ഞങ്ങൾ നടന്ന് എന്റെ വീട് ഗേറ്റിന് മുന്നില്‍ വന്നതും അവിടെതന്നെ നിന്നിട്ട് ഞാൻ ചേട്ടനോട് ചോദിച്ചു, “അവർ ആ വ്യക്തിയെ ഉപദ്രവിക്കാൻ ശ്രമിക്കുകയാണെന്ന് ചേട്ടൻ അറിഞ്ഞാല്‍ പിന്നേ എന്തു ചെയ്യും എന്ന് പറയുന്നുണ്ടോ ഇല്ലയോ…?”
“നടക്കടി കള്ളി.” ചേട്ടൻ എന്റെ കൈയിൽ വലിച്ചു. പക്ഷേ ഞാൻ ബലം പിടിച്ച് അവിടെതന്നെ നിന്നു.
“ആഹാ… വാടി ഇവിടെ…” എന്നും പറഞ്ഞ്‌ ചേട്ടൻ എന്റെ കഴുത്തിലും കാല്‍ മടക്കിലും കൈകള്‍ വച്ച് ചേട്ടൻ എന്നെ കോരി എടുത്തു കൊണ്ട്‌ നടന്നതും ഞാൻ ചേട്ടന്റെ കഴുത്തിൽ വളയം ചുറ്റി പിടിച്ചുകൊണ്ട് ചിരിച്ചു. എന്റെ പിണക്കമെല്ലാം അതോടെ അലിഞ്ഞു പോയി.
മുറ്റത്ത്‌ ആരും ഇല്ലായിരുന്നു. അതുകൊണ്ട്‌ ചേട്ടൻ എന്നെ ചുമന്നു കൊണ്ട്‌ വന്നത് ആരും കണ്ടില്ല. മുറ്റത്ത്‌ വന്നതും ചേട്ടൻ എന്നെ ഇറക്കി വിട്ടു. ചിരിച്ചു കൊണ്ട്‌ ചേട്ടന്റെ ചന്തിക്കിട്ട് ഒരു നുള്ളും കൊടുത്ത് ഞാൻ അകത്തേക്ക് നടന്നു.
“എന്താ ബ്രോ ഇത്…ബ്രോ പോയിട്ട് രണ്ട് മണിക്കൂറായി. എല്ലാവരും നിങ്ങള്‍ക്ക് വേണ്ടിയാ കാത്തിരിക്കുന്നത്.” എനിക്ക് പിറകെ ചേട്ടൻ ഹാളില്‍ വന്നതും ഫ്രാന്‍സിസ് ചേട്ടൻ ധൃതിയില്‍ കസേരയില്‍ നിന്ന് എഴുന്നേറ്റു.
“സോറി.. എല്ലാവരോടും സോറി.” പെട്ടന്ന് ചേട്ടൻ എല്ലാവരെയും നോക്കി പറഞ്ഞു. “കുളി കഴിഞ്ഞ് കുറച് കോൾസ് ചെയ്തിരുന്നതിൽ സമയം പോയതറിഞ്ഞില്ല.”
“അതൊന്നും സാരമില്ല, ചേട്ടാ. ഇവര്‍ക്കൊക്കെ കള്ള് കുടിക്കാനുള്ള വെപ്രാളം കാരണമാ ഇങ്ങനെ വിരളുന്നത്..” മിനി ചേട്ടന് കണ്ണിറുക്കി കാണിച്ചു.
Backy evide? Why so late.
Any update bro