വീണ്ടും വസന്തകാലം [മന്ദന്‍രാജ] 690

അച്ചു പെട്ടന്ന് ക്രൂദ്ധയായി ജോജിയെ നോക്കി . അവനപ്പോഴും അല്‍പം മുന്‍പ് കേട്ട വാക്കുകളില്‍ നിന്ന് മോചിതനായിരുന്നില്ല . അല്‍പം കഴിഞ്ഞപ്പോള്‍ അവന്‍ തന്നെയാണ് മൌനം ഭേദിച്ചത്

” അമ്മച്ചി എന്നാ ഈ പറയുന്നേ ? ചേച്ചിയമ്മേ ഞാന്‍ കെട്ടാനോ…. ഞാന്‍ നോക്കിക്കൊള്ളാം …എന്‍റെ മരണം വരെ ഞാന്‍ നോക്കി കൊള്ളാം … എന്നാത്തിനാ നിങ്ങളീ പാവത്തിനെ ഇങ്ങനെ ?” അവന്റെ കണ്ണുകള്‍ നിറഞ്ഞു … അത് കേട്ടതും അച്ചു ആശ്വാസത്തോടെ ജോജിയെ നോക്കി .പിന്നെ മറ്റുള്ളവരെയും ..കണ്ടോ എന്‍റെ മോന്‍ എന്ന ഭാവത്തില്‍ ..

‘നീ നോക്കൂടാ മോനെ ..നീ നോക്കും …അതറിഞ്ഞു കൊണ്ട് തന്നാ പറയുന്നേ … പക്ഷെ എത്ര നാള്‍ നീയവളെ നോക്കും … നിനക്കൊരു പെണ്ണ് വന്നു കേറിയാലോ ? അവള്‍ സമ്മതിക്കുമോ ?ങേ ?”

” ചെച്ചിയമ്മക്കും പിള്ളേര്‍ക്കും വേണ്ടി ഞാന്‍ പെണ്ണ് കേട്ടാതിരിക്കും …പെണ്ണ്‍ കെട്ടിയാലെ എല്ലാം തികയൂള്ളോ? ”

‘അച്ചൂ ..നീയിങ്ങു വന്നെ … വാ … എടാ ജോജി … നാളെ തന്നെ നീ ഇവളെ രെജിസ്റര്‍ ചെയ്യണം … അത് വേറെ കാര്യത്തിനാ … പിന്നെ നീ അവളെ നോക്കുവോ നോക്കതിരിക്കുവോ അതൊക്കെ നിങ്ങടെ കാര്യം … നീയും ഇവളും ഒക്കെ ഞാങ്ങക്കൊരുപോലാ .” ജെസ്സി വന്നു അച്ചുവിന്‍റെ കൈ പിടിച്ചു

” നില്‍ക്ക് …നാളെ രെജിസ്ടര്‍ … അത് സമ്മതമാണേല്‍ മതി അകത്തേക്ക് ‘ ആലീസ് വീണ്ടും ചൂടില്‍ തന്നെ

” എന്‍റെ അലീസമ്മച്ചി…. അതല്ലെങ്കിലും രജിസറര്‍ ചെയ്യേണ്ടേ …എന്നാലല്ലേ ഭാര്യ എന്ന ലേബലില്‍ ജോക്കുട്ടന്റെ കൂടെ ഇവളെ അമേരിക്കക്ക് കൊണ്ട് പോകാന്‍ പറ്റൂ …അച്ചു ..നീയിങ്ങു വന്നെ ‘

നിര്‍ണായക സമയത്ത് ജെസിക്ക് ബുദ്ധി തെളിഞ്ഞു … ബീനയും കൂടി അച്ചുവിനെ കൂട്ടി അകത്തേക്ക് നടന്നു … അത് ജെസി പറഞ്ഞത് കേട്ട് അലീസിന്റെ മുഖത്തൊരു ചിരി തെളിഞ്ഞു …തനിക്കീ ബുദ്ധി വന്നില്ലല്ലോ എന്നോര്‍ത്ത് അവര്‍ മുഖം കുനിച്ചു

കുറച്ചു സമയം കഴിഞ്ഞു ജെസി പുറത്തേക്കിറങ്ങി വന്നു … എല്ലാവരും ഇരുന്ന സ്ഥലത്ത് തന്നെ എന്താകും എന്ന ഉത്ഖണ്ടയില്‍ ഇരിപ്പാണ്