“ആറു മണിയാകുമ്പോളേക്കും കുളിച്ചേക്ക് പുറത്തിറങ്ങാം.”
കുറച്ചു നേരത്തെ മൗനത്തിനു ശേഷം ആ വായ ഒന്ന് തുറന്നു.
“എവിടെക്കാ..”
ഞാൻ ആകാംഷ കൊണ്ട് ചോദിച്ചു
അതിനുത്തരമൊന്നുമില്ല. ചായക്കപ്പ് തിരികെ തന്ന് എണീറ്റു പോയി. ഞാനൊരു നെടുവീർപ്പോടെ ആകാശവും നോക്കിയിരുന്നു.
“മം എന്തേലുമാകട്ടെ.. റെഡി ആവാം..”
ഇവിടെ വന്ന് കുറച്ചു സ്ഥലങ്ങളും ബീച്ചുകളുമൊക്കെ കണ്ട ഒരു സന്തോഷം എനിക്കുണ്ട്. ഇനിയിപ്പോ എവിടെ ആണെങ്കിലും ഒരു കുഴപ്പവുമില്ല.
അപ്പോഴാണ് അരുണേട്ടൻ ഡ്രസ്സ് ചേഞ്ച് ചെയ്ത് വന്നത്.
“ഞാനൊന്ന് പുറത്ത് പോയിട്ട് വരാം.. അപ്പോഴേക്കും കുളി കഴിഞ്ഞേക്കണം..!”
പരുക്കൻ സ്വരം.
“ഉം..!”
ഞാൻ തല കുലുക്കി.
അങ്ങനെ സമയം ആറു മണിയോട് അടുത്തു.
ഞാൻ ഒരു ചുരിദാറുമുടുത്ത്, മുടിയൊക്കെ കെട്ടി ഹാൻഡ് ബാഗ് എടുത്ത് റെഡിയായി നിന്നു.
കോളിങ് ബെൽ മുഴങ്ങി.
ചെന്ന് തുറന്നപ്പൊ കയ്യിലൊരു കവറുമായി അരുണേട്ടൻ, എന്നെ അടിമുടിയൊന്ന് വീക്ഷിച്ചു. എന്നിട്ട് അകത്തേക്ക് വന്ന് കയ്യിലുള്ള കവർ തുറന്ന് രണ്ടു ഡ്രസ്സ് കവറുകൾ പുറത്തിട്ടു. പിന്നെ ഒരു ബ്രാ ബോക്സും..!
“ഞാൻ കുളിച്ചിട്ട് വരാം അപ്പോളേക്കും ഈ ഡ്രസ്സ് ഉടുത്തു നിൽക്ക്..”
അതും പറഞ്ഞ് അരുണേട്ടൻ കുളിക്കാൻ നടന്നു.
ഞാൻ വേഗം ഡ്രസ്സ് എടുത്ത് നോക്കി.
ഇരു വള്ളി കൈകളുള്ള ചുവപ്പ് ക്രോപ് ടോപ്പും സിൽവർ സിൽക്ക് മിഡിയും. കഷ്ടിച്ച് മുട്ടുവരെ ഇറക്കമുള്ളത്.
ഞാനതു കണ്ട് അന്ധിച്ചു നിന്നു. ആദ്യമായാണ് അരുണേട്ടൻ എനിക്ക് ഡ്രസ്സ് വാങ്ങി തരുന്നത്. അതും ഇത്രയും മോഡേൺ..!
