സ്വാതന്ത്ര്യം 4 [കിരൺ കുമാർ] 886

അവന്റെ മനസിൽ പക്ഷെ ഇന്നലെ അച്ചൻ പറഞ്ഞ വാക്കുകൾ ആയിരുന്നു. ഇടക്ക് അവളെ നോക്കുമ്പോൾ അവൾ വാശിയോടെ മുന്നോട്ട് തന്നെ നോക്കി വണ്ടി ഓടിച്ചുകൊണ്ടിരിക്കുകയാണ്. കുറെ നേരം ഓടിച്ചു കഴിഞ്ഞ് അവൾ  ബീച്ചിലെ പാർക്കിങ്ങിലേക്ക് വണ്ടി ഒതുക്കി നിർത്തി പുറത്തിറങ്ങി മുന്നിലൂടെ കടന്നു അവന്റെ ഡോറിലേക്ക് എത്തി.  അവൻ പുറത്തിറങ്ങി ഡോർ അടച്ചു.

 

“വ … ”

 

അവൾ അവന്റെ കൈ പിടിച്ചു മുൻപോട്ട് നടന്നു. ബീച്ചിൽ എത്തിയാണ് അവൾ നിന്നത്.

 

“അച്ചുവേട്ട”

 

“ആം..”

 

“എന്നോട് വല്ല പിണക്കം ഉണ്ടോ?”

 

“ഏയ്… എന്ന അമ്മു നീ ഈ പറയുന്നേ?”

 

“അല്ല എനിക്ക് അങ്ങനെ തോന്നി”

 

“എനിക്ക് എന്തിനാ മോളെ നിന്നോട് പിണക്കം?”

 

“ആം എന്നാലേ… ന്നെ ഇഷ്ടമാണോ??”

 

” ശെടാ നിനക്ക് എന്ന പറ്റി… ”

 

“പറ ”

 

അവൾ വാശി കാണിച്ചു

 

“നോക്കിയേ കൊച്ചു കുഞ്ഞുങ്ങളെ പോലെ… ഈ നീ ആണോ ആ കടയിൽ ഇരുന്ന് എല്ലാരേം ചാടിക്കുന്നെ ന്ന് ഓർക്കുമ്പോഴ”

 

“ഞാൻ ചോദിച്ചേ നു ഉത്തരം പറ”

 

“ഞാൻ അതൊന്ന് പറഞ്ഞേ അല്ലെ അമ്മു”

 

“ആ അത് മതി”

 

അവൾ അവനെ കേറി കെട്ടി പിടിച്ചു. പെട്ടെന്ന് ഉള്ള അവന്റെ പ്രവർത്തിയിൽ അവൻ പതറി പോയി.

 

“ടി നീ എന്താ ഈ കാണിക്കുന്നെ… എല്ലാരും കാണുവാ”

 

“കാണട്ടെ അതിന് ഇപോ എന്താ”

 

അവൾ പിന്നെയും ഒന്നുകൂടെ അവനെ മുറുക്കി കെട്ടി പിടിച്ചു.

 

പിന്നെ അവനും അവളെ കെട്ടി പിടിക്കേണ്ടി വന്നു അല്ലാതെ അവൾ വിടില്ല ന്ന് അവനു മനസിലായി.

 

ഒടുവിൽ അവിടെ കുറെ നേരം ചിലവഴിച്ചിട്ടാണ് അവർ രണ്ടും കൂടെ അവിടുന്ന് ഇറങ്ങിയത് അപ്പോഴേക്കും ഉച്ച ആയിരുന്നു . കടയിലേക്ക് വണ്ടി ഓടിച്ചു കൊണ്ടിരിക്കുകയാണ് അവൾ

 

“അച്ചുവേട്ട… ഞാൻ ഇന്നലെ പറഞ്ഞ കാര്യം സെറ്റ് ആക്കണ്ടേ നമുക്ക്?”