ശുഭ പ്രതീക്ഷ 3 [അപരിചിതൻ] 234

“അങ്ങനെ സ്പെഷ്യൽ ഒന്നും ഇല്ല വെറുതെ…” അവൾ എന്തിനാ ഇങ്ങനെ പൊട്ടൻ കളിക്കുന്നത് എന്ന് ഓർത്താണ് ഞാനത് പറഞ്ഞത്.

“എന്നാൽ ശരി മാഷേ നാളെ കാണാം ഉമ്മ വിളിക്കുന്നു…” അവൾ എനിക്ക് എന്തെങ്കിലും പറയാൻ സമയം തരാതെ പറഞ്ഞു.

“എന്നാൽ ശരി ഞാൻ രാത്രി വിളിക്കാം…” ഞാൻ പറഞ്ഞു.

“ശരി മാഷേ…” അവൾ ഫോൺ കട്ട് ചെയ്തു.

അവൾ എന്താ ഇങ്ങനെ? ഇനി ഉമ്മയൊ മറ്റോ അടുത്ത് നിൽക്കുന്നത് കൊണ്ടാണോ? അതാണെങ്കിൽ അങ്ങ് പറഞ്ഞാൽ പോരെ? ഇനി ഞാൻ അവളോട് ഇഷ്ടം ആണ് എന്ന് പറയാൻ വേണ്ടിയാണോ?

അതാണെങ്കിൽ മോള് കുറച്ചു വിയർക്കും, അവൾ എന്നെ പ്രൊപ്പോസ് ചെയ്യുന്നത് ഞാൻ സ്വപ്നം കണ്ടു എന്ന് പറഞ്ഞപ്പോൾ എന്നെ പുച്ഛിച്ച മുതലല്ലേ?

അവൾ വന്ന് പ്രൊപ്പോസ് ചെയ്യട്ടെ അല്ലെങ്കിൽ അവളുടെ പൊട്ടൻ കളി നിർത്തട്ടെ എന്നിട്ട് തീരുമാനിക്കാം.

ഏതായാലും സമയം ഉണ്ട് അവൾ ശരീരംകൊണ്ട് എന്റെയായി, ഇനി മനസ്സ് കൊണ്ടൊന്നായി ഈ ജീവിതം മുഴുവൻ ജീവിക്കണം.

മനസ്സിൽ ചില സംശയങ്ങൾ ബാക്കി ആയിയെങ്കിലും അവളുടെ ഈ ഒളിച്ചു കളി പൊളിച്ച്, എന്നന്നേക്കുമായി എന്റെയാക്കാൻ ഞാൻ തീരുമാനിച്ചു.

ഉച്ചക്ക് കഴിക്കാൻ വന്നപ്പോൾ നാദിയ നേരത്തെ പോയത് എന്താ? എന്ന് അമ്മ ചോദിച്ചപ്പോൾ അവൾക്ക് വീട്ടിൽ എന്തോ ആവിശ്യം ഉണ്ടെന്ന് പറഞ്ഞ് ഞാൻ ഒഴിഞ്ഞുമാറി.

അങ്ങനെ രാത്രിയിൽ വീണ്ടും അവളോട് സംസാരിക്കാൻ വേണ്ടി ഞാൻ കത്തിരുന്നു….

“ഹലോ ഉറങ്ങിയോ…” അവൾ ഫോൺ അറ്റൻഡ് ചെയ്തപ്പോൾ ഞാൻ ചോദിച്ചു.

“ഇല്ല സമയം ഒമ്പത് അയതല്ലേയുള്ളു…” അവൾ ഉത്തരം പറഞ്ഞു.

അവളോടെ സംസാരിക്കാൻ വേണ്ടിയുള്ള ആവേശം കൂടിയത് കൊണ്ടാണ് ഞാൻ സാധാരണയിൽ നിന്നും നേരത്തെ വിളിച്ചത്.

“ആഹ് സുഖമാണോ…? ” ഞാൻ വേറെ ചോദ്യം ഒന്നും കിട്ടാത്തത് കൊണ്ടാണത് ചോദിച്ചത്.

“അവിടെ വന്നതിന് ശേഷം സുഖത്തിനു കുറവൊന്നുമില്ല…” അവൾ ഒരു ആക്കിയ ചിരിയോടെ പറഞ്ഞു.

പുല്ല് വേണ്ടായിരുന്നു.

“ആഹ്…, നാദിയ ഭക്ഷണം കഴിച്ചോ? ” ഞാൻ എന്റെ ചമ്മൽ മാറ്റി കൊണ്ട് ചോദിച്ചു.

“ആ… കഴിച്ചു മാഷോ? ” അവൾ ചോദിച്ചു.

“ആഹ് ഞാനും കഴിച്ചു” ഞാൻ ഉത്തരം പറഞ്ഞു.

“നീ എന്ത് ഉണ്ടാക്കാനാണ് വിളിച്ചത് അവളുടെ സുഖവിവരം ചോദിക്കാനോ? ” മനസ്സ് എന്റെ തള്ളക്ക് വിളിക്കാൻ തുടങ്ങി.

“പിന്നെ മാഷിന്റെ അമ്മ ഉറങ്ങിയോ? ” അവൾ ചോദിച്ചു.

“ആഹ് ഉറങ്ങി, അവിടെ എല്ലാരും ഉറങ്ങിയോ? ” ഞാൻ ചോദിച്ചു.

“ആഹ് ഉറങ്ങി…” അവൾ പറഞ്ഞു.