ദിവ്യാനുരാഗം 11 [Vadakkan Veettil Kochukunj] 1503

” അതേ… എനിക്ക് പോകുന്നത് കൊണ്ട് പ്രശ്നമില്ല…കേട്ടോ… ”

അവളൊരു ചമ്മിയ മുഖഭാവത്തോടെ ചേച്ചിയെ നോക്കി പറഞ്ഞു…അപ്പോഴും എന്നെ നോക്കുന്നുണ്ടായിരുന്നില്ല….

” വേണ്ടെടി നിനക്ക് ബുദ്ധിമുട്ടല്ലേ…അവൻ ചോദിച്ചു ചോദിച്ചു പൊക്കോളും… ”

ചേച്ചി നൈസായിട്ട് അവളെ ഒന്നിളക്കാൻ പറഞ്ഞു…

” ഇല്ലാന്നെ… എനിക്ക് ബുദ്ധിമുട്ടൊന്നുമില്ല…ഭഗവാൻ്റെ കാര്യമല്ലേ…വഴിതെറ്റരുതല്ലോ…ഞാൻ പോവാം… ”

അവൾ ശബ്ദതാഴ്ത്തി ചേച്ചിയോട് പറഞ്ഞു..അത് കണ്ട് എനിക്ക് നന്നായി ചിരി പൊട്ടുന്നുണ്ടായിരുന്നു… ചേച്ചിയുടെ അവസ്ഥയും മറിച്ചല്ല…

” ഓ എനിക്കറിയാൻ പാടില്ല നീ അവനോട് ചോദിച്ചു നോക്ക്… ”

ചേട്ടത്തി നൈസായി പ്ലേറ്റ് തിരിച്ചു…അതോടെ അവളാകെ പരുങ്ങിയ അവസ്ഥയായിരുന്നു…ഇത്രനേരം കഷ്ട്ടപ്പെടുണ്ടാക്കിയ ബിൽഡപ്പ് ഓർത്ത് കാണണം….അപ്പോഴായിരുന്നു ഒരു ചോട്ട വന്ന് ചേട്ടത്തിയെ അവിടെ വിളിക്കുന്നു എന്ന് പറഞ്ഞത്…അതോടെ പുള്ളിക്കാരി ഞങ്ങളെ നോക്കി ഒരു ചിരിയോടെ രംഗം ഒഴിഞ്ഞു…അതോടെ ഞാനും ദിവ്യ കുട്ടിയും മാത്രം….

” അതേ… ”

കുറച്ചു നേരത്തെ മൗനത്തിന് തിരശീല ഇട്ടുകൊണ്ട് അവളുടെ കിളി നാദം ചെറിയ ശബ്ദത്തിൽ പുറത്തു വന്നു…പക്ഷെ ഞാൻ അതിനെ അറിഞ്ഞോണ്ട് മൈൻ്റ് ചെയ്യ്തില്ല…നമ്മളെ ഇന്നലെ തൊട്ടേ പൊട്ടനാക്കിയതല്ലേ…ഇരിക്കട്ടെ ഒരു വെയിറ്റ്…

” അതേ……. ”

എൻ്റെ മിണ്ടാട്ടം കണ്ട് അവളിത്തവണ ഇച്ചിരി ശബ്ദം ഉയർത്തി വിളിച്ചു…

” മ്മ്….. ”

ഞാൻ കൈയ്യിലുള്ള ഫോണിൽ നിന്ന് മുഖമുയർത്താതെ മൂളി…

” ന്നെ…എന്നെ… കൂടി കൂട്ടുവോ…. ക്ഷേത്രത്തിലേക്ക്…. ”

അവൾ വിക്കി വിക്കി പറയുന്നത് കേട്ട് വന്ന ചിരി എങ്ങനെ കടിച്ചു പിടിച്ചു എന്ന് എനിക്ക് മാത്രം അറിയാം….പക്ഷെ ഞാൻ വെയിറ്റിട്ട് നിന്നു…

” ഓ വേണമെന്നില്ല…നമ്മള് ഗുണ്ടയല്ലേ….ഇയാള് ബുദ്ധിമുട്ടേണ്ടാ…ഞാൻ എങ്ങനെയേലും പോയികോളാം… ”

ഞാൻ ഉള്ളിലെ ചിരി കടിച്ചമർത്തി അവളുടെ ഇന്നലത്തെ ഗുണ്ട പദവും ചേർത്ത് ഒന്നിളക്കി…ഞാൻ കരുതി അത് കേട്ട് അവളാകെ വിളറി ചമ്മി വിഷമത്തോടെ മുഖം കുനിക്കുമെന്ന് പക്ഷെ നടന്നത് മറ്റൊന്നായിരുന്നു…പെട്ടന്ന് എൻ്റെ കൈയ്യിലെ ഫോണവൾ പിടിച്ചു വാങ്ങി…ഞാൻ എന്തെന്നർത്തത്ഥിൽ അവളെ നോക്കി…

” മര്യാദയ്ക്ക് എന്നെ കൂട്ടിക്കോ… ഇല്ലെങ്കിൽ ഇത് ഞാൻ ഇപ്പൊ താഴെ എറിഞ്ഞ് പൊട്ടിക്കും… “