സുതാര്യമായ തടവറ 5 [ഒറ്റയ്ക്ക് വഴിവെട്ടി വന്നവൻ] 325

 

അവൾ ചെയ്ത ഓരോ വഞ്ചനയ്ക്കും അവൾ വില കൊടുക്കേണ്ടി വരും.

 

 

 

​സാമിനെയും നതാഷയെയും ഒരുമിച്ച് എങ്ങനെ ഇല്ലാതാക്കാം എന്നതിനെക്കുറിച്ച് അയാൾക്ക് ഒരു രൂപരേഖ കിട്ടിത്തുടങ്ങി.

 

വെറുമൊരു കൊലപാതകമല്ല മറിച്ച് അവർ രണ്ടുപേരും ജീവനോടെ ഇരിക്കുമ്പോൾ തന്നെ ഓരോ നിമിഷവും മരിക്കുന്നതുപോലെയുള്ള ഒരു അനുഭവം.!!

 

 

 

​അയാൾ ഷവർ മുറുക്കി അടച്ചു… വെള്ളം നിൽക്കുമ്പോൾ ആ മുറിയിൽ ഭീകരമായ ഒരു നിശബ്ദത പടർന്നു.

 

ടവൽ എടുത്ത് ശരീരം തുടയ്ക്കുമ്പോൾ മാത്യുവിന്റെ കണ്ണുകൾ ക്രൂരമായ ഒരു ലക്ഷ്യത്തിലേക്ക് ഉറച്ചിരുന്നു.

 

 

 

​ഇനി ഈ വീട്ടിൽ സ്നേഹത്തിന്റെ നാടകങ്ങളില്ല. ഇനി ഇവിടെ നടക്കാൻ പോകുന്നത് വേട്ടക്കാരനും ഇരയും തമ്മിലുള്ള കളിയാണ്.

 

 

 

​കുളി കഴിഞ്ഞ് പുറത്തിറങ്ങിയ മാത്യുവിന്റെ മുഖത്ത് ഇപ്പോൾ വല്ലാത്തൊരു ഗൗരവമായിരുന്നു. ഒരു സർജൻ തന്റെ രോഗിക്ക് അനസ്തേഷ്യ നൽകുന്നതിന് മുൻപുള്ള അതേ ഗൗരവം.

 

 

 

പകരം പണ്ട് നതാഷയെ പ്രണയിച്ചിരുന്ന കാലത്തെ അതേ പ്രസന്നത അയാൾ മുഖത്ത് വരുത്തി.

 

ലിവിംഗ് റൂമിൽ നതാഷ ഹോസ്പിറ്റലിൽ പോകാൻ തയ്യാറായി നിൽക്കുകയായിരുന്നു. അവൾ അയാളെ കണ്ടതും ഒന്ന് പതറി.

 

​നതാഷ: “മാത്യു… നിങ്ങൾ കുളിച്ചോ? ഞാൻ കോഫി എടുക്കാം.”

 

​അവൾ വേഗം കിച്ചണിലേക്ക് പോയി കോഫിയുമായി വന്നു.

 

അവളുടെ കൈകൾ ചെറുതായി വിറയ്ക്കുന്നുണ്ടായിരുന്നു.

 

മാത്യു അത് ശ്രദ്ധിച്ചെങ്കിലും ഒന്നും പറഞ്ഞില്ല. അയാൾ കോഫി മഗ് കൈപ്പറ്റി ഒരു സിപ്പ് എടുത്തു.