ട്വിൻ ഫ്ലവർസ് 5 [Cyril] 158

“അതൊന്നും ചിന്തിച്ച് നിങ്ങൾ വിഷമിക്കേണ്ട. രണ്ട് കോട്ടേജ് എന്നല്ല, നാല് കോട്ടേജ് നിങ്ങള്‍ക്ക് തന്നാലും അതിനെ നഷ്ടമായി ഞാൻ കാണില്ല.”

“എന്നാലും ബ്രോ…!!” രാഹുല്‍ തല ചൊറിഞ്ഞു.

“എന്റെ രാഹുലേ… ഓരോ പ്രാവശ്യവും എട്ടക്ക സംഖ്യയാണ്  ടാക്സായി ഞാൻ അടയ്ക്കുന്നത്. അപ്പോ എന്റെ വരുമാനം എന്താണെന്ന് കുറച്ചെങ്കിലും നിങ്ങള്‍ക്ക് ഊഹിക്കാൻ കഴിയുമെന്ന് വിചാരിക്കുന്നു. അതുകൊണ്ട്‌ നിങ്ങൾ കാരണം എനിക്ക് നഷ്ട്ടം വരുമെന്ന് ചിന്തിക്കുന്നത് തന്നെ മണ്ടത്തരമാണ്.” ക്ഷമ നശിച്ച് അല്‍പ്പം കടുപ്പിച്ചു തന്നെ ഞാൻ പറഞ്ഞു.

“എട്ടക്ക സംഖ്യയോ…!!” രാഹുല്‍ വായ് പൊളിച്ചു. “അപ്പോ കോടികളാണോ ടാക്സായി ബ്രോ കളയുന്നത്…?!!” അവന്‍ വിശ്വസിക്കാൻ കഴിയാതെ ചോദിച്ചു.

ഞാൻ ടാക്സ് അടയ്ക്കുന്ന സംഖ്യ കേട്ട് രാഹുല്‍ മാത്രമല്ല, ഡാലിയ ഉള്‍പ്പെടെയുള്ള എല്ലാവരും ഞെട്ടി. അല്ലി പോലും അന്തിച്ചു നിന്നു. പക്ഷേ എന്റെ ബിസിനസ്സ് കുറിച്ചുള്ള ചില ഡീറ്റയിൽസ് അറിയാവുന്നത് കൊണ്ട്‌ അരുള്‍ മാത്രം പുഞ്ചിരിയോടെ എല്ലാവരെയും നോക്കി നിന്നു.

“ഞാൻ നികുതി അടയ്ക്കുന്നതിനെ വെറുതെ കളയുന്നു എന്ന് പറഞ്ഞ്‌ പുച്ഛിക്കല്ലെ രാഹുല്‍ ബ്രോ…” ഞാൻ അല്‍പ്പം സീരിയസ്സായി പറഞ്ഞതും അവന്‍ ലജ്ജിച്ചു തല താഴ്ത്തി. “സര്‍ക്കാര്‍ ആയാലും മറ്റുള്ളവർ ആയാലും നികുതി കൊടുക്കേണ്ടിടത്ത് കൊടുത്തിരിക്കണം.” അവര്‍ക്ക് ഒരു പാഠം എന്നപോലെ ഞാൻ തറപ്പിച്ചു പറഞ്ഞു.

ഉടനെ രാഹുലും മറ്റുള്ളവരും സമ്മത ഭാവത്തില്‍ തലയാട്ടി.