തുടക്കം 6 [ne-na] 805

രേഷ്മ അവൾ കൊണ്ട് വന്ന രണ്ടു ചപ്പാത്തി പെട്ടെന്ന് കഴിച്ചു തീർത്തു. അത് കണ്ട കാർത്തിക് ചോറ് വാരി അവളുടെ നേരെ നീട്ടികൊണ്ടു പറഞ്ഞു.

“കുറച്ചു ചോറുകൂടി കഴിക്ക്.. രണ്ടു ചപ്പാത്തി കഴിച്ചാൽ എന്താകാനാ?”

“ശരിയാകില്ലടാ, വയറൊക്കെ ചാടി തുടങ്ങി.. ഇനിയും ചാടിയാൽ കുറക്കാൻ ഒരുപാട് പാടുപെടും.”

കാർത്തിക് ഇടത്തെ കൈ കൊണ്ട് അവളുടെ വയറ്റിൽ തൊട്ടു നോക്കി കൊണ്ട് പറഞ്ഞു.

“അത്രക്കൊന്നും ചാടിട്ടൊന്നും ഇല്ല, വിശന്നു തല കറങ്ങി വീണാൽ ഞാൻ തന്നെ പൊക്കി എടുത്തുകൊണ്ടു പോകേണ്ടി വരും.”

അവൻ കൈയിലിരുന്ന ചോറുരുള അവളുടെ വായിലേക്ക് വച്ച് കൊടുത്തു, ഇനിയും അവനോടു പറഞ്ഞിട്ട് കാര്യമില്ല എന്ന് അറിയാവുന്നതുകൊണ്ട് അവൾ പിന്നെ തർക്കിക്കാൻ നിന്നില്ല.

ഏതൊക്കെ കണ്ട ആര്യ കാർത്തിക് ഇതുപോലെ ചോറ് തനിക്കും വാരി തന്നിരുന്നെങ്കിൽ എന്ന് ആഗ്രഹിച്ചു. പക്ഷെ എല്ലാപേരുടെയും മുന്നിൽ വച്ച് അത് ശരിയാകില്ല എന്ന് അറിയാവുന്നതിനാൽ അവൾ അത് ആവിശ്യപെട്ടില്ല.

അതെ സമയം അശ്വതി കാർത്തിക് രേഷ്മയ്ക്ക് ചോറ് വാരി കൊടുക്കുന്നതും എല്ലാം കൈതുകത്തോടെ നോക്കി ഇരിക്കുകയായിരുന്നു.

ചോറ് കഴിച്ചു കഴിഞ്ഞു കാർത്തിക് അവരോടു ചോദിച്ചു.

“നിങ്ങൾ ഇതുവരെ കഴിച്ചു കഴിഞ്ഞല്ലേ? ഞങ്ങൾ പോയി കൈ കഴുകിയിട്ടു വരാം.”

രേഷ്മ ചിരിച്ചു കൊണ്ട് പറഞ്ഞു.

“ആഹാരം  കൈയിൽ ഉണങ്ങി പിടിച്ചാൽ കല്യാണം വൈകുമെന്നാ… പെട്ടെന്ന് വാ പോയ് കൈ കഴുകിട്ടു വരാം.”