തിരികെ യാത്ര [ജാസ്മിൻ] 461

സമയം പിന്നെയും കൊഴിഞ്ഞു പോയികൊണ്ടിരുന്നു, വീട്ടിലേക്കുള്ള ദൂരത്തിനിടയിലുള്ള ചുരം ചരക്കു വാഹനങ്ങൾ കിതച്ചു കൊണ്ട് കയറുമ്പോൾ തികഞ്ഞൊരു അഭ്യാസിയെ പോലെ ഡ്രൈവർ ഇന്നോവയെ മുന്നോട്ട്
പായിച്ചു. കൂടെ എന്റെ ഓർമ്മകളെയും. മകളുടെ പ്രേമവും അവിഹിതവും കുടുംബ ജീവിതത്തിൽ ഉപ്പാക്ക് ഏറ്റ കനത്ത തിരിച്ചടിയായിരുന്നു.

ആറു മാസങ്ങൾക്ക് ശേഷം ഇനി താൻ ആ ബന്ധത്തിലേക്ക് തിരിച്ചു പോകില്ല എന്ന റൈഹയുടെ ഉറപ്പിൽ ഉപ്പ വീണ്ടും ഗൾഫിൽ തിരിച്ചു പോയി. പിന്നെ വർഷം കൂടുമ്പോൾ മാത്രം
വന്നുപോയിരുന്ന ഉപ്പ മൂന്നും നാലും മാസത്തിന്റെ ഇടവേളയിൽ നാട്ടിൽ പോയി തുടങ്ങി.

ആ വലിയ വീട്ടിൽ ഉമ്മിയും പെങ്ങന്മാരും മാത്രമായി. തൊട്ടടുത്ത ടൗണിലെ സ്വന്തം ഷോപ്പിംഗ് കോംപ്ലക്‌സിലെ പ്രീമിയം ബോട്ടിക് ബിസിനസ്സ് ആയതു കൊണ്ട് ഉമ്മി വീട്ടിൽ എപ്പോഴും
ഉണ്ടാകാറില്ല. ചുമ്മാതെയിരുന്നു മടുത്തപ്പോൾ ഉപ്പയോട്പറഞ്ഞു ഉമ്മി തുടങ്ങിയ ലേഡീസ് ബൂട്ടിക് ഇപ്പോൾ ഓൺലൈനിലും ഓഫ്‌ലൈനിലും ട്രെൻഡിങ്ങിലാണ്. ബോട്ടിക്കിൽ നിന്ന് കാര്യങ്ങൾ ചെയ്യാൻ റൈഹയെ വിടാൻ ഉപ്പ
സമ്മതിച്ചിരുന്നില്ലെങ്കിലും ഒറ്റക്കാക്കാനുള്ള മടി കൊണ്ട് ഉമ്മി കൂടെ കൂട്ടുമായിരുന്നു .

റൈഹയുടെ പ്രേമവും അവിഹിതവും ഉപ്പ വളരെ രഹസ്യമായി കൈകാര്യം ചെയ്തത് കൊണ്ടാകാം
എന്ത് കൊണ്ടോ നാട്ടിൽ പാട്ടായില്ല. പക്ഷെ പ്ലസ്ടൂ നല്ല മാർക്കിൽ പാസ്സായിക്കഴിഞ്ഞ് വെറുതെ ഇരിക്കുന്നത് കുടുംബത്തിലും നാട്ടിലുമൊക്കെ ചർച്ച ചെയ്യാറുണ്ടെന്ന് ഉമ്മി വിളിക്കുമ്പോൾ പറയുമായിരുന്നു. വെറുതെ ഇരുന്ന് ഓരോ വർഷം കഴിയും തോറും അവളുടെ മാദകത്വം ഇരട്ടിച്ചു വന്നു. അതോടെ അവളെ ചുറ്റിപ്പറ്റി ചെറിയ അപവാദങ്ങളും കേട്ട് തുടങ്ങിയപ്പോളാണ് അവളുടെ കല്യാണം നോക്കാൻ തീരുമാനിച്ചതും ഇപ്പോൾ തന്റെയീ വരവും.