☠️യോദ്ധാവ്☠️ 1 [സാത്താൻ?] 197

അയാൾ ദയനീയമായി തന്നെ മുന്നിൽ നിൽക്കുന്ന മാർക്കോയോടായി പറഞ്ഞു.

മാർക്കോ : നിയൊക്കെ പറയുന്നതുപോലെ ഒരു പെണ്ണ് ഇവിടെ വന്നെന്ന് ഞാൻ എങ്ങനെ വിശ്വസിക്കും എന്തായാലും ഒരു പെണ്ണിന് അവരെ രണ്ടാളെയും ഒറ്റക്ക് കൊണ്ടുപോവാൻ പറ്റില്ല അപ്പോൾ വേറെ ആരോ ഇവിടെ വന്നിട്ടുണ്ട് അത് ആരാ എന്നാണ് എനിക്കറിയേണ്ടത്..

” സാർ അങ്ങനെ ആരും വന്നതായി ഞങ്ങളാരും കണ്ടിട്ടില്ല പ്ലീസ് വിശ്വസിക്കണം ?”

അവരിൽ രണ്ടാമനും അയാളോടായി പറഞ്ഞു.

പക്ഷെ അതിനു മറുപടിയായി മാർക്കോ ഒന്നും തന്നെ മിണ്ടിയിരുന്നില്ല ബിതല കുനിച്ചുകൊണ്ട് അയാൾക്ക് മുന്നിൽ നിന്നിരുന്ന അവർ മൂന്നുപേരും മാർകോയുടെ മുഖത്തേക്ക് തലയുയർത്തി നോക്കി ആ സമയം തന്നെ ആ കൊട്ടാര സമാനമായ വീട്ടിൽ മൂന്ന് വെടിയൊച്ചകൾ മുഴങ്ങി കേട്ടു.

തന്റെ മുന്നിലായി മരിച്ചു വീണ ആ മൂന്നുപേരുടെ ശവ ശരീരങ്ങളെ നോക്കി അയാൾ പറഞ്ഞു.

” സംരക്ഷണം ഏറ്റെടുത്തവർക്ക് അത് നേരെ ചൊവ്വേ ചെയ്യാൻ കഴിയുന്നില്ല എങ്കിൽ അവർക്ക് ജീവിക്കാനും അവകാശമില്ല അതിപ്പോൾ ആരായാലും ?”

മാർക്കോയുടെ ആ പ്രവർത്തിയിൽ അയാൾക്ക് ചുറ്റും നിന്നിരുന്ന ജോലിക്കാർ എല്ലാവരും ഒന്ന് ഞെട്ടിയെങ്കിലും ചതിക്കും അശ്രദ്ധയ്ക്കും മാർക്കോയുടെ ശിക്ഷ മരണമായതുകൊണ്ട് അവർക്കാർക്കും അതൊരു പുതിയ അനുഭവമായി തോന്നിയില്ല എന്ന് പറയുന്നതാവും ശെരി. തങ്ങളുടെ മുന്നിലൂടെ ഭ്രാന്ത്‌ പിടിച്ചതുപോലെ അങ്ങോട്ടും ഇങ്ങോട്ടും നടക്കുന്ന മാർക്കോയെ അവർ എല്ലാവരും ഭയത്തോടെ നോക്കി നിന്നു. അതിൽ നിന്നും നാലുപേർ മുന്നോട്ട് വന്നശേഷം അവിടെ മരിച്ചു കിടക്കുന്ന ഓരോ ബോഡികളായി എടുത്തികൊണ്ട് പുറത്തേക്ക് പോയി. ബാക്കിയുള്ളവരോടായി മാർക്കോ പറഞ്ഞു തുടങ്ങി..

മാർക്കോ : പോലീസിനെ മാത്രം നോക്കി നിന്നതുകൊണ്ട് ഒരു ഗുണവും ഉണ്ടാവുമെന്ന് തോന്നുന്നില്ല ഇപ്പോൾ ഈ നിമിഷം മുതൽ നിങ്ങളും അന്നെഷിച്ചു തുടങ്ങണം എത്രയും പെട്ടന്ന് ഒരു പോറൽ പോലും സംഭവിക്കാതെ എന്റെ അനിയന്മാരെ എനിക്ക് കിട്ടിയിരിക്കണം.