ഭാമയുടെ വീട് 1

Bhamayude Veedu Part 1 | Author : Sringaravelan

“എഴുന്നേൽക്കടാ… സമയം എത്രയാണെന്ന് വല്ല വിചാരം ഉണ്ടോ?”
അമ്മയുടെ പതിവ് ശകാരം കേട്ടാണ് രാവിലെ സജു കണ്ണു തുറന്നത്. സമയം 8:30 കഴിഞ്ഞു.

കോളേജ് പഠനം അവസാനിച്ചതിനുശേഷം രാവിലെ ഉണരണമെങ്കിൽ ഈ പതിവ് പല്ലവി കേൾക്കണം എന്നായിട്ടുണ്ട്. ഭാവിയെക്കുറിച്ച് കാര്യമായ ഉത്കണ്ഠകൾ ഒന്നുമില്ലാതെ കിടന്നുറങ്ങാൻ എന്തു രസമാണ്. ഉത്കണ്ഠയുള്ളത് അമ്മയ്ക്കും അച്ഛനും ആണെന്ന് മാത്രം.

കേരളത്തിലെ തൊഴിലില്ലാത്ത ലക്ഷക്കണക്കിന് ചെറുപ്പക്കാരുടെ പ്രതീകമാണ് സജു. ബന്ധുവീടുകളിൽ അവൻ അങ്ങനെ പോകാറില്ല. എന്തെങ്കിലും കുടുംബ പരിപാടികളോ കല്യാണമോ പാലുകാച്ചോ വന്നാൽ തഞ്ചത്തിൽ ഒഴിഞ്ഞുമാറുകയാണ് പതിവ്. കാര്യം മറ്റൊന്നുമല്ല.

ചൊറിയന്മാരായ ചില അമ്മാവന്മാരെ ഒഴിവാക്കാനാണ്. സ്വന്തം മക്കളുടെ കാര്യത്തിൽ ഇല്ലാത്ത വേവലാതിയാണ് അവറ്റകൾക്ക് തന്റെ കാര്യത്തിൽ!! എന്തിന് ആവശ്യമില്ലാത്ത നെഗറ്റീവ് ചിന്തകൾ മനസ്സിലേക്ക് വലിച്ചു കയറ്റണം…

ജോലിയൊക്കെ സമയം പോലെ ആയിക്കൊള്ളും. തനിക്ക് വേണ്ടത് അല്പം റിലാക്സേഷൻ ആണ്. കൂട്ടുകാരൊക്കെ ഇപ്പോൾ പലവഴിക്കായി. അതുകൊണ്ട് കൂട്ടുകെട്ടിലൂടെ നശിക്കും എന്ന പേടി അച്ഛനും അമ്മയ്ക്കും വേണ്ട.

മുറി അടച്ചിരുന്ന് ഫോണിൽ തോണ്ടി എത്ര നേരം വേണമെങ്കിലും കഴിച്ചുകൂട്ടാൻ സജു റെഡിയായിരുന്നു. വീട്ടിൽ വൈഫൈ കണക്ഷൻ ഉള്ളതുകൊണ്ട് തോന്നും മാതിരി സീരിസുകളോ തുണ്ടോ കണ്ട് സമയം കളയാം. ഭക്ഷണത്തിനുള്ള ഇടവേളകളിൽ അല്ലാതെ പുറത്തിറങ്ങാറേ ഇല്ല.