?️ സ്വർഗ്ഗ ദ്വീപ് 8?️ [അതുല്യൻ] 530

“ഞാൻ എന്തായാലും വരും ആദിത്യ.” അവൾ മറുപടി പറഞ്ഞു. അവളുടെ കണ്ണുകൾ മേശയുടെ മുകളിൽ ആദിത്യൻ വച്ച ഫോണിലേക്കും സിഗററ്റിലേക്കും പോയി.

“വേണമെങ്കിൽ സിഗററ്റ് വലിച്ചോളൂ എനിക്ക് കുഴപ്പമൊന്നും ഇല്ല.” ആദിത്യൻ ഒരു സിഗററ്റ് എടുത്ത് കത്തിച്ച് കൊണ്ട് പറഞ്ഞു. “നിങ്ങൾക്ക് എന്നോട് സംസാരിക്കണം എന്ന് പറഞ്ഞിരുന്നോ?.”

“അതെ താങ്കൾ എപ്പോഴാണ് LA യിലേക്ക് വരുന്നത്?.” ചാർലീസ് ചോദിച്ചു.

അവൻ പ്രിയയുമായി ഉള്ള സംഭാഷണം ഓർത്ത് ഒന്ന് ചിരിച്ചു കൊണ്ട് പറഞ്ഞു. “അറിയില്ല എനിക്ക് ഒരു ഊഹവും ഇല്ല. അടുത്ത കുറച്ച് മാസങ്ങൾ ഞാൻ യാത്രയിൽ ആയിരിക്കും. അതിനെ കുറിച്ചുള്ള വിശദ വിവരങ്ങൾ എനിക്ക് കിട്ടിയിട്ടില്ല.”

“താങ്കൾക്ക് LA യിൽ കുറേ ബിസിനസ്സുകൾ ഉണ്ടെന്ന് എനിക്ക് അറിയാം. താങ്കൾ അവിടേക്ക് വരുമ്പോൾ എന്നെ വിളിക്കാൻ മറക്കരുത്.” അവൾ പറഞ്ഞു. “പിന്നെ എന്റെ കൂട്ടുകാർ എന്നെ ചാർളി എന്നാണ് വിളിക്കാറ്.”

“ശെരി.” ആദിത്യൻ ഫോൺ എടുത്ത് കോണ്ടാക്ട്സ് തുറന്ന് ‘ചാർളി ടി’ എന്ന പേരിൽ ഒരു പുതിയ കോണ്ടാക്ട് ഉണ്ടാക്കി അതിന് ശേഷം നമ്പർ ടൈപ്പ് ചെയ്യാനായി അവളുടെ കയ്യിലേക്ക് ഫോൺ കൊടുത്ത് കൊണ്ട് പറഞ്ഞു. “നിങ്ങളുടെ നമ്പർ ഇതിൽ ടൈപ്പ് ചെയ്ത് സേവ് ചെയ്യൂ.”

അവൾ നമ്പർ കയറ്റിയതിന് ശേഷം ഫോൺ അവന് തിരിച്ച് കൊടുത്ത് കൊണ്ട് പറഞ്ഞു. “അത് എന്റെ പേർസണൽ നമ്പർ ആണ്.”

ആദിത്യൻ തല ആട്ടി ചിരിച്ച് കൊണ്ട് ചോദിച്ചു. “അപ്പോൾ വിളിക്കാൻ പറഞ്ഞത് പേർസണൽ ആവശ്യത്തിന് വേണ്ടി ആണോ അല്ലെങ്കിൽ ബിസിനസ്സ് ആവശ്യത്തിന് വേണ്ടി ആണോ?.”

അവൾ ചിരിച്ച് കൊണ്ട് പറഞ്ഞു. “താങ്കൾ വളരെ തുറന്ന് സംസാരിക്കുന്നു. ഞാൻ രണ്ട് തരത്തിൽ ഉള്ള ആവശ്യങ്ങൾക്കും വേണ്ടി ആണ് വിളിക്കാൻ പറഞ്ഞത്. താങ്കൾക്ക് അതിൽ വിരോധം ഒന്നും ഇല്ല എന്ന് ഞാൻ വിജാരിക്കുന്നു.”

“എനിക്ക് കുഴപ്പം ഒന്നും ഇല്ല.” ആദിത്യൻ ചിരിച്ച് കൊണ്ട് പറഞ്ഞു.

“താങ്കൾക്ക് എന്നെ ഓർമ്മ വരാൻ ആ കോണ്ടാക്ടിൽ ഉൾപെടുത്താൻ എന്റെ ഒരു ഫോട്ടോ എടുക്കുന്നത് നല്ലതായിരിക്കും.” അവൾ ചിരിച്ച് കൊണ്ട് പറഞ്ഞു.

“അത് ശെരിയാ എന്റെ ഫോണിൽ ഓസ്കാർ ജേതാക്കളായ നടിമാരുടെ നമ്പറുകൾ കൊണ്ട് നിറഞ്ഞ് ഇരിക്കുവാണല്ലോ.” ആദിത്യൻ ഒരു തമാശ എന്ന പോലെ പറഞ്ഞു. അവൻ ഫോൺ എടുത്ത് അവളുടെ ചിരിച്ച് കൊണ്ട് ഇരിക്കുന്ന ഒരു ഫോട്ടോ എടുത്ത് കോണ്ടാക്ടിൽ ഉൾപ്പെടുത്തി.

“എന്റെ ഫോണിലേക്ക് വിളിക്ക്.” കുറച്ച് നിമിഷങ്ങൾക്ക് ശേഷം ചാർളി പറഞ്ഞു.

“ഇപ്പോഴോ?.” ആദിത്യൻ ചോദിച്ചു.

“അതെ എന്റെ കൈയ്യിൽ താങ്കളുടെ നമ്പർ ഇല്ല.” അവൾ ചൂണ്ടി കട്ടി.

“ഓഹ് അത് ശെരിയാ.” ആദിത്യൻ അവൾക്ക് ഒരു മിസ്സ്ഡ് കോൾ കൊടുത്തു. അവൾ ആദിത്യന്റെയും ഒരു ഫോട്ടോ അവളുടെ ഫോണിൽ എടുത്തു.

“അപ്പോൾ താങ്കൾ എപ്പോഴാണ് LA യിലേക്ക് വരുന്നത് എന്ന് അറിയില്ല?.” ചാർളി വിഷമത്തോടെ ചോദിച്ചു.

“സത്യം പറഞ്ഞാൽ എനിക് അറിയില്ല.” ആദിത്യൻ മുഖം സങ്കട ഭാവത്തിൽ ആക്കി കൊണ്ട് പറഞ്ഞു. “അവർ ഇത് വരെ അതിന്റെ സമയ ക്രമം തയ്യാറാക്കിയിട്ടില്ല എന്നാണ് എനിക്ക് തോനുന്നത്.”