പ്രിയ രാജയ്ക്ക്…

കഥയെ ഇഷ്ടപ്പെടുക ഇഷ്ട്ടപ്പെടാതിരിക്കുക എന്നത് വ്യക്തിപരമായ കാര്യമാണ്.
അതിന് ഈഗോയുടെ പ്രശ്നമുണ്ടാകേണ്ടതില്ല.
ഇഷ്ടങ്ങൾ, അഭിരുചികൾ, താൽപ്പര്യങ്ങൾ ..ഇവയൊക്കെ എല്ലാവരിലും ഭിന്നമാണല്ലോ.

എനിക്ക് സ്വീകാര്യമല്ലാത്തത് രണ്ടുതരം അഭിപ്രായങ്ങളേയുള്ളൂ.
ഒന്ന് കഥയെക്കുറിച്ച് പരാമർശിക്കാതെ എഴുതുന്നയാളോടുള്ള വെറുപ്പോ ഇഷ്ടമില്ലായ്മയോ കാരണം വെറുതെ തെറി എഴുതി പ്രകോപിപ്പിക്കുക. മറ്റൊന്ന് വേറെ ഒരാൾ പറഞ്ഞ അഭിപ്രായത്തോട് അൽപ്പം കൂടി വാക്കുകൾ കൂട്ടിച്ചേർത്ത് പറയുക.

ഈ കഥയിലെ അഭിപ്രായ പ്രകടനങ്ങളിൽ ഏറ്റവും ജെനുവിനായി തോന്നിയ മൂന്നഭിപ്രായങ്ങൾ ജോയുടെതും ഋഷിയുടെതും പിന്നെ താങ്കളുടേതുമാണ്. മൂന്ന് പേരും അന്യാദൃശ്യമായ ജീനിയസ്സുള്ള എഴുത്തുകാർ. [സൈറ്റിലെ കഥകളെ കുറിച്ചാണ് പറയുന്നത്].
ഭാഷയുടെയും കഥപറയുന്ന രീതികളുടെയും കാര്യത്തിൽ അനുകരണനീയമാതൃകയുള്ളവരാണ് ഈ മൂന്ന് പേരും.
അതിൽ ജോയിൽ നിന്നും ഋഷിയിൽ നിന്നും നല്ല മാർക്ക് കിട്ടണമെങ്കിൽ ശരിക്കും വിയർക്കണം.
അൽപ്പം ഉപ്പ് കുറഞ്ഞാൽ, മുളക് കൂടിപ്പോയാൽ ചെവിക്കു പിടിക്കും ആ രണ്ടു കഥാ രാക്ഷസന്മാരും.

പിന്നെ മൂന്നാമത്തെയാൾ രാജയാണ് എന്ന് ഞാൻ പറഞ്ഞു.
എഴുതുന്ന കാര്യങ്ങളിൽ എനിക്കും രാജയ്ക്കുമിടയിൽ ഒരു പൊതു ഇഷ്ടമുള്ളത് കൊണ്ട് താങ്കൾക്ക് ഇഷ്ടമാകുന്ന രീതി എനിക്കും മനസ്സിനോടടുത്ത് നിൽക്കുന്നു എന്ന് തോന്നിയിട്ടുണ്ട്.
വളരെ സമയം കുറച്ചെടുത്ത് എഴുതിയ ഈ കഥ എന്തുകൊണ്ടോ മറ്റ് കഥകളേക്കാൾ എനിക്കും ഇഷ്ടമുണ്ട്.
സൈറ്റിൽ വന്നു കഴിഞ്ഞ് വായിച്ച് നോക്കിയപ്പോൾ.
ഇപ്പോൾ താങ്കളും പറയുന്നു, എന്റെ മറ്റു കഥകളേക്കാൾ താങ്കൾക്ക് ഇഷ്ടം ഈ കഥയാണ് എന്ന്….

പറഞ്ഞ വാക്കുകൾ മാത്രം മതി, മടുപ്പൊന്നുമറിയാതെ പിന്നെയുമെഴുതാൻ….

നന്ദി,

സ്നേഹപൂർവ്വം…

സ്മിത.