ട്വിൻ ഫ്ലവർസ് 1 [Cyril] 987

ഞാനും ഡെയ്സിയും വിവാഹിതരായ ശേഷവും ഡാലിയ ഒരുപാട്‌ തവണ ഞങ്ങളുടെ റൂമിൽ വന്ന് ഞങ്ങൾക്ക് നടുവില്‍ കേറി കിടക്കുമായിരുന്നു. അപ്പോഴൊക്കെ അതൊന്നും വലിയ കാര്യമായി തോന്നിയിരുന്നില്ല. അവളുടെ മേല്‍ തെറ്റായ ചിന്തകളും എനിക്ക് വന്നിട്ടില്ല.

പക്ഷേ ഇപ്പോൾ എന്തുകൊണ്ടോ ഞാൻ മടിച്ചു നിന്നു. ഡെയ്സി മരിച്ചതിന് ശേഷം, ഇപ്പോഴാണ് ആദ്യമായി ഡാലിയയുടെ അടുത്ത് ഞാൻ കിടക്കാന്‍ പോകുന്നത്. അതും ഡെയ്സി കൂടെയില്ലാതെ.

“ആ ലൈറ്റും ഓഫാക്കിയേക്ക് ബ്രോ. നക്ഷത്രങ്ങളുടെ വെളിച്ചം തന്നെ ധാരാളം. എന്തു ഭംഗിയാ.” അന്‍സാര്‍ പറഞ്ഞു.

ഞാൻ ചെന്ന് ലൈറ്റ് ഓഫാക്കിയതും നല്ല ഇരുട്ട് പരന്നു. ഒന്നും കാണാന്‍ കഴിഞ്ഞില്ല. അല്‍പ്പനേരം ഞാൻ വെറുതെ നിന്നു. കണ്ണുകൾ ഇരുട്ടുമായി പൊരുത്തപ്പെട്ടതും അത്യാവശ്യ കാഴ്ച തിരികെ കിട്ടി.

നടന്നു ചെന്ന് ഡാലിയയുടെ അടുത്തായി ഞാൻ മടിച്ചു മടിച്ച് ബെഡ്ഡിലിരുന്നു.

“കിടക്ക് ചേട്ടാ.” എന്റെ കൈയിൽ തട്ടി പതിഞ്ഞ ശബ്ദത്തില്‍ അവള്‍ പറഞ്ഞു.

കഴിയുന്നതും അവളെ തൊടാതെ കിടക്കാന്‍ ഞാൻ ശ്രമിച്ചു. പക്ഷേ എനിക്ക് കഷ്ടിച്ച് കിടക്കാനുള്ള സ്ഥലം മാത്രമേ ഉണ്ടായിരുന്നുള്ളു. അതുകൊണ്ട്‌ അവളോട് ചേര്‍ന്ന് കിടക്കേണ്ടി വന്നു. അപ്പോൾ ഡാലിയ ചെറുതായി വിറച്ചു.

ആകാശം നോക്കി എല്ലാവരും മലര്‍ന്നാണ് കിടന്നിരുന്നത്.

ഞാനും ഡെയ്സിയും ഒരുപാട്‌ രാത്രികളില്‍ മുകളില്‍ വന്ന് കിടന്നിട്ടുണ്ട്. ഡെയ്സി എന്റെ മുകളില്‍ മലര്‍ന്നു കിടന്നു കൊണ്ട്‌ നക്ഷത്രങ്ങളെ നോക്കി സന്തോഷത്തോടെ ചിരിക്കും. ഞാൻ അവളെ എന്റെ കൈകളിൽ പൊതിഞ്ഞു പിടിച്ചുകൊണ്ട് കിടക്കും. ഞങ്ങൾ രണ്ടുപേര്‍ക്കും അങ്ങനെ കിടക്കുന്നത് ഇഷ്ട്ടമാണ്. എന്റെ കൈകൾ അവളുടെ ദേഹമാകെ ഇഴഞ്ഞു നടക്കുന്നതും അവള്‍ക്ക് ഭയങ്കര ഇഷ്ട്ടമാണ്. മറ്റു ചില കുസൃതികള്‍ ഞാൻ കാണിക്കുമ്പോ ചിരിച്ചു കൊണ്ട്‌ എന്റെ കൈയിൽ അവള്‍ നുള്ളമെങ്കിലും ഞാൻ ചെയ്യുന്നത് ഒന്നും അവൾ തടയാറില്ല.