യോഗം [ഏകലവ്യൻ] [Remastered] 298

ഞാനതിന്റെ അടുത്തേക്കെത്തിയപ്പോ ഗാർഡ്‌സ് എന്നെ തടഞ്ഞു.

“കപിൾസ് എൻട്രി ഒൺലി മാഡം..!”

ഞാനതു കേട്ട് ഉള്ളിലേക്കൊക്കെ ഒന്ന് വീക്ഷിച്ചു. ഒരു മൂലയിലായി അരുണേട്ടനും നേരത്തെ കൂടെ കണ്ട പെണ്ണും.

എനിക്ക് വിശ്വസിക്കാനായില്ല. തല കറങ്ങുന്നത് പോലെ.

അവളെ ഞാൻ കണ്ടിട്ടുണ്ട്. അരുണേട്ടന്റെ കൂടെ ഇവിടെ എവിടെയൊക്കെ പോയോ അവിടെയൊക്കെ അവളുടെ സാനിധ്യം ഉണ്ടായിരുന്നു.

മനസ്സിലൊരു ഊഹം തോന്നിയിരുന്നെങ്കിലും ഇപ്പോഴുള്ള കാഴ്ച്ച കാണുമ്പോ ഒന്ന് വിങ്ങിപ്പോയി. അരുണേട്ടൻ അവൾടെ കഴുത്തിലാകെ ചുംബിക്കുന്നു.

നോക്കി നിക്കാനായില്ല. തിരികെ നടന്നു. കണ്ണുകളിൽ ചെറുതായി വെള്ളം പൊടിഞ്ഞു. വേറൊന്നും കൊണ്ടല്ല. കുറച്ചു മുൻപ് എന്നോടൊത് ഡാൻസ് കളിച്ചപ്പൊ നാശം പിടിച് മനസ്സ് എന്തൊക്കെയോ മനക്കോട്ടകൾ കെട്ടി.

അല്ലെങ്കിലും ഏട്ടന് എന്നോട് ഇഷ്ടമൊന്നുമില്ല. ആരെങ്കിലും എന്നെ കേറിപിടിച്ചോട്ടെ എന്ന് കരുതി തന്നെയാവും എന്നെ ഇങ്ങനെ കൊണ്ടു വന്നത്.

ഞാൻ വന്ന വഴി തിരികെ നടന്നു.

എല്ലാം ശുഭം..!

ഞാൻ തിരികെ വന്ന് ഡിജെ ഹാളിലേക്ക് കയറി. കൌണ്ടറിൽ നിന്ന് ഹാൻഡ് ബാഗ് വാങ്ങി അവിടെയുള്ള സോഫയിൽ ചെന്നിരുന്നു.

സമയം നോക്കുമ്പോ ഏഴ് മണി കഴിയുന്നു. അവരെ ഇനിയും എത്ര കാത്തിരിക്കണമെന്ന് ഒരൂഹവുമില്ല. ഇറങ്ങി പോയാലോ എന്ന് വരെ തോന്നി.

മനസ്സ് ചത്തത് പോലെ.

തല പുറകോട്ടു ചാഞ്ഞ് കണ്ണുകളടച്ചിരുന്നു.

അല്ലെങ്കിലും ഇനിയീ ദാമ്പത്യ ജീവിതം വേണ്ടെന്ന് മനസ്സിൽ തീരുമാനിച്ചതാണ്. വീണ്ടുമാ തീരുമാനം ഊട്ടിയുറപ്പിച്ചു.

എന്നാലും മനസ്സ് അസ്വസ്ഥമായി കൊണ്ടിരുന്നു.