ട്വിൻ ഫ്ലവർസ് 1 [Cyril] 706

ഞാൻ കഴിയുന്നത്ര ഒഴിഞ്ഞുമാറി. എഴുനേറ്റ് പോകാൻ വരെ ശ്രമിച്ചു. പക്ഷേ അവരൊക്കെ ചേര്‍ന്ന് എന്നെ പിടിച്ചിരുത്തി.

“ഞാനും ഡെയ്സിയും തമ്മിലുണ്ടായ സെക്സ് കാര്യങ്ങളൊന്നും ഞാൻ ആരോടും പറയില്ല.” ഞാൻ തീര്‍ത്തു പറഞ്ഞതും അവരൊക്കെ അസ്വസ്ഥതയോടെ പരസ്പ്പരം നോക്കി.

“എന്നാൽ ചേട്ടനും ഡെയ്സിയും തമ്മിലുള്ള പ്രണയത്തെ കുറിച്ച് എന്തെങ്കിലും പറയൂ.” അശ്വതി കെഞ്ചി.

“നിങ്ങൾ പ്രേമിച്ച് കല്യാണം കഴിച്ചു എന്ന് മാത്രമാ ആന്റിയും ഡാലിയയും ഞങ്ങളോട് പറഞ്ഞിട്ടുള്ളത്. അതുകൊണ്ട്‌ നിങ്ങളുടെ പ്രണയത്തെ കുറിച്ച് ബ്രോ കുറച്ചെങ്കിലും പറഞ്ഞേ മതിയാകൂ.” രാഹുലും ഏറ്റുപിടിച്ചു.

മറ്റുള്ളവരും അവനെ പിന്താങ്ങി. അതോടെ തലയാട്ടി ഞാനും സമ്മതിച്ചു.

“ഞാൻ കഴിയുന്നത്ര ചുരുക്കി പറയാം.”

ഉടനെ എല്ലാവരും തലയാട്ടി.

“ഞങ്ങൾ രണ്ടു കുടുംബവും പണ്ടേ ഫാമിലി ഫ്രണ്ട്സായിരുന്നു. അതുകൊണ്ട്‌ കുഞ്ഞിക്കാലം തൊട്ടേ, ഞാനും ഡെയ്സിയും ഡാലിയയും ഒരുമിച്ചാണ് വളര്‍ന്നത്. ഓർമ്മ വെച്ച കാലം തൊട്ടേ ഡെയ്സി എന്നോട് കൂടുതൽ സ്വാതന്ത്ര്യം കാണിച്ചിരുന്നു, എനിക്ക് മാത്രം കാണാൻ കഴിഞ്ഞിരുന്ന ഇഷ്ട്ടം അവളുടെ കണ്ണുകളില്‍ തെളിഞ്ഞ് നില്‍ക്കുമായിരുന്നു. എന്റെ കണ്ണില്‍ നിന്നും അതേ ഇഷ്ട്ടം അവളും അറിയുന്നുണ്ടായിരുന്നു.” പറഞ്ഞു നിർത്തിയിട്ട് ഗ്ളാസിൽ നിന്നും ചെറിയൊരു സിപ്പ് ഞാൻ എടുത്തു.

“ബാക്കി പറ ബ്രോ..” അന്‍സാര്‍ ധൃതിപിടിച്ചു.

“അന്ന് എനിക്ക് വെറും പതിനൊന്ന് വയസ്സും ഡെയ്സിക്ക് എട്ടും. പ്രണയം എന്തെന്നോ, വികാരം എന്തെന്നോ, വിവാഹം എന്തെന്നോപോലും ഞങ്ങൾ അറിയാത്ത പ്രായം. പക്ഷേ, ആ പ്രായത്തില്‍ ഒരു കാര്യം മാത്രം ഞങ്ങൾക്ക് മനസ്സിലാക്കാൻ കഴിഞ്ഞു….. ഞങ്ങളുടെ രണ്ട് മനസ്സും ഒറ്റ മനസ്സായി പ്രവർത്തിക്കാൻ തുടങ്ങിയിരിക്കുന്നു എന്ന സത്യം. ഓരോ നിമിഷം കഴിയുന്തോറും ഞങ്ങൾക്കിടയിലുള്ള സ്നേഹം വര്‍ധിച്ചു കൊണ്ടിരുന്നു. ദിവസങ്ങൾ കഴിയവെ പ്രണയം എന്താണെന്ന് ഞങ്ങൾ മനസ്സിലാക്കാൻ തുടങ്ങി. ആ പ്രണയം ഞങ്ങളുടെ അസ്ഥിക്ക് പിടിച്ച് വളരാനും തുടങ്ങി.”