സിമിചേച്ചി എന്നും എപ്പോഴും [അർജുൻ] 444

ചേച്ചിക്ക് എന്റെ ഓരോ ആക്ഷൻസും കാണുമ്പോൾ ചിരിയും കളിയാക്കലും ഒക്കെ ചേർത്ത വരുന്നതെങ്കിലും എന്റെ ഈ തുറന്നുള്ള സംസാരം ഇഷ്ടമായെന്നും എനിക്ക് തോന്നി…അന്നും ഇന്നും പാട്ടിനും സംസാരിക്കാനും ഉള്ള കഴിവാണ് എന്നെ പിടിച്ചു നിർത്തി ഇരുന്നത്.. പക്ഷെ എനിക്ക് താത്‌പര്യം ഇല്ലാത്തവരോട് ഞാൻ അധികം മിണ്ടാൻ പോകാറില്ല.. ഇതിപ്പോ ഒരു മലയാളിയോട് സംസാരിക്കാനുണ്ടെങ്കിൽ സതീഷ് സാറിനോട് ആണിവിടെ.. അത്കൊണ്ട് തന്നെ എന്റെ സൗന്ദര്യ സങ്കല്പങ്ങളോട് അടുത്ത് നിക്കുന്ന ഒരു ചേച്ചിയുമായി ഞാൻ സംസാരിയ്ക്കാൻ മുന്നോട്ട് വന്നതിൽ നിങ്ങൾക്കും സംശയം കാണില്ല..

“അല്ല മോനെ.. ഇതൊരു ചെറിയ അടുക്കള സെറ്റപ്പ് മൊത്തം ഉണ്ടല്ലോ.. സ്റ്റവ്, ഇൻഡക്ഷൻ കുക്കർ.. എന്താ ഇങ്ങോട്ടേക്കു താമസം മാറി വന്നതാണോ കുടുംബം ” സാധനങ്ങൾ എടുക്കുന്നതിനിടയിൽ ചേച്ചി ചോദിച്ചു..

“കുടുംബം മാറിയില്ല.. ഞാൻ.. സൂര്യ എൻജിനീയറിങ് കോളേജിലാ ഞാൻ പഠിക്കുന്നെ.. ഇപ്പോൾ ആ ജംഗ്ഷനിൽ ഒരു വീടെടുത്ത്‌ മാറി താമസിക്കാൻ.. അവിടുത്തേക്ക്.. ” ഞാൻ പറഞ്ഞു

“ഓഹോ അപ്പോൾ ഗംഭീര കുക്ക് ഒക്കെ ആയിരിക്കുമല്ലോ.. ഒറ്റക്കൊക്കെ നിക്കാൻ ഈ കാലത്ത് പിള്ളേർ തയ്യാറാവുന്നേൽ വെക്കാനും അലക്കാനും ഒക്കെ മെനക്കെടാൻ അറിയുമെങ്കിലാണല്ലോ.. അതോണ്ട് ചോയിച്ചായ”

“ഹ ഹ ഒരു കട്ടൻചായ കൂടെ തിളപ്പിക്കാൻ എനിക്കറിയില്ല അപ്പോഴാ.. ഗതികേടിന്റെ ആണെന്റെ ചേച്ചിയെ ” ഞാൻ ചിരിച്ചു

“കൊള്ളാം.. അപ്പോൾ ഈ സാധനം ഒക്കെ കുരങ്ങന്റെ കയ്യിൽ പൂമാല കിട്ടുന്ന അവസ്ഥ ആകുമല്ലേ ” ചേച്ചി കളിയാക്കി കൊണ്ട്..

ഞാൻ മുഖം വാടുന്ന പോലെ കാണിച്ചപ്പോൾ “അയ്യോ മോനെ.. സോറി.. ചുമ്മാ ഒന്ന് പറഞ്ഞതാ ട്ടോ “ചേച്ചി ഒരു ക്ഷമാപണ സ്വരത്തിൽ

“ഏയ്‌ കാര്യം ഇച്ചിരി വിഷമയെലും ചേച്ചി പറഞ്ഞതിൽ കാര്യമുണ്ട്.. ആര് പറഞ്ഞാലും പോയിന്റ് ഉണ്ടെങ്കിൽ എടുക്കണം എന്നല്ലേ സജി പറഞ്ഞേക്കുന്നെ ” ഞാൻ ചിരിച്ചു

“ഏത് സജി ”

“കുമ്പളങ്ങി നൈറ്സിലെ സജി “ഞാൻ മുഖം പൊത്തി ചിരിച്ചുകൊണ്ട് പറഞ്ഞു.

ചേച്ചി മുഖം ചുളുക്കി ആക്കിയ ഭാവത്തിൽ ഒരു ചിരി പാസ്സ് ആക്കി..

“ഇനി യൂട്യൂബ് അമ്മച്ചിയിൽ നോക്കി എല്ലാം പഠിക്കണം “ഞാൻ ഒരു നിശ്വാസം വിട്ട് പറഞ്ഞു..

“അമ്മച്ചിയോ.. കൊള്ളാം.. മ്മ്മ്.. പഠിക്ക്.. all the ബെസ്റ്റ് “ചേച്ചി ഒരുപാട് ചിരിച്ചു

“കാലിയാക്കണ്ടാ .. ഞങ്ങള് പാവങ്ങളാണേ.. “ഞാൻ ചുമ്മാ കൈകൂപ്പി പറഞ്ഞു..

അവിടുത്തെ ഏകദേശം ഒക്കെ സെലക്ട്‌ ചെയ്തു.. മുഴുവനും ചേച്ചി തന്നെയാ സെലക്ട്‌ ചെയ്തേ.. എന്നോട് ഓരോന്ന് എടുക്കുമ്പോഴും ഇത്‌ ഓക്കേ അല്ലെ എന്ന് ചോയിക്കും.. ഞാൻ പിന്നെ എന്ന് പറയും.. പിന്നെ കുറച്ചു മസാലകളും പച്ചക്കറികളും ഒക്കെ എടുക്കാൻ ചേച്ചിയും കൂടെ വന്നിരുന്നു.. ഞങ്ങൾ കുറെ അധികം സംസാരിച്ചു ഇതിനിടയിൽ.. എന്റെ തമാശകളും കാര്യങ്ങളും ഒക്കെ