വേൾഡ് ഫേമസ് ഹേറ്റേഴ്‌സ് 4 [Fang leng] 440

രൂപ :ഞാൻ പോകുവാ നീ ഇവിടെ ഇരുന്ന് അലച്ചോ

ഇത്രയും പറഞ്ഞു രൂപ ചെയറിൽ നിന്ന് എഴുനേൾക്കാൻ തുടങ്ങി

ആദി :ഹേയ് വേണ്ട.. ഞാൻ ഇനി മിണ്ടില്ല എന്താ പോരെ അവിടെ ഇരിക്ക് രൂപേ സത്യം ഇനി മിണ്ടില്ല

ഇത് കേട്ട രൂപ വീണ്ടും അവിടെ ഇരുന്നു

ആദി :അല്ല രൂപേ..

രൂപ :ടാ

ആദി :ഇത് വേറെ കാര്യമാടി നമുക്ക് ഷെയറിട്ട് മീൻ പൊരിച്ചത് വാങ്ങിയാലോ 20 രൂപയെ ഉള്ളു 10 രൂപ നീയിട്ടാൽ മതി

രൂപ : വേണ്ട എന്റെ കയ്യിൽ പൈസയില്ല

ആദി : 10 രൂപ എടുക്കാനില്ലെ

രൂപ :ഞാൻ കഴിക്കാൻ കൊണ്ട് വന്നിട്ടുണ്ട് എനിക്ക് മീനൊന്നും ഇപ്പോൾ വേണ്ട

ആദി : എന്നാൽ പിന്നെ ഞാൻ ഒറ്റക്ക് വാങ്ങാം കൊതിവിടരുത് കേട്ടൊ

ഇത്രയും പറഞ്ഞു ആദി ഒരു മീൻ പൊരിച്ചതിന് ഓർഡർ ചെയ്തു അല്പസമയത്തിനുള്ളിൽ തന്നെ അത് ടേബിളിൽ എത്തി

ആദി :ഹാ നല്ല മണം മണം ഇതാണെങ്കിൽ രുചി എന്തായിരിക്കും

ഇത് കേട്ട രൂപ അങ്ങോട്ടേക്ക് നോക്കി

ആദി : എന്തിനാടി ഇങ്ങോട്ട് നോക്കുന്നെ ദൈവമേ ഇന്ന് വയറിളകുമെന്നാ തോന്നുന്നെ വേണ മെങ്കിൽ അല്പം എടുത്തൊ

രൂപ :കൊണ്ട് പോയി നിന്റെ മറ്റവൾക്ക് കൊടുക്ക്

പെട്ടെന്നാണ് വിഷ്ണുവും കൂട്ടുകാരാരും ക്യാൻറ്റീനിലേക്ക് എത്തിയത്

വിഷ്ണു : രാജീവേ 4 ഊണ് വാങ്ങിയാൽ മതിയോ

രാജീവ് : സ്നേഹകൂടി വരട്ടെ എന്നിട്ട് വാങ്ങാം

വിഷ്ണു :അവളിത് എങ്ങോട്ടാ പോയത്

ആരതി :എന്തോ പ്രശ്നമുണ്ട് ഇപ്പോൾ വരാം എന്നാ പറഞ്ഞത്

വിഷ്ണു :പ്രശ്നമോ

ആരതി :ആ ഇംഗ്ലീഷ് ഡിപ്പാർട്മെന്റിൽ എന്തോ പ്രശ്നം ഉണ്ടായെന്ന്

രാജീവ് :ഇംഗ്ലീഷിലോ അതിനെന്തിനാ അവൾ

ആരതി :അവളുടെ ക്ലബ്ബുമായി ബന്ധപ്പെട്ട് പോയതാ

വിഷ്ണു :ഇവൾക്കിത് എന്തിന്റെ കേടാ അവളോട് ഞാൻ പറഞ്ഞിട്ടുള്ളതാ നമ്മുടെ ഡിപ്പാർട്മെന്റിന്റെ കാര്യം മാത്രം നോക്കിയാൽ മതിയെന്ന് ഇനി എന്ത് പുലിവാലാണാവോ കൊണ്ട് വരുന്നത്

ആരതി : ടാ അത് അവരല്ലെ

പെട്ടെന്നാണ് ആരതി ആദിയേയും രൂപയേയും കണ്ടത്