ശ്യാമയും സുധിയും 8 [ഏകൻ] 125

 

 

” എടി ശ്യാമേ എന്റെ ഏട്ടന് നിന്നെ ശരിക്കും ഇഷ്ടപ്പെട്ടിട്ടുണ്ട്.. അത് ഏട്ടൻ പറഞ്ഞു.? ”

 

 

” അതിന് എന്നെ ചേച്ചിയുടെ ഏട്ടൻ എപ്പോഴാ കണ്ടത്…? എവിടുന്നാ കണ്ടത്…? ”

 

 

” അതൊക്കെ മുൻപ് തന്നെ കണ്ടിട്ടുണ്ട്.. ” സുചിത്ര പറഞ്ഞു.

 

 

” കള്ളം. ചേച്ചി വെറുതെ പറയുന്നതാ. എന്നെ ചേച്ചിയുടെ ഏട്ടന് എങ്ങനെ അറിയാം..? ”

 

 

” ഞാൻ നിന്റെ ഫോട്ടോ എന്റെ ഏട്ടന് അയച്ചുകൊടുത്തു . അപ്പോൾ പറഞ്ഞതാ. നിന്നെ മുൻപ് തന്നെ കണ്ടിട്ടുണ്ടെന്ന്. കെട്ടുന്നെങ്കിൽ നിന്നെപ്പോലുള്ള പെണ്ണിനെ തന്നെ കെട്ടണം ഭാര്യയാകാൻ പറ്റിയ പെണ്ണ് നീയാണെന്ന ഏട്ടൻ പറഞ്ഞത് .. എന്തായാലും ഏട്ടന് നിന്നെ ശരിക്കും ഇഷ്ടപ്പെട്ടിട്ടുണ്ട് അതുറപ്പാ. ”

 

 

അത് കേട്ട് ശ്യാമയുടെ മുഖം വാടി. ശരിക്കും ഇനി ചേച്ചിയുടെ ഏട്ടൻ തന്നെ കണ്ടു കാണുമോ..? ചേച്ചിയുടെ ഏട്ടനെ കൊണ്ട് തന്നെ കെട്ടിക്കുമോ..? ശ്യാമയുടെ ചിന്തകൾ അങ്ങനെ പോയി.

 

 

അപ്പോഴാണ് സുചിത്ര ചോദിച്ചത്.

 

 

 

” എന്താടി പെണ്ണേ അപ്പു ഏട്ടൻ ഇപ്പോൾ കുളിക്കുന്നില്ലെന്ന് പറഞ്ഞത്..?

 

 

“അറിയില്ല ചേച്ചി. ക്ഷീണം ആണെന്ന് പറഞ്ഞു. നാളെ രാവിലെ കുളിപ്പിച്ചാൽ മതിയെന്ന് പറഞ്ഞു.”

 

 

” എന്നാൽ രാവിലെ നീ പോയിട്ട് അപ്പു ഏട്ടനെ കുളിപ്പിക്കണം. എനിക്ക് അപ്പു ഏട്ടനെയും കൊണ്ട് ഒന്ന് രണ്ട് സ്ഥലത്ത് പോകാൻ ഉണ്ട്. അ!! പിന്നെയാ ഡോക്ടറെയും ഒന്ന് കാണണം. ”