യക്ഷി 4 [താർക്ഷ്യൻ] 853

ഹാം.. ഇതുവരെ ഞാൻ ആഗ്രഹിച്ചത് ഒന്നും നടന്നിട്ടില്ല. പകരം എന്തെല്ലാമോ ആണ് നടക്കുന്നത്. ഇനി എന്താ നടക്കുക എന്ന് കർത്താവിനറിയാം..

ഞാൻ നേരെ കണ്ണാടിക്ക് മുന്നിൽ പോയി നിന്ന് മുടിചീകി. മീശ ചീകി, താടി ചീകി, എന്തിനു പുരികം വരെ ചീകി! ചുണ്ട് ഒന്ന് കടിച്ചുവിട്ടു. സ്വതവേ രക്തമയമാർന്ന എന്റെ കടും ചുവപ്പ് ചുണ്ടുകൾ അതോടെ സ്ട്രോബെറി പരുവം ആയി. തല ചെരിച്ച് മുഖത്തിന്റെ ഇരുവശവും നോക്കി. ആഹാ..!! അടിപൊളി ആയിട്ടുണ്ട്. എനിക്ക് തന്നെ മതിപ്പ് തോന്നി..!

അലക്സങ്കിൾ പണ്ട് പാരീസിൽ പെണ്ണ് പിടിക്കാൻ പോയപ്പോൾ കൊണ്ട് തന്ന, വായിൽ കൊള്ളാത്ത പേരുള്ള പെഷൽ സാനം തന്നെ എടുത്ത് എന്റെ ജുബ്ബായിലും കഴുത്തിലും ഒക്കെ അടിച്ചു. ഓഹ്.. മദിപ്പിക്കുന്ന ഒരു മണം തന്നെ ഇതിന്. എങ്ങാണ്ട് തന്തപ്പിടി കേറിവന്നാൽ എന്തുചെയ്യും?? ഇതൊക്കെ ഇട്ടു പുതുമണവാളൻ സെറ്റ്-അപ്പിൽ നിൽക്കുകയാണ് ഞാൻ. പപ്പേടെ വണ്ടീടെ ലൈറ്റ് കാണുമ്പോഴേക്ക് ഓടി പോയി ഡ്രസ്സ് മാറാൻ ഉള്ള സമയം കിട്ടും. എന്തായാലും മമ്മീടെ ആഗ്രഹം അല്ലെ.. വരുന്നിടത്ത് വെച്ച് കാണാം. പിന്നെ ഒന്നും നോക്കീല നേരെ ഡൈനിങ്ങ് റൂമിലേക്ക് വെച്ചടിച്ചു. ഗോവണി ഇറങ്ങി വരുമ്പോൾ ഞാൻ കണ്ടത് ഡൈനിങ് ടേബിളിൽ ഭക്ഷണം എടുത്ത് വെക്കുന്ന മമ്മിയെ ആണ്. പെട്ടന്ന് മമ്മി എന്നെ നോക്കി…

സ്വർണ്ണ കസവുള്ള ബാലരാമപുരം മുണ്ടും അതിനൊത്ത ജുബ്ബയും സ്വർണ്ണ മാലയും ഓക്കേ ഇട്ട് വരുന്ന യോഗ്യനായ എന്നെ കണ്ട് മമ്മി ടേബിളിലോട്ട് വെക്കാൻ നിന്ന പ്ലേറ്റ് അതേൽ വെക്കാതെ സ്റ്റക്ക് ആയി നിന്നു. ഞാൻ അത് കണ്ട് ഒന്ന് പുഞ്ചിരിച്ചു. മര്യാദക്ക് ഒന്ന് ഒരുങ്ങി വന്നപ്പോഴേക്ക് ഈ നാട്ടിലെ സൗന്ദര്യറാണി സോഫിയ വരെ കണ്ണും തള്ളി നിൽക്കുന്നു എന്നത് തികച്ചും അഭിനന്ദനീയം തന്നെ… ഞാൻ നേരെ മമ്മിയുടെ അടുത്തേക്ക് ചെന്ന്, മമ്മിയുടെ കവിളിലേക്ക് വീണ അളകങ്ങൾ ചെവിക്ക് പിന്നിലേക്ക് വിരൽകൊണ്ട് ഒതുക്കി കൊടുത്ത്, താടിയേൽ പിടിച്ചുകൊണ്ട് ചോദിച്ചു.

“എങ്ങനെ ഉണ്ട്”..?

അപ്പോഴാണ് മമ്മി സ്വബോധത്തിലേക്ക് വന്നത്. മമ്മി പ്ലേട് ടേബിളിൽ വെച്ചിട്ട് എന്നെ പിടിച്ചു ചുമരിലേക്ക് നീക്കി നിർത്തി. എന്നിട്ട് രണ്ടു മൂന്നടി പിറകോട്ട് നിന്ന് കൈ രണ്ടും കവിളിൽ വെച്ച് ആശ്ചര്യത്തോടെ എന്നെ നോക്കി നിന്നു. ആ കണ്ണുകളിലെ തിളക്കം കണ്ട് എനിക്ക് തന്നെ സന്തോഷം തോന്നി.