യോഗം [ഏകലവ്യൻ] [Remastered] 298

അരുണേട്ടന് എന്നെ ഇഷ്ടപ്പെടാതിരിക്കാനും മാത്രം  എന്താ കാര്യമെന്ന് ഞാൻ കുറേ തവണ ആലോചിച്ചിരുന്നു. പക്ഷെ എന്ത് ചെയ്യാൻ.. ഉത്തരമൊന്നും മനസ്സിൽ വന്നില്ല.

എന്റെ യോഗം..!

ഈ ഹണിമൂൺ തന്നെ അച്ഛന്റെ ഇഷ്ടപ്രകാരമാണെന്ന് അറിഞ്ഞപ്പോ എന്റെ ഉള്ള മൂഡും കൂടെ തകർന്ന് തരിപ്പണമായിരുന്നു.

അച്ഛൻ കുറേ പറഞ്ഞപ്പോ സമ്മതിച്ചതാണ്. അരുണിനെ മാറ്റിയെടുക്കാൻ എന്നെക്കൊണ്ട് പറ്റുമെന്ന്..!

പിന്നെ.. എന്റെ മുഖത്തേക്ക് പോലും നോക്കാത്ത മനുഷ്യനെയാണ് ഞാൻ മാറ്റിയെടുക്കേണ്ടത്.

എന്നിട്ടും ഈ ദിവസങ്ങളിൽ ഞാൻ എന്തൊക്കെയോ കാട്ടി കൂട്ടാൻ ശ്രമിച്ചിരുന്നു.

എന്ത് കാര്യം, പണ്ട് ഉത്സവ പറമ്പുകളിൽ കാണുന്ന പാവയെ പോലെ ചാർജ് തീർന്ന് അടങ്ങി.

ഒന്ന് കെട്ടിപിടിച്ചു കൂടെയില്ല.

പക്ഷെ തിരിച്ചു പോകുമ്പോ ഒന്ന് മനസിലുറപ്പിച്ചിട്ടുണ്ട്. എനിക്ക് ഇനിയീ ബന്ധം വേണ്ടെന്നത്. അച്ഛനോട് എന്തെങ്കിലും പറയണം..!!

ഞാൻ പതിയെ എഴുന്നേറ്റ് കണ്ണാടിയുടെ മുന്നിൽ വന്ന് മുടിയൊതുക്കി കെട്ടി വച്ചു.

ആ മുടി കെട്ടിയപ്പഴാ..

ആറു മണി ആകുമ്പോളേക്കും എവിടെയോ പോകുന്ന കാര്യം പറഞ്ഞിരുന്നു അരുണേട്ടൻ.

എനിക്ക് വല്ല്യ പിടിയില്ല.

പുള്ളി എണീറ്റാലെ എന്തെങ്കിലുമൊക്കെ ചോദിക്കാൻ പറ്റു. ഉത്തരം കിട്ടാത്തൊന്നുമില്ല എന്നാലും..!

കെറ്റിലിൽ രണ്ട് ചായ വെക്കാമെന്ന് കരുതി നീങ്ങി. ശേഷം ബാത്‌റൂമിൽ കയറി മൂത്രമൊഴിച്ച്, മുഖം വെറുതെയൊന്ന് കഴുകി തുടച്ചിറങ്ങി.

നോക്കുമ്പോ അരുണേട്ടനെ കാണാനില്ല.

ബാൽക്കണിയിലേക്ക് ചെന്നപ്പോ അവിടെ ഉണ്ട്.

ഞാൻ ചായയുമായി അങ്ങോട്ടേക്ക് ചെന്നു. കൊടുത്തപ്പോ മുഖം നോക്കാതെ വാങ്ങി.