വൈഷ്ണവം 3 [ഖല്‍ബിന്‍റെ പോരാളി] 479

അപ്പോ ആ പുതിയ ഷര്‍ട്ട്…
അത് അവന്‍റെ അവസ്ഥ കണ്ടപ്പോ ഞാന്‍ തന്നെ പോയി വാങ്ങി കൊടുത്തു.
നന്നായി.. ചിന്നു പറഞ്ഞു.
ഇത് ചോദിക്കാനാണോ എന്നെ തനിച്ച് കാണണം എന്ന് പറഞ്ഞത്.
ഇതും ഉണ്ടായിരുന്നു… പിന്നെ കണ്ണേട്ടന്‍ സിഗരറ്റ് വലിക്കുമോ…
സ്ഥിരമായിട്ട് ഒന്നുമില്ല… ടെന്‍ഷന്‍ വരുമ്പോള്‍… അവന്‍ മറുപടി നല്‍കി..
അപ്പോ അച്ഛനും അമ്മയും ഒന്നും പറയില്ലേ…
അവര്‍ക്ക് അറിയാം. അമ്മയുടെ പിന്നാലെ രണ്ട് ദിവസം നടന്ന് സോപ്പിട്ടിട്ടാണ് ഇതിന് അനുവാദം തന്നത്.
അതെന്തിനാ, അവര്‍ അറിയാതെ വലിച്ചൂടെ…
അമ്മ വേണ്ട എന്ന് പറഞ്ഞ കാര്യം ഞാന്‍ ചെയ്യുകയില്ല… എന്തോ എനിക്ക് അത് പറ്റില്ല.
ഹും… ചിന്നു ഒന്ന് മുളി…
താന്‍ വീട്ടില്‍ പറഞ്ഞോ…
ഇല്ല… ഇന്ന് രാത്രി അമ്മയോട് പറയും.
അപ്പോ അച്ഛനോടോ ?
അത് എനിക്ക് ഇപ്പോ പറ്റുമെന്ന് തോന്നുന്നില്ല. അമ്മയുടെ തിരുമാനം രാത്രി പറയാം… ചിന്നു പറഞ്ഞു.
മതി… പിന്നെയ് തന്നോട് ഒരു കാര്യം പറയാനുണ്ട്… പക്ഷേ എങ്ങനെയാ പറയണം എന്ന് എനിക്കറിയില്ല…
എന്താ കണ്ണേട്ടാ…
നാളെ ഇവിടെ എന്‍റെ നാടകം ഉണ്ട്. ചിന്നു ഉണ്ടാവുമോ കാണാന്‍ ?
നാളെ എപ്പോഴാ… ചിന്നു ചോദിച്ചു.
ചിലപ്പോ രാത്രിയാവും അതാ ഞാന്‍ ചോദിച്ചത്…
അപ്പോ ഞാന്‍ എങ്ങനെ തിരിച്ചു പോവും…?
തനിക്ക് സമ്മതമാണേല്‍ ഞാന്‍ നാളെ കാര്‍ കൊണ്ട് വരാം… നാടകം കഴിഞ്ഞ് ഞാന്‍ വീട്ടില്‍ കൊണ്ട് ചെന്നാക്കാം…
ഞാന്‍ രമ്യയോട് ചോദിക്കട്ടെ… അവള്‍ ഉണ്ടെങ്കില്‍ ഞാനും ഉണ്ടാവാം…
നിന്‍റെയും അവളുടെയും വിട്ടില്‍ ചോദിച്ചിട്ട് പറഞ്ഞ മതി. രാത്രി ഉറപ്പ് പറയണം…
ശരി.. പറയാം….
വൈഷ്ണവ് ഒരു പുഞ്ചിരി നല്‍കി.
അതേയ് എട്ടന് പ്രണയമൊന്നും ഉണ്ടായിരുന്നില്ലേ… ചിന്നു ചോദിച്ചു.
എന്താ അങ്ങനെ ചോദിച്ചേ…
അല്ല അറിഞ്ഞിരിക്കാന്‍ വേണ്ടി ചോദിച്ചതാ…
എനിക്കിതു വരെ ഒരു പെണ്‍കുട്ടിയോടു പോലും ആ തരത്തില്‍ ഒരു അടുപ്പം തോന്നിയിട്ടില്ല. സ്കൂളിലും കോളേജിലും ഗേള്‍ ഫ്രെണ്ട്സ് കുറെ ഉണ്ടായിരുന്നു. പലരും വന്ന് പ്രേപോസ് ചെ.്തിരുന്നു. പക്ഷേ എല്ലാവരേയും ഞാന്‍ ഒഴുവാക്കി. അല്ലാ തന്‍റെ കാര്യമോ… വൈഷ്ണവ് തിരിച്ച് ചോദിച്ചു.
എന്നോട് രണ്ട് മൂന്ന് പേര് വന്ന് ഇഷ്ടമാണേന്ന് പറഞ്ഞിരുന്നു. പക്ഷേ വിട്ടില്‍ അറിഞ്ഞാല്‍ അച്ഛന്‍ എന്നെ കൊല്ലും എന്ന് പറഞ്ഞ് എല്ലാരില്‍ നിന്നും ഒഴിഞ്ഞു മാറി. ചിന്നു പറഞ്ഞു നിര്‍ത്തി.
അപ്പോ തനിക്ക് അച്ഛനെ അത്രയ്ക്ക് പേടിയാണോ…