💞ആയിരം കണ്ണുമായി 11 [Fang leng] 37

 

രാത്രി അഖിൽ റൂമിൽ ലേക്ക് കയറി

 

അവിടെ റോണിയും കൂട്ടുകാരും ബെഡിൽ തന്നെ ഇരിപ്പുണ്ടായിരുന്നു…

 

അജ്മൽ : അളിയാ സാധനമൊക്കെ തീർന്നല്ലോ…

 

അരുൺ : ഞാൻ അപ്പോഴേ പറഞ്ഞതാ രണ്ടെണ്ണം കൂടി എടുക്കാമെന്ന്

 

റോണി : പൈസ നിന്റെ തന്ത തരുവോ…

 

അരുൺ : ടാ കോപ്പേ തന്തക്ക് പറഞ്ഞാൽ ഉണ്ടല്ലോ..

 

“നിനക്കൊന്നും വേറെ ഒരു പണിയും ഇല്ലേ ”

 

അപ്പോഴാണ് അഖിൽ ഇതും പറഞ്ഞു കൊണ്ട് റൂമിലേക്ക് എത്തിയത്

 

റോണി : നീ ഞങ്ങളുടെ കാര്യം നോക്കണ്ട… മറ്റവൾ ഇല്ലേ അവളുടേത് നോക്കിയാൽ മതി… വയ്യെങ്കിലും ചാട്ടത്തിന് ഒരു കുറവും ഇല്ല ഇന്ന് തീയിൽ കിടന്നേനെ….

 

അഖിൽ : നിന്നോട് ഞാൻ മുൻപും പറഞ്ഞു അവളെ ഓരോന്ന് പറയരുതെന്ന്…

 

രോഹിത്ത് : മിണ്ടാതിരിക്ക് റോണി… അഖിലെ നീ കിടന്ന് ഉറങ്ങ് ഇവന് സാദനം തീർന്നതിന്റെ കലിപ്പാ…

 

അഖിൽ പതിയെ ബെഡിലേക്ക് കിടന്നു…

 

അഖിൽ : റോണി… അവള് നിന്നോട് താങ്ക്സ് പറയാൻ പറഞ്ഞു…

 

റോണി : ഏവള്….

 

അഖിൽ : ശ്രുതി…വീഴാൻ പോയപ്പോൾ പിടിച്ചില്ലേ അതിന്…

 

അജ്മൽ : ഇതെപ്പോൾ നടന്നു…

 

റോണി : അത് പിന്നെ അവളോടുള്ള സ്നേഹം കൊണ്ടൊന്നും അല്ല… അവളെങ്ങാൻ തീയിൽ വീണാൽ അതോടെ ട്രിപ്പ് കുളമകും.. പിന്നെ ഫുൾ ടൈം ഹോസ്പിറ്റൽ അതുകൊണ്ട് പിടിച്ചതാ… അതുകൊണ്ട് അവളുടെ സോറി ഒന്നും ഇങ്ങോട്ട് വേണ്ട…

 

അഖിൽ : അവള് പറയാൻ പറഞ്ഞു ഞാൻ പറഞ്ഞു അത്രേ ഉള്ളു.. വേറെ ഒന്നും എനിക്ക് അറിയണ്ട… അപ്പോൾ നീയൊക്കെ രാത്രി തല്ല് കൂടാതെ കിടക്കാൻ നോക്ക്… നാളെ രാവിലെ ഇവിടുന്ന് പോകേണ്ടതാ…