?️ സ്വർഗ്ഗ ദ്വീപ് 8?️ [അതുല്യൻ] 530

“വരുന്ന ദിവസം അറിഞ്ഞ് കഴിഞ്ഞാൽ എന്നെ വിളിക്കാൻ മറക്കരുത്.” ചാർളി ഒരു ചെറു ചിരിയോടെ പറഞ്ഞു.

“നിങ്ങളുടെ സംഭാഷണം തടസ്സപ്പെടുത്തിയതിൽ ക്ഷെമിക്കണം.” ലക്ഷ്മി മേശയുടെ അരികിലേക്ക് വന്ന് കൊണ്ട് പറഞ്ഞു. “താങ്കൾക്ക് ഒരു ഫോൺ കോൾ വന്നിട്ടുണ്ട് ആദിത്യ.”

“എന്നാൽ ശെരി ചാർളി.” ആദിത്യൻ ഇപ്പോൾ ആരാണ് തന്നെ വിളിക്കുന്നത് എന്ന് ആലോജിച്ച് കൊണ്ട് പറഞ്ഞു. “ഞാൻ ഒന്ന് പോയി നോക്കട്ടെ. ഭക്ഷണം കഴിക്കുമ്പോൾ വീണ്ടും കാണാം.”

“ശെരി പിന്നെ കാണാം.” ചാർളി പറഞ്ഞു. അവൻ മേശയിൽ നിന്ന് ഫോൺ എടുത്തപ്പോൾ അവൾ അവന്റെ കൈയ്യിൽ പിടിച്ച് ഒന്ന് അമർത്തി വിട്ടു.

ആദിത്യൻ ലക്ഷ്മിയുടെ പുറകെ പടികൾ കയറി സ്യൂട്ട് റൂമിൽ എത്തിയതിന് ശേഷം ചോദിച്ചു. “അപ്പോൾ ആരാണ് എന്നെ വിളിച്ചത്?.”

“ആരും വിളിച്ചില്ല.” ലക്ഷ്മി പറഞ്ഞു. “ഞാൻ സോഫിയയോട് സംസാരിക്കുക ആയിരുന്നു അപ്പോൾ . . . .”

“ആരും വിളിച്ചില്ലേ?.” ആദിത്യൻ ദേഷ്യത്തോടെ ചോദിച്ചു. അവൻ ചാർളിയും ആയുള്ള സംസാരം ആസ്വദിച്ച് വരുക ആയിരുന്നു. ഒരു കാരണവും ഇല്ലാതെ അത് തടസ്സപ്പെടുത്തിയതിൽ അവന് ലക്ഷ്മിയോട് നല്ല ദേഷ്യം തോന്നി.

“ആദിത്യ.” ലക്ഷ്മി കുറച്ച് കടുപ്പത്തിൽ ഒച്ച കുറച്ച് അവനെ വിളിച്ച് കൊണ്ട് പറഞ്ഞു. “ഞാൻ പറയുന്നത് ശ്രേദ്ധിച്ച് കേൾക്ക്. ഞാൻ ഇപ്പോൾ സോഫിയയോട് സംസാരിക്കുക ആയിരുന്നു അപ്പോൾ ആദിയക്ക് എന്തൊക്കെയോ വിഷമങ്ങൾ ഉണ്ടെന്ന് അവൾ പറഞ്ഞു.”

“എന്ത് തരത്തിൽ ഉള്ള വിഷമങ്ങൾ?.” ആദിത്യൻ പെട്ടെന്ന് ചോദിച്ചു.

“എനിക്ക് ശെരിക്കും അറിയില്ല സോഫിയ ഒന്നും തുറന്ന് പറഞ്ഞില്ല അവൾ അല്ലെങ്കിലും വികാരപരമായ കാര്യങ്ങൾ സംസാരിക്കുന്നതിൽ കുറച്ച് പുറകോട്ട് ആണ്. കഴിഞ്ഞ കുറച്ച് ദിവസങ്ങളായി ആദിയ രാത്രി മുഴുവൻ കരഞ്ഞ് കൊണ്ട് ഇരിക്കുക ആണെന്ന് അവൾ പറഞ്ഞു. അവൾക്ക് ഇവിടെ ഒറ്റപ്പെട്ടത് പോലെ തോനുന്നുണ്ടെന്ന് ഞാൻ കരുതുന്നു.”

“നിങ്ങൾക്ക് അവൾ ഒറ്റപ്പെട്ട് ഇരിക്കുന്നത് പോലെ തോന്നിയോ?.” ആദിത്യൻ മുരണ്ട്‍ കൊണ്ട് ചോദിച്ചു.

ലക്ഷ്മി തല ആട്ടി കൊണ്ട് പറഞ്ഞു. “ഞാൻ അവളെ ഇന്നലെ ശ്രദ്ധിക്കുക ആയിരുന്നു അവൾ ഉൾവലിഞ്ഞത് പോലെ ആണ് ഇന്നലെ മുഴുവൻ പെരുമാറിയത്. അവൾ ആളുകളോട് കുറച്ച് നേരം സംസാരിച്ചതിന് ശേഷം എന്തെങ്കിലും കാരണം പറഞ്ഞ് അവരെ ഒഴിവാക്കും. താങ്കളോട് അവൾ എന്തെങ്കിലും വിഷമങ്ങൾ ഉള്ളതായി പറഞ്ഞിരുന്നോ?.”

അവളോട് കുറച്ച് ദിവസമായി മരിയാതക്ക് സംസാരിച്ചിട്ട് എന്ന് ചിന്തിച്ചപ്പോൾ ആദിത്യൻ ഒരു നിമിഷം മിണ്ടാതെ നിന്നു. അവൻ എല്ലാ ദിവസവും ആദിരയുമായി രാത്രി സംസാരിക്കുന്നുണ്ട് പക്ഷെ ആദിയയെ കാണുന്നത് മീറ്റിങ്ങുകളുലും ഭക്ഷണ സമയത്തും മാത്രം ആണ്.

“അവളോട് ശെരിക്കും സംസാരിക്കാൻ എനിക്ക് അധികം സമയം കിട്ടിയിട്ടില്ല.” അവൻ വിഷമത്തോടെ പറഞ്ഞു. ലക്ഷ്മി ഇതിനെ കുറിച്ച് പറഞ്ഞതിന് ശേഷം ചിന്തിച്ചപ്പോൾ ആദിയയും ആദിരയും അധികം സംസാരിക്കുന്നത് കണ്ടിട്ടില്ല എന്ന് അവൻ ഒരു വിഷമത്തോടെ ഓർത്തു.

“ഞാൻ അവളെ ഇപ്പോൾ തന്നെ കണ്ടിട്ട് വരാം.” ആദിത്യൻ അവളുടെ മുറിയിലേക്ക് പോകാൻ വേണ്ടി തിരിയുമ്പോൾ പറഞ്ഞു.