തഴുകിയുണർത്തിയവരേ നിങ്ങൾക്ക് നന്ദി [സ്പൾബർ] 411

 

 

സിബി പറഞ്ഞത് കേട്ട് സുമ എണീറ്റ് വേറൊരു മുറിയിലേക്ക് നടന്നു..അവന്റെ നടത്തം പോലും സ്ത്രീകളുടേത് പോലാണെന്ന് പാർവ്വതിക്ക് തോന്നി..

 

 

ദിവ്യ അമ്മയെ നോക്കി..സുമയോടൊപ്പം പോകാൻ അവൾ തലയാട്ടി.. ദിവ്യയും സുമേഷ് കയറിയ മുറിയിലേക്ക് നടന്നു..

 

 

“” എന്താ മാഡം ഒരസ്വസ്ഥത… ?..

മാഡം ഓ കെ യല്ലേ…?”..

 

 

പാർവ്വതിയുടെ മുഖഭാവം ശ്രദ്ധിച്ച സിബി ചോദിച്ചു…

 

 

“” ഇല്ല… കുഴപ്പമൊന്നുമില്ല… പിന്നെ ഞങ്ങൾ രണ്ട് മൂന്ന് സ്ത്രീകളല്ലേ ഇവിടെ ഇരിക്കുന്നത്… അപ്പോ ഇങ്ങിനത്തെ വേഷമൊക്കെ ഇട്ട് നിൽക്കുന്നത് ശരിയാണോ…?”..

 

 

വൈശാഖിനെ നോക്കിയാണ് പാർവ്വതി പറഞ്ഞത്.. അവനൊന്നും മനസിലായില്ല..

 

 

“” മാഡം ഉദ്ദേശിച്ചത് എനിക്ക് മനസിലായില്ല…”…

 

 

വൈശാഖ് പരുക്കൻ മട്ടിൽ പറഞ്ഞു..

 

 

“ എന്താ ഇത്ര മനസിലാക്കാൻ… ?..

ഒന്നുകിൽ നിങ്ങളൊരു പാന്റും, ഷർട്ടും ധരിക്കുക.. അല്ലെങ്കിൽ ഒരു മുണ്ടുടുക്കുക… ഈ വേഷത്തിൽ എന്റെ മുന്നിൽ ഇരിക്കുന്നത് എനിക്കിഷ്ടമല്ല… “..

 

 

പാർവ്വതി ഗൗരവത്തിൽ പറഞ്ഞു..

വൈശാഖ് മാത്രമല്ല, സിബിയും, ശ്രുതിയും ഞെട്ടി.. ഈ സ്ത്രീ എന്താണ് ഇങ്ങിനെ സംസാരിക്കുന്നതെന്ന് അവർക്ക് മനസിലായില്ല.. വൈശാഖിനത് തീരെ ഇഷ്ടപ്പെട്ടില്ല..

 

 

“ ഞാനെന്തിടണം എന്ന് നിങ്ങളാണോ തീരുമാനിക്കുന്നത്… ?”.

 

 

വൈശാഖ്, പാർവ്വതിയുടെ മുഖത്തേക്ക് നോക്കി ചോദിച്ചു..

ആചോദ്യം പാർവ്വതിക്കും ഇഷ്ടപ്പെട്ടില്ല..