവന്റെ കഥ കേട്ടപ്പോൾ തന്നെ ആമിക്ക് അവനോടുള്ള പേടി മാറിയിരുന്നു. ഒന്നും കുഴപ്പമല്ലെന്ന മട്ടിൽ സംസാരിച്ചാൽ അവൻ തന്നെ ഒതുങ്ങിക്കോളും. അല്ലെങ്കിൽ തന്നെ അതൊന്നും വിളിച്ചു പറയാനുള്ള ധൈര്യമൊന്നും അവനില്ല. അഥവാ ഉണ്ടാകുമോ.. എന്തായാലും വരുന്നിടത്തു വച്ചു കാണാം. അവൻ അടുത്തു വന്നപ്പോൾ എന്തെന്നുള്ള ഭാവത്തിൽ ആമി അവനെ നോക്കി. പുഞ്ചിരിയോടെ അവനവളുടെ അടുത്തിരുന്നു.

“ഈ ഡൌട്ട് ഒന്ന് ക്ലിയർ ആക്കി താ..”

“എല്ലാം പഠിച്ചില്ലേ… ഇനിയെന്ത് ഡൗട്ടാ..?”

“ഓ.. എന്താണ് ഇത്ര ഗൗരവം..?”

“ഡൌട്ട് കാണിക്ക്..”

പെട്ട് പോയത് പോലെ അവനെന്തോ ലാപ് ടോപ്പ് നോക്കി തിരഞ്ഞു പിടിച്ചു. അവന്റെയാ വ്യഗ്രത കണ്ട് അവൾക്ക് ചിരി വന്നു പോയി. പക്ഷെ പുറത്ത് കാണിച്ചില്ല.

“ദാ ഇതൊന്ന് പറഞ്ഞു താ..”

“ഇത് ഞാൻ പറഞ്ഞു തന്നതല്ലേ..?”

“മനസിലായില്ല..”

“ഉം..”

അവളൊന്ന് അർത്ഥവത്തായി മൂളി, ലാപ് തിരിച്ചു വച്ചു.