വിയർപ്പൊഴുകുന്ന ദൂരങ്ങൾ 2 [ഫ്ലോക്കി കട്ടേക്കാട്] 543

കൊണ്ടാണ് ഞാൻ അവിടെ പോയത്. എനിക്കെന്തോ അവരുടെ ഇടയിൽ നിൽകുമ്പോൾ ഒരു ചമ്മൽ പോലെ, അത് കൊണ്ട് ഞാൻ പതിയെ തടിയൂരിയത്…

ഏകദേശം അരമണിക്കൂറിൽ കൂടുതൽ ആയിക്കാണും, ഇത്തയും ആ കുട്ടിയും കൂടി നടന്നു വന്നു. ഒരു ബാസ്കറ്റ് നിറയെ ടി ഷർട്ട് ട്രാക്ക് പാന്റ്സ് അങ്ങനെ എന്താല്ലാമോ ഉണ്ട്… എന്റേ കണ്ണ് തള്ളിപ്പോയി…

ഞാൻ : ഇങ്ങൾ കട മൊത്തം വാങ്ങാൻ വന്നതാണോ????

ഇത്ത ഒരു വളിച്ച ചിരി പാസാക്കി…

“നീ പോടാ ചെക്കാ…. അല്ല നീ ഒന്നും എടുത്തിലെ??? “

ഞാൻ : എനിക്കൊന്നും വേണ്ട… മൊഞ്ചവാൻ പോകുന്നത് ഇങ്ങളല്ലേ, ഇങ്ങൾ എടുത്താൽ മതി, പോകണ്ടേ ടൈം ഒരുപാടായി…

ഇത്ത : അത് പറഞ്ഞ എങ്ങനാ…. നീ വാ…

ഇത്ത എന്നേം വലിച്ചു കൊണ്ട് ജൻസ് സെക്ഷനിൽ എത്തി, രണ്ട് മൂന്നു ടി ഷർട്ട്, ഷോർട്സ്, ട്രാക്സ്, എല്ലാം വാങ്ങി……

“ഇങ്ങൾക്ക് പിരാന്താണ് “ പോരുന്ന വഴി ഞാൻ ഇത്താനോട് പറഞ്ഞു… സമയം 11 ആയിട്ടുണ്ട്. കുപ്പി വാങ്ങണം, പക്ഷെ ഇത്ത അതിനെ കുറിച്ച് മാത്രം ഇതുവരെയും ഒന്നും പറഞ്ഞിട്ടില്ല. എനിക്കൊട്ട് പറയാനും പറ്റുന്നില്ല. ഇനി ഇത്താ, നൈസ് ആയി എനിക്കിട്ട് പണിയോ??? പറയാനോക്കൂല,ഓർക്ക് കള്ള് കുടിയോട് അത്ര പഥ്യം പൊര… ബസ്മെന്റിൽ നിന്നു കാർ എടുക്കുമ്പോഴും ഞാൻ ഇത് തന്നെ ആലോചിക്കുകയായിരുന്നു…..

“അനക്ക് അന്റെ സാധനം വാങ്ങണ്ടേ “… അവസാനം ഇത്ത ചോദിച്ചു…

എനിക്കെന്റെ സന്തോഷം അടക്കാനായില്ല… “ഓന്റെ സന്തോഷം കണ്ടോ” ഇത്ത സ്നേഹവും കൊഞ്ചാലും കലർന്ന ശാസനയോടെ പറഞ്ഞു. ഇത്ത എനിക്ക് 2000 തിന്റെ ഒരു നോട്ടെടുത്ത് തന്നു…

“എനിക്കിതിനേ കുറിച്ച് ഒന്നും അറിയില്ല, ഏറ്റവും മുന്തിയത് തന്നെ വാങ്ങിക്കോ, എന്റെ ചെലവല്ലേ കുറക്കണ്ട”.

ഞാൻ ഒന്ന് ചിരിച്ചു. കാർ കുറച്ചു ദൂരെ പാർക്ക്‌ ചെയ്തു. ഒരു ഫുൾ JD വാങ്ങി വന്നു. അപ്പോഴേക്കും സമയം 12 കഴിഞ്ഞു നല്ലൊരു റെസ്റ്റോറന്റിൽ നിന്നും ഫുഡ്‌ കൂടി പാർസൽ വാങ്ങി ഫാം ഹൗസിലേക്ക് പോയി…

കുറച്ചു ദൂരം സഞ്ചരിച്ചു വേണം ഫാം ഹൌസിൽ എത്താൻ…. ടാർ ചെയ്തിട്ടുണ്ടെങ്കിലും അത്ര വലിയ റോഡ് അല്ല… ഇരു വശങ്ങളിലും മരങ്ങൾ നിറഞ്ഞു നിൽക്കുന്ന റോടായത് കൊണ്ടുതന്നെ പകൽ ആണെങ്കിലും ഇരുട്ട് പോലെ തോന്നിക്കും. മഴക്കാലത്തിന്റെ തുടക്കം ആയയത്‌ കൊണ്ട് മഴക്കാർ ഉണ്ട്…. ആകാശം ഇരുണ്ട കൂടുന്നുണ്ട്.

തോട്ടം നോക്കാനൊരു തോട്ടക്കാരനുണ്ട്, “കൃഷ്ണേട്ടൻ”

പോകുന്ന വഴിക്കു ഞാൻ കൃഷ്ണേട്ടനെ വിളിച്ചു, അവിടെ ഉണ്ടോ എന്ന് ചോദിച്ചു. ശനിയാഴ്ചകളും ഞായറാഴ്ചയും കൃഷ്ണേട്ടാൻ അവിടെ വരുന്നത് കുറവാണ്. പക്ഷെ ഇന്ന് അവിടെ മൂപ്പർ ഉണ്ട്. ഗേറ്റിന് അടുത്തെത്തിയതും കൃഷ്ണേട്ടൻ ഗേറ്റ് തുറന്നു തന്നു… ഗേറ്റ് കഴിഞ്ഞാൽ വീണ്ടും, തെങ്ങിൻ തോപിനിടയിലൂടെ കുറച്ചുള്ളിലേക്ക് പോകണം….