വശീകരണ മന്ത്രം 3 [ചാണക്യൻ] 740

“അതോ അത് നിങ്ങൾക്ക് സർപ്രൈസ്” മാലതി പൊട്ടിചിരിച്ചുകൊണ്ടു പറഞ്ഞു.

പതിയെ റൂമിലേക്ക് ചെന്ന അനന്തു ഫോൺ എടുത്തു നോക്കിയപ്പോൾ ഇന്ദുവിന്റെ മെസ്സേജ് വന്നത് കണ്ടു. ആകാംക്ഷയോടെ അവൻ ഫോൺ തുറന്നു നോക്കി. മെസ്സേജിലൂടെ അവന്റെ കണ്ണുകൾ ഓടി നടന്നു

“അനന്തു കുറച്ചു ബിസി ആയിപോയി. ഞാൻ ഇപ്പൊ എന്റെ വീട്ടിലാ… വൺ വീക്ക്‌ കഴിഞ്ഞു വരും.. അപ്പൊ കാണാവേ.. ഉമ്മാ ”

മെസ്സേജ് വായിച്ചു കഴിഞ്ഞതും അനന്തു സ്തബ്ധനായിപോയി. നാളെ കഴിഞ്ഞാൽ അവർ തറവാട്ടിലേക്ക് പോകുന്നതിനാൽ ഇന്ദുവിനെ ഇനി കാണാൻ പറ്റില്ലല്ലോ എന്ന ചിന്ത അവനെ നിരാശപെടുത്തി.

പോയി കഴിഞ്ഞാൽ ഉടനെ തിരിച്ചു വരാൻ ഒന്നും പറ്റൂല എന്നൊരു ഊഹം അവനു ഉണ്ടായിരുന്നു. നിലാവത്ത് അഴിച്ചു വിട്ട കോഴിയെ പോലെ അവൻ റൂമിലൂടെ നടന്നു.

വൈകുന്നേരം  കഴിഞ്ഞു മാലതിയും അനന്തുവും ശിവയും അയൽവീടുകളിൽ പോയി. തറവാട്ടിലേക്ക് പോകുന്ന കാര്യം അവരോടു സൂചിപ്പിച്ചു.

വർഷങ്ങൾക്ക് ശേഷം മുത്തശ്ശിയെ കാണാൻ പോകുന്ന സന്തോഷം അമ്മയുടെ മുഖത്തു പ്രകടമാണെന്നു അവൻ ഓർത്തു.
രാത്രി ഭക്ഷണത്തിനിടെ മൂവരും പോകുന്നതിനെ കുറിച്ചാണ് ചർച്ച ചെയ്തുകൊണ്ടിരുന്നത്.

ഭക്ഷണത്തിനു ശേഷം ബെഡിലേക്ക് കിടന്ന അനന്തു തറവാട്ടിലേക്ക് പോകുന്നതിനെ കുറിച്ച് സ്നേഹയുമായും രാഹുലുമായും ചർച്ച ചെയ്തു.

ഇരുവർക്കും അത് സമ്മതമുള്ള കാര്യം ആയിരുന്നു.അങ്ങനെ ഓരോ കാര്യങ്ങൾ ഓർത്തു കൊണ്ടു അനന്തു മയക്കത്തിലേക്ക് വഴുതി വീണു.

പിറ്റേ ദിവസം രാവിലെ ഫോൺ റിംഗ് ചെയ്യുന്നത് കേട്ടാണ് അനന്തു മയക്കം വിട്ടു ഉണർന്നത്. അവൻ കണ്ണുകൾ അമർത്തി തിരുമ്മി കോട്ടുവാ ഇട്ടുകൊണ്ട് ഫോൺ എടുത്തു ചെവിയിലേക്ക് ചേർത്തു.

“ഹലോ ”

“ഡാ ചെക്കാ നീ എണീറ്റെ ഉള്ളോ ? ” സ്നേഹയുടെ പരിഭവം നിറഞ്ഞ ചോദ്യം കേട്ടതും അവനിൽ നിന്നും ഉറക്കപ്പിച്ച് വിട്ടകന്നു.

“അതെന്നെ ഇപ്പൊ കണ്ണു തുറന്നതേ ഉള്ളു ”

“ഡാ പൊട്ടാ വേഗം എണീറ്റു 10 മണി ആവുമ്പോഴേക്ക് വീട്ടിലേക്ക് വാ ഞാൻ കാത്തിരിക്കും.”  സ്നേഹ കാൾ കട്ട്‌ ചെയ്തു.

അനന്തു ഫോണിലേക്ക് നോക്കി.സമയം  9.30 എന്ന് കണ്ടതും അവൻ വെപ്രാളത്തോടെ ബാത്റൂമിലേക്ക് ഓടി. കുളിയും പല്ലു തേപ്പും കഴിഞ്ഞു അവൻ ബൈക്കും എടുത്തു സ്നേഹയുടെ വീട്ടിലേക്ക് കുതിച്ചു പാഞ്ഞു.

അര മണിക്കൂർ യാത്രക്ക് ശേഷം അവൻ സ്നേഹയുടെ വീട്ടിലേക്ക് എത്തി ചേർന്നു. കാർപൊച്ചിൽ ബൈക്ക് നിർത്തി ഓഫ് ചെയ്തു ചാവിയെടുത്ത് അവൻ സിറ്റ്ഔട്ടിലേക്ക് കയറി കാളിങ് ബെല്ലിൽ അമർത്തി.

അല്പ സമയത്തിന് ശേഷം വാതിൽ മലർക്കനെ തുറന്നു സ്നേഹ പുറത്തേക്കിറങ്ങി.ഒരു ടി ഷർട്ടും പാന്റ്സും ആയിരുന്നു അവളുടെ വേഷം. മുടി പുറകിലേക്ക് പിന്നി കെട്ടിയിരിക്കുന്നു.

മേക്കപ്പ് ഇല്ലാതെ തന്നെ പെണ്ണ് ഇത്രക്കും സുന്ദരി ആണേൽ മേക്കപ്പ് ചെയ്താൽ എന്തായിരിക്കുമെന്ന് അവൻ ഓർത്തു പോയി. സ്നേഹയുടെ കണ്ണുകൾക്ക് വല്ലാത്ത കാന്തിക ശക്തി പോലെ അവനു തോന്നി.

“ഇങ്ങനെ ചോര ഊറ്റി കുടിക്കാതെടാ” സ്നേഹ കപട ദേഷ്യത്തോടെ അവനെ നോക്കി പറഞ്ഞു

അനന്തു ചമ്മിയ ചിരിയോടെ അവളെ നോക്കി. സ്നേഹ അവന്റെ കൈ പിടിച്ച് ഉള്ളിലേക്ക് നടന്നു.