യക്ഷി 4 [താർക്ഷ്യൻ] 852

അതുകേട്ടു ഞാൻ ആകെ നാണിച്ച് പോയി. പെട്ടന്ന് വിഷയം മാറ്റി ഞാൻ പറഞ്ഞു: “ബേക്കറീടെ ഐഡിയ സൂപ്പറാ.. പക്ഷെ തുടങ്ങുവാണെങ്കിൽ ജംഗ്‌ഷനിലെ പലചരക്ക് കട ഒഴിപ്പിച്ച് ആ ഗോഡൗണും ചേർത്ത് എടുത്താൽ ചെയറും ടേബിളും ഒക്കെ ഇടാൻ പറ്റിയ വലിയ ബേക്കറി ആകും”

“അത്ര വലുത് വന്നാൽ അതിന്റെ അപ്പുറവും ഇപ്പുറവും ഉള്ള കൊച്ചു ബേക്കറികളോ? ഒന്നെങ്കി അവർക്ക് ബിസിനസ് കുറയും അല്ലെങ്കിൽ പൂട്ടിപ്പോകും” ചേച്ചി സങ്കടത്തോടെ പറഞ്ഞു.

“ആഹ് പൂട്ടിക്കോട്ടെ. ആ റൂമുകൾ നമ്മക്ക് എടുത്ത് വേറെ വല്ലതിനും  വാടകക്ക് കൊടുക്കാലോ”.. എന്റെ കണ്ണിൽ ചോര ഇല്ലാത്ത ഡയലോഗ് കേട്ട് ചേച്ചി ഒന്നമ്പരന്നു. എന്നിട്ട് തേനൊഴുകും പോലെ ചിരിച്ചു കൊണ്ട് പറഞ്ഞു: “നീ കോള്ളാലോടാ കൊച്ചു ചെറുക്കാ.. ഞാൻ ചുമ്മാ പറഞ്ഞതല്ലേ”

എനിക്ക് ദേഷ്യം വന്നു. “എന്നാ പോ”.. ഞാൻ മുരണ്ടു എന്നിട്ട് ചേച്ചിയെ നോക്കാതെ കാപ്പി കുടിച്ചു.

“അച്ചോടാ ദേഷ്യം വന്നോ സാറിന്..? എന്റെ താടിയിൽ പിടിച്ചുകൊണ്ട് ചേച്ചി കൊഞ്ചി ചോദിച്ചു. ഞാൻ തല വെട്ടിച്ചു.

“എന്റെ സാറേ.. ഒന്ന് അടങ്ങു.. ചേച്ചി ഒരു തമാശ പറഞ്ഞതല്ലേ… ഉള്ളത് പറയുവാണേൽ ബേക്കറി തുടങ്ങാൻ പ്ലാൻ ഒണ്ട്. എന്റെ അമ്മച്ചി നല്ല ബേക്കറി സ്പെഷലിസ്റ് ആയിരുന്നെ. അതോണ്ട് എനിക്കും ആ വകയിൽ ഇച്ചരെ അറിയാം. പക്ഷെ നമ്മള് തുടങ്ങുക ബേക്കറി ഷോപ്പ് അല്ല. മാനുഫാക്ച്ചറിങ് യൂണിറ്റ് ആണ്”

ഞാൻ അത് കേട്ട് മിഴിച്ചു നിന്നു. ചേച്ചി തുടർന്നു..

“ബേക്കറിക്കട ആണെങ്കില് ഇപ്പൊ എന്നാ ഒരു കട.. നമ്മളേക്കാള് പൈസ ഉള്ളവര് വന്നാല് അതിലും വലിയ കട ഒരിക്കെ തൊടങ്ങും. പക്ഷെ ഈ പറഞ്ഞ എല്ലാ കടയിലേക്കും ഹോൾസെയിൽ ആയി ബേക്കറി സപ്പ്ളൈ വരുന്നത് എറണാകുളത്തീന്ന് ഒക്കെയാ.. അല്ലെ? നമ്മളും വീട്ടിൽ അത് തന്നെയാ ഉപയോഗിക്കുന്നെ.. പക്ഷെ നമ്മള് സ്വന്തായിട്ട് ഒരു യൂണിറ്റ് ഇട്ടാൽ പിന്നെ കംപ്ലീറ്റ് കുത്തക ആർക്കാ”..?

“നമ്മക്ക്”.. ഞാൻ യാന്ത്രികമായി പറഞ്ഞു.

“നമ്മടെ ബ്രാൻഡിൽ എല്ലാ ബേക്കറിയേലും സാദനങ്ങൾ വിൽക്കാൻ തുടങ്ങി, ഒരു രണ്ടു മൂന്ന് കൊല്ലം കഴിഞ്ഞാല് ഓരോ ടൗണിലും നല്ല ലൊക്കേഷൻ ഉള്ള ബേക്കറി കടകള് നമ്മക്ക് വാങ്ങാം. എന്നിട്ട് നമ്മടെ ബ്രാൻഡ് ഷോപ്പ് പോലെ ബേക്കറി വില്കാം. ഉണ്ടാക്കുന്നതും സപ്ലെയും നമ്മൾ തന്നെ ആയതുകൊണ്ട് ഒരുത്തനും നമ്മളോട് ഈ ഫീൽഡിൽ നേരെ നിന്ന് മുട്ടാൻ ഒക്കത്തില്ല” ചേച്ചി പറഞ്ഞു.