Tomboy love 6 ❤❤ [Fang leng] 515

അർജുൻ : അമ്മു നമുക്ക് ഇവിടുന്ന് മാറി താമസ്സിച്ചാലോ

അമ്മു : എന്താ അജു ഈ പറയുന്നെ

അർജുൻ : ഒരു വാടക വീട് നോക്കാം അതാ നല്ലത്

അമ്മു : ഞാൻ വന്നതിനു ശേഷം അർജുന്റെ സമാധാനമൊക്കെ പോയി അല്ലെ

അർജുൻ : നിനക്കെന്താ അമ്മു….

അമ്മു : നമ്മൾ ഒരിടത്തേക്കും പോകുന്നില്ല വീടാകുമ്പോൾ പ്രശ്നങ്ങളൊക്കെ ഉണ്ടാകും അതൊക്കെ തീരുകയും ചെയ്യും ഞാൻ എല്ലാവരെയും സത്യം പറഞ്ഞു മനസ്സിലാക്കാം ശേഷം നമുക്ക് സാന്ദ്രക്ക്‌ വേണ്ടി നല്ലൊരു പയ്യനെ കണ്ടുപിടിക്കാം

അർജുൻ : നിനക്ക് അവരോടോന്നും ദേഷ്യമില്ലേ അമ്മു

അമ്മു : എന്റെ പഴയ സ്വഭാവം വച്ചാണെങ്കിൽ ഞാൻ ഇപ്പോൾ ഈ വീട് തന്നെ കത്തിച്ചേനെ…

അർജുൻ : എന്നിട്ടെന്താ കത്തിക്കാത്തെ

അമ്മു : ഞാൻ എന്ത് ചെയ്താലും അത് അജൂനെ കൂടി ബാധികില്ലേ ഇന്ന് തന്നെ കണ്ടില്ലേ അല്പനേരത്തെ എന്റെ ദേഷ്യം കാരണം അർജുന് എല്ലാവരുമായും വഴക്കിടേണ്ടി വന്നില്ലേ

അർജുൻ : അതൊക്കെ ഇടക്കിടെ ഉള്ളതാ ഇന്ന് പിണങ്ങും നാളെ മിണ്ടും അത്ര തന്നെ

അമ്മു : എന്നിട്ടാണോ മാറി താമസ്സിക്കാം എന്ന് പറഞ്ഞത് എനിക്ക് അറിയാം അജു അജൂന് അച്ഛനെയും അമ്മയേയും വിട്ട് മാറാൻ പറ്റില്ലെന്ന് എന്നിട്ടും എനിക്ക് വേണ്ടിയല്ലെ മാറാം എന്ന് പറഞ്ഞത് സത്യത്തിൽ ഞാനാ മാറേണ്ടത് എന്റെ ഈ നശിച്ച സ്വഭാവമാ മാറേണ്ടത്…. ഞാൻ എന്താ അജു ഇങ്ങനെയായി പോയത്

അമ്മുവിന്റെ കണ്ണുകൾ വീണ്ടും നിറഞ്ഞു

അർജുൻ : എങ്ങനെയായി പോയെന്ന് നിനക്ക് ഒരു കുഴപ്പവുമില്ല നീ മറ്റുള്ളവരെപോലെ ഉള്ളിലുള്ളത് മറച്ചുവെക്കുന്നില്ലല്ലോ തോന്നിയത് അപ്പോൾ തന്നെ പറയുന്നു അപ്പോൾ തന്നെ പ്രവർത്തിക്കുന്നു അതത്ര മോശം ശീലമൊന്നുമല്ല പക്ഷെ കുറച്ച് ശ്രദ്ധിവേണം ഇങ്ങനെ ചെയ്താൽ ഇങ്ങനെയുണ്ടാകും എന്ന് മനസ്സിലാക്കാൻ പറ്റണം