താര കാർത്തിക് [The Gd] 2839

വീട് എത്താറായപ്പോ അവിടെ മൊത്തം ആൾകാർ. എന്നിക് ആണേൽ എന്താ സംഭവം എന്ന് മനസിലായെ ഇല്ല. വണ്ടിയിൽ നിന്ന് ഇറങ്ങിയപ്പോ തന്നെ ആൾകാർ മൊത്തം എന്നെ ശ്രെദ്ധിക്കുന്നുണ്ട് ഇടക്ക് ചിലർ എന്തൊക്കെയോ പതുകെ പറയുന്നുണ്ട്. എന്നിക് കാര്യം മനസിലാവാത്തതുകൊണ്ട് ഞാൻ നേരെ ഉള്ളിലേക്ക് നടന്നു. സിറ്റ്ഔട്ട്‌ ലൊക്കെ ആൾകാർ ഇരിപ്പുണ്ട്. ഇനി ഞാൻ അറിയാതെ വല്ല ഫങ്ക്ഷന് നടക്കുന്നുണ്ടോ എന്ന് വരെ ചിന്തിച്ചു ഉള്ളിലേക്ക് നടന്നു.

ഹാൾ ൽ എത്തിയപ്പോ ഞാൻ കണ്ടത് വെള്ള പുതപ്പു കൊണ്ട് മൂടിയ 5 ശരീരം ആണ്. എന്നിക് നിന്നടത്തു നിന്ന് അനങ്ങാൻ പോലും പറ്റുന്നില്ല. എന്താ ചുറ്റും നടക്കുന്നത് എന്ന് മനസിലാക്കും മുന്നേ അപ്പുറത്ത് വീട്ടിലെ ആന്റി എന്റെ അടുത്ത് വന്നു എന്നെ വലിച്ചു അങ്ങോട്ട് കൊണ്ടുപോയി. അവിടെ കണ്ടത് എന്റെ വീട്ടിൽ ഉള്ളവർ ആണെന്ന് അറിയാൻ എന്നിക് കൂടുതൽ താമസം വേണ്ടി വന്നില്ല. എന്നിക് കരയാൻ പോയിട്ട് ശ്വാസം എടുക്കാൻ പോലും പറ്റുന്നില്ല.

“ആക്‌സിഡന്റ് ആണെന്നാണ് കേട്ടെ. വരുന്ന വഴി ഏതോ ട്രക്ക് വന്നു ഇടിച്ചതാണ് ത്രെ. പാലം ആയതുകൊണ്ട് നേരെ പുഴയിലോട്ടാണ് വീണത് പിന്നെ പറഞ്ഞിട്ട് കാര്യം ഉണ്ടോ”

ചുറ്റുമുള്ളവർ സംസാരിക്കുന്നത് ഒരു റിലയിൽ പെട്ടതുപോലെ എന്നിക് കേൾകാം.

ശ്വാസം എടുക്കാൻ എന്നിക് വല്ലാതെ ബുദ്ധിമുട്ട് ഉണ്ട്. ഞാൻ ശ്വാസത്തിന് വേണ്ടി വലിക്കാൻ തൊടങ്ങി. എന്നിക് തലകറങ്ങുന്ന പോലെ ഒക്കെ തോന്നി . പിന്നെ എപ്പഴോ എന്നിക് ബോധം പോയി.