വിവേകും പ്രവീണും പിന്നെ ലക്ഷ്മിയും 1 [Shamna sajida] 167

അവൻ്റെ മുറി ശരിക്കും അലങ്കോലപ്പെട്ട് കിടക്കുവാണ്. സാധനങ്ങൾ ഒന്നും അടുക്കിവെക്കാൻ സമയം കിട്ടിയിട്ടില്ല.. അവൻറെ തുണികളും ഓഫീസ് രേഖകളുമൊക്കെ മുറിയിൽ അവിടെയുമിവിടെയുമായി ചിതറിക്കിടന്നിരുന്നു. ഞാൻ മേശ വലിച്ച് അതിൽ ചാർജർ ഉണ്ടോ എന്ന് നോക്കി. പക്ഷേ എല്ലായിടത്തും തിരഞ്ഞിട്ടും എനിക്ക് അത് കണ്ടെത്താൻ കഴിഞ്ഞില്ല. അപ്പോഴാണ് കട്ടിലിനടിയിൽ ഒരു വലിയ സ്യൂട്ട്കേസ് എൻ്റെ ശ്രദ്ധയിൽപ്പെട്ടത്. അതിൽ നിന്ന് ഒരു വയർ പുറത്തേക്ക് തൂങ്ങിക്കിടന്നിരുന്നു. ഞാൻ അത് ചാർജറാണെന്ന് കരുതി ആ വയർ ഞാൻ പുറത്തേക്ക് വലിച്ചു. പക്ഷേ അത് പുറത്തേക്ക് വരുന്നില്ല. ഞാൻ ആ സ്യൂട്ട്കേസ് പുറത്തേക്ക് എടുത്തു. ആ വയർ സ്യൂട്ട്കേസിനകത്തുള്ള തുണികൾക്കുള്ളിൽ കുടുങ്ങിക്കിടക്കുകയായിരുന്നു. ഞാൻ അത് പുറത്തേക്ക് വലിച്ചപ്പോൾ അത് ഒരു ക്യാമറ കേബിളാണെന്ന് എനിക്ക് മനസ്സിലായി.

ഇവൻറെ ചാർജർ ഇത് എവിടെ പോയി കിടക്കുവാ

സ്വയം പറഞ്ഞു ഞാൻ അത് തിരികെ വെച്ച് എണീക്കാൻ നേരമാണ് അത് ശ്രദ്ധിക്കുന്നത്.

സ്യൂട്ട്കേസിൻ്റെ മുകളിൽ പ്രവീണിന്റെ കുറച്ച് ഷർട്ട് വെച്ചിട്ടുണ്ട്. പക്ഷേ അതിനടിയിൽ ലേഡീസിന്റെ ഡ്രസ്സ്..

ശരിക്കും പറഞ്ഞാൽ അനുവാദം ചോദിക്കാതെ മറ്റൊരാളുടെ സാധനങ്ങൾ നോക്കുന്നത് ശരിയല്ല. പക്ഷേ ഞാനും പ്രവീണും ഉറ്റ സുഹൃത്തുക്കളല്ലേ, ഞങ്ങൾക്കിടയിൽ ഒരു രഹസ്യവും ഇല്ലെന്നാണ് ഞാൻ കരുതിയിരുന്നത്. ഒരു പെൺകുട്ടി അവനെ കാണാൻ ഇവിടെ ഈ അപ്പാർട്ട്മെന്റിൽ വന്നിട്ട് അവൻ എന്നോടാ ആ കാര്യം മറച്ചുവെച്ചല്ലോ.