21ലെ പ്രണയം 5 [Daemon] 844

“ടാ പൊട്ടാ ഈ രാത്രി 2 മണിക്ക് ഫോൺ വിളിച്ചാൽ അവളുടെ കൂടെ ആരേലും ഉണ്ടേൽ അവരും കൂടെ എഴുന്നേറ്റ് വരാനാണോ നീ ഈ വിളിക്കണെ “

അത് ശരിയാണല്ലോ, ഞാൻ അവനെ നോക്കി ഇളിച്ചു കാണിച്ചു .ഇപ്പൊ പണി പാളിയേനെ. “എന്നാലെ നീ ഇവിടെ നിൽക്ക് ഞാൻ പോയ് നോക്കിയിട്ട് വരാം” എന്നും പറഞ്ഞ് ഞാൻ പതിയെ ഗേറ്റ് തുറന്നു ഉള്ളിലേക്ക് നടന്നു. തിരിഞ്ഞു നോക്കിയപ്പോൾ അവനും പുറകെ വരുന്നുണ്ട്.

‘’ നീ ഇതെങ്ങോട്ടാ?’”

“പിന്നെ ഞാനവിടെ നിന്ന് ആരേലും കണ്ടാൽ സീനാവൂലെ? ഞാൻ ഇവിടെ എവിടേലും മാറി നിൽക്കാം “ അവൻ കുഴഞ്ഞ് കുഴഞ്ഞ് കൂടെ വന്നു വീടിനടുത്തെത്തിയതും “നീ പോയി നോക്ക് ഞാൻ ഇവിടെ ഉണ്ടാകും“ എന്നും പറഞ്ഞ് അവൻ സിറ്റൗട്ടിൽ ഉണ്ടായിരുന്ന കസ്സേരയിൽ കയറി ഇരുന്നു.

“ടാ ശബ്ദം ഒന്നും ഉണ്ടാക്കല്ലെ” ഞാൻ പതിയെ പറഞ്ഞു.

‘“ എനിക്ക് നിന്നെയാ പേടി, നീ വന്ന കാര്യം നോക്ക്” അവനും വിട്ടില്ല

ഞാൻ അവളുടെ റൂമിൻ്റെ ജനാല ലക്ഷ്യമാക്കി നടന്നു. ജനാലക്കരികിലെത്തിയ ഞാൻ പതിയെ ജനാല തുറക്കാൻ നോക്കി. ഭാഗ്യത്തിന് ഒരു പാളി തുറന്നു കിടപ്പുണ്ടായിരുന്നു,ഞാൻ പതിയെ തുറന്നു. അകത്തെ സീറോ വോൾട്ടിൻ്റെ വെട്ടത്തിൽ ഞാൻ കണ്ടു, കട്ടിലിൻ്റെ അറ്റത്തായ് കിടന്നു ഉറങ്ങുന്ന മായയെ. തൊട്ടടുത്തായ് ആരോ കിടപ്പുണ്ട്,കണ്ടിട്ട് മകളാണെന്ന് തോന്നുന്നു. ‘എങ്ങാനാ ഇപ്പൊ വിളിക്കുന്നെ, ഞാൻ അലോചിച്ച ശേഷം മുറ്റത്ത് നിന്നും ചെറിയ ഒരു കല്ലെടുത്ത് മായയെ എറിഞ്ഞു കൃത്യം കൈത്തണ്ടയിൽ ഏറ് കൊണ്ട മായ ഞെട്ടി എഴുന്നേറ്റു.