സുഹൃത്തിന്റെ മകൾ ജ്വാല 3 [Sojan] 434

ഒരു ട്യൂണുമില്ലാതെയാണ് പാടുന്നത്. സ്വരം നല്ലതാണ് പക്ഷേ ശ്രുതി ഏഴയലത്തു കൂടി പോയിട്ടില്ല. എന്റെ സംഗീത ആസ്വാദനക്ഷമത കൂടി നശിപ്പിക്കും. എങ്കിലും അത് പറഞ്ഞില്ല, ആ കാളരാഗം അവസാനിപ്പിക്കാൻ മറ്റൊരു വിഷയം എടുത്തിട്ടു.

ഞാൻ : “എന്താ അതിനിടയിൽ ഒരു പ്രായം ..”

ജ്വാല : “ഓ ചുമ്മാ, പാട്ടിഷ്ടപ്പെട്ടോ?”

ഞാൻ : “പിന്നെ എസ്. ജാനകി മാറിനിൽക്കും; എന്നാൽ ഭവതി പാടരുത്-അപേക്ഷയാണ്, മറ്റുള്ള പാട്ടുകാരുടെ പണികളയണോ?” ഞാൻ തിരിച്ചും വച്ചു.

ജ്വാല : “ഓക്കെ അടിയൻ” അവളുടെ മുഖത്ത് ഒരു ഗൂഡമന്ദഹാസം.

ജ്വാല : “കിളവൻമ്മാർക്ക് പറ്റുന്ന പാട്ടല്ല അതാ, ദ പിടിച്ചോ ഒരെണ്ണം”

 

“♪   ♪   ♪   സുമംഗലീ നീ ഓർമ്മിക്കുമോ? സ്വപ്നത്തിലെങ്കിലും ഈ ഗാനം ♪   ♪   ♪  ”

 

ഞാൻ : “എനിക്കിട്ട് താങ്ങിയതാ അല്ലേ?” അത് ശ്രദ്ധിക്കാതെ അവൾ തുടർന്നു..

ജ്വാല : “അതിരിക്കട്ടെ പുള്ളിക്കാരി ഇപ്പോൾ എന്തെടുക്കുന്നു?”

ഞാൻ : “വേറെ വിവാഹം കഴിച്ചു”

ജ്വാല : “എല്ലാം അപ്പപ്പോൾ അറിയുന്നുണ്ട്?”

ഞാൻ : “ഉം”

ജ്വാല : “പിന്നെ കണ്ടിട്ടുണ്ടോ?”

ഞാൻ : “ഇല്ല”

ജ്വാല : “കാണെണമെന്നുണ്ടോ?”

ഞാൻ : “ഇല്ല”

ജ്വാല : “നുണ”

ഞാൻ : “സത്യം”

ജ്വാല : “അങ്കിളിന്റെ സതീശൻ ഈ കഥകളൊക്കെ ഞങ്ങളോട് പറഞ്ഞിട്ടുണ്ടായിരുന്നു.”

ഞാൻ : “ഞാൻ ഊഹിച്ചു”

ജ്വാല : “അങ്കിളിനോട് ഇതേപ്പറ്റി സൂചിപ്പിക്കരുതെന്നും പറഞ്ഞിട്ടുണ്ടായിരുന്നു”

ഞാൻ : “പക്ഷേ നീ അതു തന്നെ കുത്തിക്കുത്തി ചോദിക്കുകയും ചെയ്യുന്നു?”

ജ്വാല : “ഹ ഹ ഹ, അത് വേറൊരു വശം, അച്ഛായ്ക്കറിയില്ലല്ലോ നമ്മൾ തമ്മിലുണ്ടായ ബന്ധം?”

ഞാൻ : “ഓ അവിടൊരു പൊരുത്തക്കേട് വന്നല്ലോ?”

ജ്വാല : “എന്തോന്ന്‌?”

ഞാൻ : “ഈ കഥകൾ പറഞ്ഞത് നീ ബാഗ്ലൂർക്ക് വരുന്നതിന് മുമ്പായിരിക്കും?”

ജ്വാല : “അതെ”

ഞാൻ : “ഏതായാലും വന്നു കഴിഞ്ഞാണ് ബന്ധം തുടങ്ങിയത്?”

ജ്വാല : “അതെ”

ഞാൻ : “അപ്പോൾ അതുകഴിഞ്ഞ് ഈ വിഷയം പിന്നെയും ഫോണിൽ സംസാരിക്കാതെ എന്റെ പഴയ ബന്ധത്തിന്റെ കാര്യം വരുന്നില്ലല്ലോ? അപ്പോൾ എന്താണ് നിങ്ങൾ എന്നെപ്പറ്റി സംസാരിച്ചത്?”