ദിവ്യാനുരാഗം 11 [Vadakkan Veettil Kochukunj] 1503

ഞാൻ അടുത്തെത്തിയതും കൂട്ടത്തിലൊരുത്തൻ ദിവ്യയെ നോക്കി ഒരു വെടക്ക് ചിരിയോടെ പറഞ്ഞു…അത് കൂടെ കേട്ടപ്പോൾ എൻ്റെ രക്തം തെളക്കാൻ തുടങ്ങി…കണ്ണൊക്കെ ചുവന്ന് വരും പൊലെ തോന്നി….

” വാ നമ്മുക്ക് പോകാം… പ്ലീസ് എനിക്ക് പേടിയാവുന്നു… ”

ദിവ്യ പെട്ടെന്ന് ഓടി എൻ്റടുത്ത് വന്ന് എൻ്റെ കയ്യിൽ പിടിച്ച് പേടിയോടെ പറഞ്ഞു…

” അങ്ങോട്ട് മാറി നിക്കെടി… ”

ഞാൻ അവളെ നോക്കി പറഞ്ഞു…പക്ഷെ കാര്യം എന്താണെന്നർത്ഥത്തിൽ അവളെന്നെ തന്നെ നോക്കി നിന്നു…

” നിന്നോട് പറഞ്ഞ കേട്ടില്ലേ അങ്ങോട്ട് മാറി നിക്കാൻ… ”

ഇത്തവണ എൻ്റെ ശബ്ദം ഗാംഭീര്യ പൂർവം ഉയർന്നു…അതോടെ ദിവ്യ പേടിച്ച് കൈ വിട്ടു…എന്നിട്ട് ഞാൻ ചൂണ്ടിക്കാണിച്ച സ്ഥലത്തേക്ക് മാറി നിന്നു…എൻ്റെ മുഖവും ഭാവവും കണ്ട് അവളാകെ പേടിച്ചിരുന്നു…കൂട്ടത്തിൽ അവന്മാരും…അവൾ മാറി നിന്നതോടെ ഞാൻ അവന്മാർക്ക് നേരെ തിരിഞ്ഞു…

” അതിക സമയമില്ല… പെട്ടന്ന് തന്നെ തീർക്കണം അതുകൊണ്ട് സ്വർഗവും നരകവുമൊക്കെ നിനക്കൊക്കെ ഞാൻ ഒരുമിച്ചു തന്നെ കാണിച്ചു തരാം… ”

ഞാൻ തീക്കത്തി കയറിയ ദേഷ്യത്തിൽ മുന്നിലുള്ള ഒരുത്തൻ്റെ അടിവയറ് നോക്കി ആഞ്ഞൊരു കുത്ത് കുത്തി…അതോടെ വേദനയിൽ പുളഞ്ഞു കൊണ്ടവൻ നിലത്ത് വേച്ചുപോയി…ഞൊടി ഇടയിൽ അടുത്തുള്ളവൻ്റെ കരണം നോക്കി ഒന്ന് പൊട്ടിച്ച ശേഷം അവൻ്റെ തല പിടിച്ച് അടുത്തുള്ള ചുമരിനോട് ശക്തമായി അടിക്കാൻ തുടങ്ങി…ഇതൊക്കെ കണ്ട് ദിവ്യ പേടിച്ച് വിറച്ചിരുന്നു…പക്ഷെ ക്രോധം വന്നാൽ എൻ്റെ പ്രവർത്തികൾ എന്നിൽ ഒരു ലഹരി ആയിരുന്നു…ദൂരെ മാറി നിന്ന രണ്ടിൽ ഒരുവൻ ഒരു ഇരുമ്പ് വടിയെടുത്തെൻ്റെ നേരെ വീശിയതും…ദിവ്യ അലമുറ ഇട്ടു…അപ്പൊഴേക്കും ഒന്ന് രണ്ട് പേർ താഴേക്ക് വന്നിരുന്നു…അണ്ടർഗ്രൗണ്ട് ആയതിനാൽ അതിക പേരും അറിഞ്ഞിരുന്നില്ല…പക്ഷെ അടിക്കാൻ വന്നവനിൽ നിന്നും ഞാൻ തന്ത്രപൂർവ്വം ഒഴിഞ്ഞുമാറി തിരിഞ്ഞു വന്ന് അത് കൈകൊണ്ട് പിടിച്ചു…

” എൻ്റെടാ…ടൂൾസെടുത്ത് എൻ്റെ കൊച്ചിനെ പേടിപ്പിക്കല്ലേ…എന്താലും നീ ഫൗള് കാണിച്ചു…എന്നാ നിന്റെ ആഗ്രഹം പോലെ നടക്കട്ടെ… ”

ഞാൻ അവനെ നോക്കി പറഞ്ഞ് നേരെ ദിവ്യയുടെ അടുത്തേക്ക് തിരിഞ്ഞു…

” കണ്ണടക്കടി…. “