തിരോധാനം 2 [കബനീനാഥ്] 300

“ പറയാൻ വരുന്ന കാര്യം എനിക്കറിയാം… തല്ക്കാലം അത് നടപ്പില്ല… “

പൂജ വണ്ടി മുന്നോട്ടെടുത്തു…

“ നിർത്ത്……………”

ജയലക്ഷ്മി, സ്കൂട്ടിയുടെ ഹാൻഡിലിൽ പിടിച്ചു…

“” എന്റമ്മേ… ജോബ് ഒന്ന് പെർമനന്റായിട്ടു നമുക്ക് നോക്കാം എന്ന് ഞാൻ പറഞ്ഞതല്ലേ… “”

പൂജ നിലത്തു കാൽ കുത്തി സ്ക്കൂട്ടി ബാലൻസ് ചെയ്തു…

“ അത് ഞാനും സമ്മതിച്ചതാണല്ലോ… ഒന്ന് വന്ന് അവരു കണ്ടു പൊയ്ക്കോട്ടെ… “”

ജയലക്ഷ്മി മകളുടെ മുടിയിൽ തലോടി…

“ ഇന്നെന്തായാലും ഞാനൊരു ഉറപ്പു തരാം…”

പൂജ ചിരിയോടെ പറഞ്ഞു……

ജയലക്ഷ്മി മനസ്സിലാകാതെ അവളെ നോക്കി…

“” ഒന്നുകിൽ ഇന്ന് അവരവിടെ നിന്ന് എന്നെ പറഞ്ഞു വിടാൻ ചാൻസുണ്ട്…… അങ്ങനെ സംഭവിച്ചാൽ, ദാ… നാളെ  മാരേജ്…….”

പൂജ ജയലക്ഷ്മിയുടെ കവിളിൽ ഒരു നുള്ളു കൊടുത്തിട്ട് ഹെൽമറ്റ് എടുത്ത് ശിരസ്സിൽ വെച്ചു…

കോട്ടയത്തു തന്നെയുള്ള ഒരു പ്രമുഖ പത്ര സ്ഥാപനത്തിലാണ് പൂജ , ഒരു വർഷമായി ജോലി ചെയ്യുന്നത്…

ജേർണലിസം കഴിഞ്ഞ് അവൾ കുറച്ചു കാലം ഫ്രീലാൻസറായിരുന്നു…

ഒടുവിൽ ഒരു ജോലി, വേണം എന്ന ജയലക്ഷ്മിയുടെ നിർബന്ധം സഹിക്കവയ്യാതെ ഇന്റർവ്യൂ അറ്റൻഡ് ചെയ്തു തുടങ്ങി…

കാരണം ജോലി കിട്ടിയാൽ വിവാഹത്തിനു സമ്മതം എന്നായിരുന്നു മകൾ ജയലക്ഷ്മിക്കു കൊടുത്ത വാക്ക്…

വൈകിയാണ് പൂജ  എം.ഡിയുടെ ക്യാബിനിലേക്ക് കയറിച്ചെന്നത്…

സന്തോഷ്,  സ്റ്റാഫ് സർക്കിളിലെ ചെയറിലിരിക്കുന്നത് അവൾ കണ്ടിരുന്നു…

“” ഗുഡ് മോണിംഗ് സർ………. “”

മോണിട്ടറിനു മുന്നിലിരുന്ന എം.ഡി വർഗ്ഗീസ് മാത്യു പതിയെ മുഖമുയർത്തി…

“” വെരി ഗുഡ് മോണിംഗ് പൂജ…… “