?Evil on earth✨ 1 [Jomon] 265

“അപ്പൊ D ആരാണെന്നു നിനക്കും അറിയില്ലേ…?

ക്ഷമ കെട്ടന്നവണ്ണം ജോൺ ചോദിച്ചു.. അയാൾക്കും അതിയായ ആഗ്രഹം ഉണ്ടായിരുന്നു ആരാണ് D എന്നറിയാൻ

“വ്യക്തമായി അറിയില്ല.. പക്ഷെ ഈ കമ്പനികളിൽ നിന്നുള്ള ലാഭ വിഹിതമെല്ലാം ഇന്ത്യയിലുള്ള ഒരു DK ചാരിറ്റബിൾ ട്രസ്റ്റിലേക്കും ദുബായിലുള്ള ഒരു അക്കൗണ്ടിലേക്കുമാണ്..”

“ആ അക്കൗണ്ട് ആരുടേയാണെന് അറിയില്ലെ..?

“അത് മാത്രം പറ്റിയില്ല.. അത്രക്ക് സെക്യൂരിറ്റി ആണ് അവർ ആ അക്കൗണ്ടിനും അതിന്റെ ഉടമയ്ക്കും നൽകിയത്…”

*******

“സർ…”

ഓർമ്മകളിൽ മുഴുകി നിന്ന ജോണിനെ എബി തട്ടി വിളിച്ചു…

“ഏഹ്… ”

“സർ ഇവിടെയൊന്നുമല്ലേ…?

“നീ അത് വിട് എബി… DK ക്ക് എന്താ സംഭവിച്ചതെന്ന് നീ പറഞ്ഞില്ല…”

“പറയാം… പക്ഷെ ഞാനൊരു കാര്യം ചോദിക്കട്ടെ ആദ്യമേ..?

വലിച്ചു തീർന്ന സിഗരറ്റ് നിലത്തേക്കിട്ടുകൊണ്ട് എബി ചോദിച്ചു

“Ask me… പറയാൻ പറ്റുന്നതാണേൽ ഞാൻ പറയം..”

“സാറിന് അറിയാമല്ലേ DK ആരാണെന്ന്..?

എബിയുടെ ചോദ്യത്തിന് മുൻപിൽ ആദ്യം അയാളൊന്ന് പതറിയെങ്കിലും പിന്നെയൊരു ചിരിയോടെ അയാൾ പറഞ്ഞു

“Yes… DK ആരെന്ന് അറിയാനുള്ള ഒരു ആകാംഷ അന്ന് നീയെന്റെ ക്യാബിൻ വിട്ട് പോയപ്പോൾ മുതൽ മനസ്സിൽ കേറിയിരുന്നു..അതുകൊണ്ട് തന്നെ ഞാനന്വേഷിച്ചു… ഒടുക്കം കണ്ടുപിടിക്കുകയും ചെയ്തു… ആദ്യമെല്ലാം ഭയമായിരുന്നു.. വാൾട്ടർ ഗോഡ് ടീമിനെ തന്നെ ഭൂമുകത്ത് നിന്നൊഴുപ്പിച്ചവന്റെ മനസ്സിൽ എന്തായിരുന്നെന്ന്… പക്ഷെ അവനൊരിക്കലും തിന്മയെ കൂട്ടുപിടിച്ചു ഈ നഗരത്തിൽ വന്നതല്ലെന്ന് എനിക്ക് ഉറപ്പായി.. അതുകൊണ്ട് തന്നെ അവനെക്കുറിച്ചുള്ള അന്വേഷണം ഞാനവസാനിപ്പിച്ചു..”

“ശെരിയാണ്.. അവനൊരിക്കലും തിന്മയെ കൂട്ടുപിടിച്ചിരുന്നില്ല.. പക്ഷെ ഇനി അവന്റെ മുൻപിൽ തിന്മ മാത്രമേ ഉള്ളു..”

“മനസിലായില്ല…”

സംശയഭാവത്തോടെ ജോൺ ചോദിച്ചു

“എല്ലാ മനുഷ്യർക്കുമൊരു ബലഹീനത കാണും സർ… അവനും ഉണ്ടായിരുന്നു എന്നാണെന്റെ വിശ്വാസം… ഇപ്പോളാ വിശ്വാസം നഷ്ട്ടമായി… പതുങ്ങിയിരുന്ന ഒരു ശത്രു അവന്റെ ബലഹീനതയെ കണ്ടുപിടിച്ചു മർമ്മ സ്ഥാനത്തു തന്നെ പ്രഹരിച്ചു… DK ഇപ്പൊ ആ പ്രഹരത്തിൽ അടിതെറ്റി വീണ ഒരുവനാണ്..കഴിഞ്ഞ നാല് മാസമായി അവനിവിടെയില്ല…”