വൈഷ്ണവം 3 [ഖല്‍ബിന്‍റെ പോരാളി] 479

എന്നാ നിങ്ങള് ഇവിടെ പരിചയപ്പെട്ടിരിക്ക് ഞങ്ങള്‍ ഇപ്പോ വരാം… വൈഷ്ണവ് അവരോട് പറഞ്ഞു. പിന്നെ മിഥുനയോട് നേരെ നോക്കി രമ്യയെകുറിച്ച് പറഞ്ഞു.
ടീ.. നിനക്ക് പറ്റീയ കമ്പനിയാ… കത്തിവെപ്പില്‍ നിന്‍റെ അമ്മയായി വരും ഇവള്‍… അത് കേട്ട് ചിന്നു ഒന്ന് ചിരിച്ചു. കുടെ വൈഷ്ണവും മിഥുനയും.
അത് സഹിക്കാതെ രമ്യ തിരിച്ച് പറഞ്ഞു.
അതേയ്, നിങ്ങള്‍ ഞങ്ങള്‍ക്കിട്ട് വെയ്ക്കാതെ പോയി ഒറ്റയ്ക്ക് മിണ്ടാന്‍ നോക്ക്…
ഓ, ശരി തമ്പ്രാ… ഇത്രയും പറഞ്ഞ് വൈഷ്ണവ് ശാന്തേച്ചിയുടെ നേരെ തിരിഞ്ഞു എന്നിട്ട് പറഞ്ഞു.
ശാന്തോച്ചി ഇവിടെ രണ്ട് ലൈമും രണ്ട് പരിപ്പ് വടയും കൊടുത്തേക്ക്… ശാന്തേച്ചി അവനെ നോക്കി ചിരിച്ചു.
ഡാ… അധികം ദൂരത്തേക്ക് ഒന്നും പോവാണ്ട ടോ… മിഥുന അവനോട് പറഞ്ഞു.
നീ പറഞ്ഞത് നന്നായി. ഇല്ലെല്‍ ഫസ്റ്റ് നൈറ്റും കഴിഞ്ഞേ ഞാന്‍ വരികയുള്ളു. വൈഷ്ണവ് തിരിച്ചടിക്കാന്‍ നോക്കി. എന്നാല്‍ അത് കേട്ട ഗ്രിഷ്മ ഒന്ന് ഞെട്ടി.
അതിനും ഒരു യോഗം വേണം മോനെ… അവന്‍റെ മറുപടി കേട്ട് രമ്യ ചിരിച്ചുകൊണ്ട് പറഞ്ഞു.
അത് കേട്ട് ചമ്മിയ മുഖവുമായി അവന്‍ രമ്യയെ നോക്കി. അത് കണ്ട് ഗ്രിഷ്മയും മിഥുനയും ചിരിച്ചു. അവന്‍ ചിരിക്കുന്ന ഗ്രിഷ്മയെ ഇടംകണ്ണിട്ട് നോക്കി. അവന്‍റെ നോട്ടം മനസിലാക്കിയ അവള്‍ അവനോടായി പറഞ്ഞു.
അവള്‍ക്ക് എല്ലാം അറിയാം…
വൈഷ്ണവ് ചമ്മിയ മുഖം പുഞ്ചിയാക്കാന്‍ ശ്രമിച്ചു രമ്യയോടായി പറഞ്ഞു.
നിന്നെ ഞാന്‍ പിന്നെ എടുത്തോളമെടി ഞാഞ്ഞുളേ… ഇപ്പോ ഞാന്‍ പോകുന്നു.
ഇത്രയും പറഞ്ഞ് അവന്‍ തിരിച്ച് നടന്നു. പിറകെ ഗ്രിഷ്മയും. വാതില്‍ എത്താറായപ്പോള്‍ വൈഷ്ണവ് ഒന്ന് സ്ലോ ആക്കി. ഈ സമയത്ത് ചിന്നു അവന്‍റെ ഒപ്പമെത്തി. അവര്‍ ഗ്രൗണ്ടിലേക്ക് നിങ്ങി. അവര്‍ ഗ്രൗണ്ടിന് സൈഡില്‍ ഉള്ള മരത്തിന് കീഴെ ഉള്ള ഇരുപ്പിടത്തില്‍ പോയി ഇരുന്നു. ഇപ്രാവിശ്യം സംസാരിച്ച് തുടങ്ങിയത് ചിന്നുവാണ്.
കണ്ണേട്ടന്‍ ആ വിപിനെ തല്ലിയോ…
ഹാ… ചെറുതായിട്ട്…
എനിക്ക് വേണ്ടിയാണോ തല്ലിയത്?
നിനക്ക് വേണ്ടി മാത്രം അല്ല. അവന്‍ കാട്ടിയത് അത്ര നല്ല പരുപാടി അല്ല. അതിന് രണ്ടെണ്ണം കിട്ടണം. അവനീനി ഒരു പെണ്ണിനോടും ഇങ്ങനെ പെരുമാറരുത്…
രണ്ടെണ്ണം കൊടുത്തോ…
ഇല്ല. അവന്‍ അവന്‍റെ ക്ലാസില്‍ ഇരിക്കുകയായിരുന്നു. ഞാന്‍ പോയി അവന്‍റെ പിറകിലുടെ പോയി പുറത്തൊരു ചവിട്ട് കൊടുത്തു. അതിന്‍റെ ആഘാതത്തില്‍ അവന്‍ ഒരു ബെഞ്ചിലേക്ക് പോയി തട്ടി താഴെയ്ക്ക് വിണു. ബെഞ്ചിലെ ആണി തട്ടിയിട്ട് അണെന്ന് തോന്നുന്നു അവന്‍റെ ഷര്‍ട്ട് പകുതി കീറി. വൈഷ്ണവ് പറഞ്ഞു നിര്‍ത്തി.
എന്നിട്ട്… ചിന്നു തിരിച്ചു ചോദിച്ചു.
ചാടി എണിറ്റ അവന്‍റെ കരണം കുറ്റി നോക്കി ഒന്നു പൊട്ടിച്ചു. അവന്‍റെ പിന്നെയുള്ള ദയനീയ ഭാവം കണ്ടപ്പോ പിന്നെ തല്ലാന്‍ തോന്നിയില്ല. പിന്നെ നിന്നെ വന്ന് കണ്ട് സോറി പറയാന്‍ ഒരു ഉപദേശവും കൊടുത്തു.
എന്നാലും തല്ലാണ്ടായിരുന്നു. ഉപദേശം മാത്രം മതിയായിരുന്നു.
നീ ഉപദേശിച്ചിട്ട് എന്തായി വല്ലതും നടന്നോ… ചില നേരത്ത് നല്ല വാക്കിനേക്കാള്‍ ഗുണം ചെയ്യും രണ്ട് തല്ല്.
അവള്‍ അത് കേട്ടിരുന്നു. പിന്നെ ചോദിച്ചു.