സ്റ്റാർട്ട്.. ക്യാമറ.. ആക്ഷൻ! 2 [Aman] 364

വിശ്വനാഥൻ സാറുമായുള്ള കൂടിക്കാഴ്ച തനിച്ചു മതിയെന്നും  കൊച്ചിയിലെ അയാളുടെ  പഞ്ചനക്ഷത്ര ഹോട്ടലിൽ വെച്ച് കൂടിക്കാഴ്ച്ച ആവാമെന്നും ജൂലി നിർദേശിച്ചപ്പോൾ മറുത്തൊന്നും പറയാൻ റിയയ്ക്ക് തോന്നിയില്ല.  കൊച്ചിയിലേക്ക് പുറപ്പെടുന്നതിന് മുന്നേ റിയ നന്നായൊന്നൊരുങ്ങി. ദൈവമായിട്ട് കൊണ്ട്തന്ന അവസരം താനായി നഷ്ടപെടുത്തരുതെന്ന് അവൾക്ക് നിര്ബന്ധമുണ്ടായിരുന്നു. കണ്ണാടിയിൽ നോക്കിയപ്പോൾ കറുത്ത ടീഷർട്ടിലും നീല ജീൻസിലും  താൻ ഒന്നുകൂടൊന്നു തടിച്ചതായി അവൾക്ക് തോന്നി. മുകളിലത്തെ ബട്ടൺ അഴിച്ചിട്ടിരിക്കുന്ന ടീഷർട്ടിന്റെ വിടവിലൂടെ ദൃശ്യമാവുന്ന തിങ്ങിനിറഞ്ഞമുലച്ചാൽ റിയ കണ്ടില്ലെന്ന് നടിച്ചു . വീട്ടിൽ നിന്നിറങ്ങുമ്പോൾ, എല്ലാകാര്യങ്ങളും തുറന്നുപറയാറുള്ള ചേച്ചിയോട് പോലും കിട്ടാൻ സാധ്യതയുള്ള ഒരു ഓഫറിനെ പറ്റി ചർച്ച ചെയ്യാൻ പോവുന്നെന്നല്ലാതെ ബാക്കി വിവരങ്ങളൊക്കെ വന്നിട്ട് പറയാമെന്നേ പറഞ്ഞുള്ളൂ.

പ്രതീക്ഷിക്കാതെ പെയ്ത ഭയങ്കരമായ മഴയും ട്രാഫിക്കുമെല്ലാം കൂടി കൊച്ചിയിലെത്തുമ്പോൾ സമയം ഉച്ചകഴിഞ്ഞിരുന്നു. റിസപ്‌ഷനിലെ ചുള്ളത്തിയെ എവിടെയോ കണ്ടു പരിചയം തോന്നിയെങ്കിലും റിയ അധികം ആലോചിക്കാൻ നിന്നില്ല.. അല്ലെങ്കിലും ഒരാളെ പോലെ എത്രയോ പേരുണ്ടാവുമെന്നാണല്ലോ…  ഫോൺ വെച്ചതിനു ശേഷം സാർ  റൂമിലുണ്ടെന്നും അങ്ങോട്ട് ചെല്ലാൻ പറഞ്ഞെന്നും പറയുമ്പോൾ റിസപ്‌ഷനിസ്റ്റിന്റെ ചുണ്ടിൽ മിന്നിമാന പരിഹാസച്ചിരി റിയ കണ്ടില്ലെന്ന് നടിച്ചു. ലിഫ്റ്റിനകത്തെക്ക് കേറുമ്പോഴും വിശ്വനാഥന്റെ മുറിയുടെ കോളിങ്ങ് ബെൽ അമർത്തുമ്പോഴും തന്റെ ഹൃദയം പെരുമ്പാറ കൊട്ടുകയാണെന്ന് റിയക്ക് തോന്നി. അതുവരെ സംഭരിച്ചുവെച്ച ധൈര്യമൊക്കെ ചോർന്നൊലിച്ചു പോവുന്നത് പോലെ..

കോളിങ്ങ് ബെൽ അമർത്തിയ ശേഷം വാതിലിന്റെ അരികിൽ പതിപ്പിച്ച ‘വിശ്വനാഥ മേനോൻ, എംഡി, മായാ പാലസ്’ എന്നെഴുതിയ  നെയിംബോർഡിലേക്ക് അവൾ വെറുതെ കണ്ണുപായിച്ചു.. അതിലെ ഓരോ അക്ഷരവും തന്നെ തുറിച്ചു നോക്കുകയാണോ?

“ഹലോ റിയ… വെൽകം റ്റു കൊച്ചി ആന്റ് വെൽകം റ്റു മായാ പാലസ്… കം ഇൻ” വാതിൽ തുറന്നു കൊണ്ട് വിശ്വനാഥൻ ഉപചാരപൂർവം അവളോട് അകത്തേക്ക് പ്രവേശിക്കാൻ ആംഗ്യം കാണിച്ചു.

ആദ്യമായിട്ടാണവൾ വിശ്വനാഥനെ നേരിട്ട് കാണുന്നത്. സത്യത്തിൽ വിശ്വനാഥ മേനോൻ എന്ന പേരും ഇന്റസ്ട്രിയിലെ അയാളുടെ മേൽവിലാസവുമെല്ലാം ചേർന്ന് ഒരു അറുപത് വയസ്സുകാരൻ കിളവനെയായിരുന്നു റിയ മനസ്സിൽ സങ്കല്പിച്ചിരുന്നത്. പക്ഷെ തന്റെ മുന്നിൽ നിൽക്കുന്ന ഏറിയാൽ നാല്പതോ നാല്പത്തഞ്ചോ വയസ്സ് പ്രായം തോന്നിക്കുന്ന ചെറുപ്പക്കാരനെ അവളോട്ടും പ്രതീക്ഷിച്ചിരുന്നില്ല. ക്ളീൻ ഷേവ് ചെയ്ത വെളുത്ത മുഖവും നീണ്ടമൂക്കും പൂച്ചകണ്ണുകളും ആറടിയോളം പൊക്കവും അതിനൊത്ത വ്യായാമം ചെയ്ത പുഷ്ടിപ്പെടുത്തിയ  ശരീരവും ചേർന്ന് അയാൾക്കൊരു ബിസിനസ്സുകാരനെക്കാൾ മോഡലിനോടോ ഹോളിവുഡ് നടനോടോ ആണ് സാമ്യമെന്ന് റിയയ്ക്ക് തോന്നി.