തളിരിട്ട മോഹങ്ങൾ 1 [സ്പൾബർ] 1630

എന്തൊക്കെയാണിപ്പോ നടന്നത്..?… ഒരിറക്ക് വെള്ളം കൂടി കുടിച്ച് കുപ്പി ടീപ്പോയിൻമേൽ വെച്ച് അവൾ സെറ്റിയിൽ ചാരിയിരുന്നു..

നടന്ന കാര്യങ്ങൾ അവൾ ഓർത്തെടുക്കാൻ ശ്രമിച്ചു..

ഉണ്ണി വന്നത് തൊട്ടുള്ള കാര്യങ്ങൾ അവളുടെ മനസിലൂടെ കടന്ന് പോയി.. അവനെഴുതിയ എഴുത്ത് വായിച്ചത് അവൾക്കോർമ വന്നു..
അതിലെ ഓരോ വരികളും അവൾ മനസിൽ വായിച്ചു..

‘ആ പെണ്ണ് ടീച്ചറാണ്…
എന്റെ സാവിത്രി ടീച്ചർ… ‘

അവസാനം വായിച്ച ആ വരി..
അതാണ്..അതാണ് തന്നെ തളർത്തിയത്..
അതാണ് തന്നെ തകർത്തത്..
ആ വരിയാണ് തന്നെ അടിമുടി ഉലച്ച് കളഞ്ഞത്..

എന്താണവൻ എഴുതിയത്..?..
എന്താണ് താൻ വായിച്ചത്…?.

എന്നാലും ഉണ്ണി…
സാവിത്രിക്കിപ്പഴും വിശ്വസിക്കാനായില്ല..

അവൻ തന്നെ… ?..
മൂന്ന് വർഷക്കാലം…
എന്റീശ്വരാ…
എന്തൊക്കെയാണിത്..

അവനേക്കാൾ എത്രയോ പ്രായം കൂടിയ തന്നെ അവൻ പ്രയണയിച്ചിരുന്നെന്നോ… ?.
അതും മൂന്ന് വർഷം..?.
താനറിയാതെ…?

ആദ്യ കാഴ്ചയിൽ തന്നെ അവന് പ്രണയം തോന്നിയെന്ന്..
അവന് തന്നെ കല്യാണം കഴിക്കാൻ പോലും ആഗ്രഹമുണ്ടായിരുന്നെന്ന്..

ഈശ്വരാ…. മൂന്ന് വർഷത്തിനിടെ നാൽപതോളം വിവാഹം അവൻ സ്വയം മുടക്കിയത് തനിക്ക് വേണ്ടിയായിരുന്നോ..?.

എന്തിന്…?.

സാവിത്രിക്ക് കരച്ചിൽ വരുന്നുണ്ടായിരുന്നു..

ഉണ്ണിയെ കുറിച്ച് ഇങ്ങിനെയൊന്നും കരുതിയതേയല്ല..

ഇവനെന്താ ഭ്രാന്താണോ..?
എവിടേലും നടക്കുന്നതാണോ ഇത്..?.
ഇല്ല… ഇതൊരിക്കലും അംഗീകരിക്കാനാവില്ല..
ഇത് പോലെയുള്ള ഞരമ്പ് രോഗികൾ സമൂഹത്തിലെമ്പാടുമുണ്ട്..
അവരുടെയൊക്കെ ഇടയിൽ ഒരു പോറൽ പോലുമേൽക്കാതെ തലയുയർത്തിപ്പിടിച്ച് തന്നെയാണ് താനിത്രയും കാലം ജീവിച്ചത്..