വിവിധതരം ആലിംഗനങ്ങൾ [ആൽബി] 105

26)ദി ബാക്ക് സ്‌ട്രോക് ഹഗ്
======================
ഈ ആലിംഗനരീതി സാധാരണയായി
സുഹൃത്തുക്കൾക്കിടയിലാണ് കണ്ടു
വരുന്നത്.നിങ്ങൾക്കുണ്ടാകുന്ന ഒരു വൈകാരിക നിമിഷത്തിലാവും ഇങ്ങനെയൊരു ആലിംഗനം ലഭിക്കുക.ഇവിടെ ആലിംഗനത്തിനൊപ്പം മുതുകിൽ ചെറുതായി തലോടുകയും
ചെയ്യുന്നു.കലർപ്പില്ലാത്തതും അർത്ഥവത്തായതുമായ ആലിംഗന രീതിയാണിത്.

ഹൃദ്യമായ സംഭാഷണങ്ങൾക്ക് ശേഷമൊ നല്ലൊരു അടി നടന്നതിന് ശേഷമൊ ഒക്കെ ഈ ഒരു ആലിംഗനം നൽകപ്പെടാറുണ്ട്.
*****
27)ദി കംഫോർട്ടിങ് ഹഗ്
====================

നിങ്ങളുടെ സുഹൃത്തിന് വൈകാരിക പിന്തുണ ആവശ്യമുള്ളപ്പോഴാണ്
ഇങ്ങനെയൊരു ആലിംഗനം നൽകപ്പെടുക.ഹൃദയങ്ങൾ തമ്മിലുള്ള ഒരു ആലിംഗനം കൂടിയാണിത്.വൈകാരികമായി തകർന്നിരിക്കുന്ന ഒരുവന് ഈ ഒരു ആലിംഗനം വലിയ ആശ്വാസമാണ്.
ഇതിലൂടെ തന്റെ സുഹൃത്തിനു മേലുള്ള കരുതൽ പ്രകടിപ്പിക്കാൻ നിങ്ങൾക്ക് സാധിക്കുകയും ചെയ്യും.
*****
*****
ഉപസംഹാരമായി ഞാൻ പറയട്ടെ,
നിങ്ങൾക്ക് എത് രീതിയിലുള്ള ആലിംഗനം ലഭിച്ചാലും നിങ്ങളത് സ്വീകരിക്കണം എന്ന് പറയാൻ ഈ
അവസരം ഞാൻ ഉപയോഗിക്കുന്നു.

മറ്റുള്ളവർ അവരുടെ സ്നേഹവും വാത്സല്യവും കാണിക്കുന്ന ഒരു മാർഗമാണിത്. ആരെയെങ്കിലും ആശ്വസിപ്പിക്കാൻ നിങ്ങൾക്ക് ചിലപ്പോൾ വാക്കുകൾ കൊണ്ട് കഴിഞ്ഞെന്നുവരില്ല ,പക്ഷേ ഒരു ആലിംഗനം ഉപയോഗിച്ച് നിങ്ങൾക്ക് കൂടുതൽ കാര്യങ്ങൾ പറയാൻ കഴിയും.

മറ്റൊരു വ്യക്തിയോട് നിങ്ങളുടെ വികാരങ്ങൾ പ്രകടിപ്പിക്കുന്നതിനുള്ള ഏറ്റവും നല്ല മാർഗ്ഗമാണ് ആലിംഗനം. നിങ്ങളും പങ്കാളിയും തമ്മിലുണ്ടാകുന്ന ആലിംഗനം നിങ്ങളുടെ ബന്ധത്തിന്റെ അവസ്ഥയെക്കുറിച്ച് വ്യക്തമായ സൂചനകൾ നൽകും.കൂടാതെ,
ഇത് കുടുംബങ്ങളെ കൂടുതൽ അടുപ്പിക്കുകയും സുഹൃത്തുക്കൾ തമ്മിലുള്ള ബന്ധം കൂടുതൽ ശക്തമാക്കുകയും ചെയ്യുന്നു.
ആയതിനാൽ, നിങ്ങൾക്ക് കഴിയുമ്പോഴെല്ലാം നിങ്ങളുടെ പ്രിയപ്പെട്ടവരെ ആലിംഗനം ചെയ്യുക

നിങ്ങൾ മറ്റൊരാളെ കെട്ടിപ്പിടിക്കുമ്പോൾ,അവർക്കൊരു പുതിയ അനുഭവമാണ് ലഭിക്കുക. അവർക്കും ആരൊക്കെയോ ഉണ്ടെന്നുള്ള തോന്നലാണ് അവരിൽ ഉടലെടുക്കുക.നിങ്ങളുടെ ഒരു ആലിംഗനം കൊണ്ട്,ഒരു തലോടൽ കൊണ്ട് മറ്റൊരാൾക്ക് അല്പം ആശ്വാസമൊ സന്തോഷമൊ ലഭിക്കുന്നു എങ്കിൽ ഒരു നന്മ തന്നെയാണ് നിങ്ങൾ ചെയ്തതെന്ന് നിസംശയം പറയാം.

ഓർക്കുക:
നിങ്ങളുടെ ചങ്ങാതിമാരുമായും പരിചയക്കാരുമായും പങ്കിടാൻ‌ കഴിയുന്ന ആലിംഗനങ്ങളുമുണ്ട് ഒപ്പം നിങ്ങളുടെ പങ്കാളിയുമായി മാത്രം പങ്കിടാൻ‌ കഴിയുന്ന ആലിംഗനങ്ങളും
അതിനാൽ,നിങ്ങൾ കൂട്ടിക്കലർത്തിയിട്ടില്ലെന്ന്
ഉറപ്പാക്കുക!

ഒരു കാര്യം കൂടി:നിങ്ങൾ എന്തുതന്നെ ചെയ്താലും, എല്ലായ്പ്പോഴും പോസിറ്റീവായി തുടരുക,നാളെ ഇല്ലെന്നപോലെ കെട്ടിപ്പിടിക്കുക.
നിങ്ങളുടെ സ്നേഹം പ്രകടിപ്പിക്കുക.
***************
***************
**ദി ഏൻഡ് **
ബൈ ആൽബി
ReplyForward