തുടക്കം 6 [ne-na] 806

കാർത്തിക് അശ്വതിടെ നെഞ്ചിലേക്ക് കൈ വയ്ക്കാനായി നീട്ടികൊണ്ടു പറഞ്ഞു.

“ആഹാ.. എങ്കിൽ ഞാൻ ഒന്ന് നോക്കട്ടെ ഇപ്പോഴും ആ നെഞ്ചിടിപ്പു ഉണ്ടോന്ന്.”

അവന്റെ കൈയിൽ കയറി പിടിച്ചു കൊണ്ട് ആര്യ പറഞ്ഞു.

“മോൻ അങ്ങനെ ഇപ്പോൾ എന്റെ നെഞ്ചിടിപ്പു നോക്കണ്ട. അശ്വതിടെ നെഞ്ച് അങ്ങനെ ഇടിക്കുന്നുണ്ടോന്നു പോയി നോക്കിയാൽ മതി.”

അപ്പോഴേക്കും ക്ലാസ്സിൽ സർ വന്നതിനാൽ എല്ലാരും അവരുടെ സീറ്റുകളിലേക്ക് പോയി.

കാർത്തികിന് ക്ലാസ്സിൽ ശ്രദ്ധിക്കണേ കഴിഞ്ഞില്ല. സമയം ഒട്ടും പോകാത്ത പോലെ. ആര്യ അവനെ തന്നെ ശ്രദ്ധിക്കുന്നുണ്ടായിരുന്നു.

കാർത്തിക് ഇഷ്ട്ടപെടുന്ന അശ്വതി അവിടെ വന്നതിൽ അവൾക്കു സന്തോഷം തോന്നി, കാരണം കാർത്തിക് ഹാപ്പി ആണ് ഇപ്പോൾ, പക്ഷെ ഒപ്പം തന്നെ കാർത്തികിൽ നിന്നും ഇപ്പോൾ ലഭിച്ചുകൊണ്ടിരിക്കുന്ന സ്നേഹം നഷ്ടപ്പെടുമോ എന്നുള്ള ഭയവും അവളിലുണ്ടായിരുന്നു.

ലഞ്ച് ബ്രേക്ക് ആയപ്പോഴേക്കും അശ്വതി അവരുടെ ക്ലാസിനു മുന്നിൽ വന്നു നിന്നു. അവളെ കണ്ട കാർത്തിക് ആര്യയുടെ അടുത്ത് ചെന്ന് പതുക്കെ പറഞ്ഞു.

“അതാണ് അശ്വതി. എങ്ങനുണ്ട്?”

ആര്യ അശ്വതിയെ നോക്കി, ഒറ്റ നോട്ടത്തിൽ തന്നെ ആര്യയ്ക്ക് അശ്വതിയെ ഇഷ്ട്ടപെട്ടു. നല്ല ഐശ്വര്യം ഉള്ള മുഖം, വെളുത്ത നിറം, എല്ലാംകൊണ്ടും ഒരു സുന്ദരി കൊച്ച്‌.