ദിവ്യാനുരാഗം 11 [Vadakkan Veettil Kochukunj] 1503

” ഹേയ്…അവിടെ അവൾ എന്താലും വരും…ശംശയമുണ്ടേൽ ഇപ്പൊ ശരിയാക്കിത്തരാം…”

എന്നിട്ട് ചേച്ചി ഫോണെടുത്ത് അവളെ വിളിച്ചു…അതോടെ അത്ര നേരം എന്നിൽ നിന്നും മറഞ്ഞു നിന്ന ദിവ്യ അകത്ത് നിന്നും മുറ്റത്തേക്ക് വന്നു…ഒരു പിങ്ക് ചൂരിദാറിൽ…കണ്ണൊക്കെ എഴുതി…മുടിയൊക്കെ ഒരു വശത്തേക്ക് മാറ്റി ഒരു കുഞ്ഞ് പൊട്ടും അതിന് മേലെ ചന്ദനകുറിയും…കുഞ്ഞ് മൂക്കുത്തിയും… ഓ….ഇവളെന്താ അപ്സരസ്സോ…ഞാൻ അവളുടെ സൗന്ദര്യത്തിൽ ഭ്രമിച്ചു നിന്നുപോയി…ഇതൊക്കെ ചേട്ടത്തി ശ്രദ്ധിക്കുന്നുണ്ടെന്ന് ഞാൻ അറിഞ്ഞിരുന്നില്ല എന്നത് മറ്റൊരു സത്യം… അപ്പോഴേക്കും അവളടുത്തെത്തിയിരുന്നു…

” നീയെന്താടി അകത്ത് തന്നെ ഇരിക്കുന്നെ…ഇവിടെ ഇവരൊക്കെ വന്നത് കണ്ടില്ലേ… ”

ചേട്ടത്തി അടുത്ത് വന്ന അവളെ നോക്കി ചിരിച്ചു കൊണ്ട് ചോദിച്ചു…അതിനവൾ വല്യ താൽപ്പര്യം ഇല്ലാത്ത പോലെ എന്നെ നോക്കിയതിന് ശേഷം വീണ്ടും മുഖം ചേട്ടത്തിയുടെ നേർക്ക് തിരിച്ചു…

” ചേച്ചി എന്നെ എന്തിനാ വിളിച്ചെ പറാ… ”

അവൾ എന്താണെന്ന് ചേട്ടത്തിയോട് കാര്യം തിരക്കി…

” അത് പിന്നെ നീ ഇവനോടൊപ്പം ഒരു സ്ഥലം വരെ പോകുമോ… ”

” ഇല്ല……. ”

ചേച്ചി മുഴുവിപ്പിക്കും മുന്നേ അവളുടെ വായിൽ നിന്നും ശബ്ദമുയർന്നു…അത് പക്ഷെ ഞങ്ങൾ രണ്ട് പേരും പ്രതീക്ഷിച്ചതാണ്…

” എടി അവൻ സോറി പറഞ്ഞില്ലേ…അവനങ്ങോട്ടേക്കുള്ള വഴി അറിയാത്തോണ്ടല്ലേ… ഒന്ന് ചെല്ലെടി… ”

ചേച്ചി എന്നെ ഒന്ന് പാളി നോക്കിയ ശേഷം പതിവ് ചിരിയോടെ വീണ്ടും അവളോട് ചോദിച്ചു…

” ഇല്ലാന്ന് പറഞ്ഞില്ലേ…ചേച്ചിക്ക് വേറെ വല്ലതും പറയാൻ ഉണ്ടോ… ഇല്ലെങ്കിൽ ഞാൻ പോവ്വാ… ഇന്നലെ പോയതിന്റെ ക്ഷീണം മാറിയില്ല അപ്പോഴാ…കണ്ണികണ്ടവരോട് തല്ല് പിടിക്കുന്നവരോട് എനിക്കെങ്ങോട്ടും പോകാൻ സൗകര്യമില്ല… ”

അവളെന്നെ കടുപ്പത്തിൽ ഒന്ന് നോക്കി ദഹിപ്പിച്ച് തിരിഞ്ഞു നടക്കാൻ തുടങ്ങി…ഞാൻ വല്ല്യ കാര്യവുമുണ്ടായിരുന്നോ എന്ന രീതിയിൽ ചേട്ടത്തിയെ നോക്കി…അപ്പൊ പുള്ളിക്കാരി ഇപ്പൊ ശരിയാക്കിത്തരാം എന്നർത്ഥത്തിൽ കണ്ണിറുക്കി കാണിച്ച് അവളെ വിളിച്ചു…

” ഓ നിനക്ക് വയ്യെങ്കിൽ വേണ്ട…ഗൗരിശങ്കര ക്ഷേത്രത്തിൽ പോകാനായിരുന്നു…നീ പറഞ്ഞിരുന്നില്ലേ പോകണം എന്ന്…അതാ ചോദിച്ചത്… സാരമില്ല അവനെങ്ങനയേലും പൊക്കോളും… ”

ചേച്ചി സംഭവം പറയേണ്ട താമസം ആള് സ്വിച്ചിട്ടപോലെ ഒരു നിൽപ്പ്…അത് കണ്ട് ചേച്ചി എന്നെ നോക്കി ” കണ്ടോടാ പോത്തേ എന്ന മുഖഭാവത്തോടെ അവളെ ചൂണ്ടിക്കാട്ടി…ഞാനും അത് നോക്കി നിന്നു… ഒരു നിമിഷം ആലോചിച്ച ശേഷം അവളൊന്ന് തിരിഞ്ഞു…