തിരികെ യാത്ര 3 [ജാസ്മിൻ] 242

കാര്യമായ പരിക്കില്ലെങ്കിലും നടുവിന് ചെറിയ ക്ഷതം ഏറ്റതിനാൽ സർജറി വേണ്ടിവരും എന്നാണ് ഡോക്ടർമാർ പറഞ്ഞത്…

എന്നാൽ സർജറി വേണ്ട എന്ന ഉറച്ച നിലപാടെടുത്ത ഉപ്പ എന്നോടൊപ്പം നാട്ടിലേക്ക് വരാൻ തീരുമാനിച്ചു.

കോട്ടയ്ക്കൽ ആര്യവൈദ്യശാലയിൽ ഹാഷിമിക്കായുടെ (രഹ്‌നത്തയുടെ ഹസ്ബന്റ്) കെയർഓഫിൽ അപ്പോയിന്റ്മെന്റ് ശരിയാക്കിയിട്ടായിരുന്നു ആ വരവ്.

എയർപോർട്ടിൽ നിന്ന് നേരിട്ട് ഹോസ്പിറ്റലിലേക്ക് പോകാനായിരുന്നു തീരുമാനിച്ചത്.

കുട്ടികളെ നോക്കാനായി ഉമ്മിച്ചായും ഉപ്പിച്ചായും(ഉമ്മിയുടെ പേരെന്റ്സ്) വീട്ടിൽ ഉണ്ടായിരുന്നു.

റൈഹാ അന്ന് പത്താം ക്ലാസിലും, സെയ്ഹ ഒൻപതിലും, ഫൈഹ ഏഴിലോ മറ്റോ ആയിരുന്നു പഠിച്ചിരുന്നത്. ഇളേമ്മയുടെ ഹസ്ബൻഡ് ബഷീർക്കായും ഹാഷിം ഇക്കായും സഹോദരന്മാരാണ്.

ബഷീർക്കാ നമ്മുടെ കമ്പനിയിൽ തന്നെ സീനിയർ അക്കൗണ്ട് ജോലി ചെയ്യുകയാണ് അബുദാബിയിൽ.

ഹാഷിമിക്കാ ഒരു മന്ത്രിയുടെ പി ഏ ആയതിനാൽ അധികസമയവും വീട്ടിൽ ഉണ്ടാകാറില്ല. രഹനത്തെയും ആച്ചിയും കോളേജിൽ ഒരുമിച്ച് പഠിച്ചവരും മനസാക്ഷി സൂക്ഷിപ്പുകാരുമായിരുന്നു . ബഷീർക്കാ ഇളേമ്മയെ കെട്ടിയശേഷമാണ് ആച്ചി മുൻകൈയെടുത്താണ് ഹാഷിമിക്കയെ കൊണ്ട് രഹനത്തയെ വിവാഹം കഴിപ്പിച്ചത്.

അവിടെ എന്ത് പ്രശ്നമുണ്ടായാലും അവർ തമ്മിൽ യാതൊരുവിധ അകൽച്ചയുമില്ലാത്തത് കുടുംബത്തിനും ബന്ധുക്കൾക്കും സമാധാനപരമായിരുന്നു. കല്യാണം പോലെ പ്രസവവും ഏകദേശം ഒരു മാസം വ്യത്യാസത്തിലായിരുന്നു രണ്ടുപേർക്കും പെൺകുഞ്ഞുങ്ങൾ..ഇളേമ്മയ്ക്ക് ജാൻവിയും രഹനത്താക്ക് തൻവിയും.