💞ആയിരം കണ്ണുമായി 10 [Fang leng] 440

 

ലക്ഷ്മി : പോടി ഒന്ന് 😁

 

ഉച്ചക്ക് ലഞ്ച് ടൈം ക്യാന്റീൻ

 

ലക്ഷ്മി : ശ്രുതി നമ്മുടെ ടൂറിന് അപ്പ്രൂവൽ കിട്ടിയെന്നാ കേൾക്കുന്നെ ആതിര പറയുന്നത് കേട്ടു

 

ശ്രുതി : ഉം… ഞാനും കേട്ടു…

 

അഖിൽ : ഇവിടുന്ന് ടൂർ ഒക്കെ കൊണ്ടുപോകുവോ…

 

ശ്രുതി : എല്ലാ കോളേജിൽ നിന്നും കൊണ്ട് പോകും… ഒന്നും അറിയാത്തത് പോലെ അഭിനയിക്കല്ലേ

 

അഖിൽ : അല്ല ഈ ദാരിദ്ര്യം പിടിച്ച കോളേജ് ആയതു കൊണ്ട് ചോദിച്ചതാ

 

ലക്ഷ്മി : അതിന് നമ്മുടെ കയ്യിലെ കാശ് കൊടുത്തല്ലേ നമ്മൾ പോകുന്നെ അവർക്ക് എന്താ നഷ്ടം.. ടീച്ചർമാർക്ക് ഫ്രീയായി വരുകയും ചെയ്യാം…2ണ്ട് ഇയറിലോ 3ർഡ് ഇയറിലോ ഒരു ട്രിപ്പ് അതാ പതിവ്… നമ്മുടെ ക്ലാസ്സിൽ ഉള്ളവർക്കൊക്ക 2ണ്ട് ഇയർ മതി എന്നായിരുന്നു

 

അഖിൽ : എന്നാ പോകുന്നെ

 

ലക്ഷ്മി : അടുത്ത മാസം ഫസ്റ്റ് ആണെന്നാ കേട്ടെ…

 

ശ്രുതി : സ്ഥലം എവിടെയാ…

 

 

ലക്ഷ്മി :മൂന്നാർ, പോർട്ട് കൊച്ചി… വണ്ടർല.. ആൾക്ക് 4000 എന്നാ പറഞ്ഞെ

 

ശ്രുതി : 4000 മോ അത് കൂടുതൽ അല്ലേ

 

ലക്ഷ്മി : ഫുഡും താമസവുമൊക്കെ ഇല്ലേ… അത്രയും ആകും.. ഈ മാസം ലാസ്റ്റ് കൊണ്ട് എല്ലാവരും പൈസകൊടുക്കണം എന്നാ പറഞ്ഞെ

 

ശ്രുതി : പോകുന്നവർ കൊടുത്താൽ പോരെ.. ഞാൻ ഇല്ല…

 

ലക്ഷ്മി : എന്താ ശ്രുതി ഇത്… ആകെ ഒരു ട്രിപ്പേ ഉള്ളു നീ വരില്ല എന്ന് പറഞ്ഞാൽ എങ്ങനെയാ

 

ശ്രുതി : പിന്നെ…4000 രൂപ ചുമ്മാ കിടക്കുവല്ലേ ഒരാഴ്ച കച്ചവടം ചെയ്താൽ പോലും ചിലപ്പോൾ അത്രയും പൈസ കിട്ടില്ല