അച്ചായൻ പറഞ്ഞ കഥ അവളുടെ ലോകം എന്റെയും 2

Achayan Paranja Kadha Avalude Lokam enteyum Part 2 | Author : Eakan

[ Previous Part ] [ www.kkstories.com]

കുറച്ചു സമയം കൊണ്ടുതന്നെ അവർ എനിക്ക് ആരല്ലാമോ ആയി. ആരും ഇല്ലാതിരുന്ന എനിക്ക് ഒരുപാട് പേര് ബന്ധുക്കളും സുഹൃത്തുക്കളും ആയി.

ആനി ചേച്ചി ചായ കുടിക്കാൻ എല്ലാവരെയും വിളിച്ചു. അതിനു മുൻപ് അന്നമോളും നിത്യമോളും നിദമോളും

ചേർന്നു എനിക്ക് മുകളിലെ മുറി കാണിച്ചു തന്നു.. വളരെ നല്ല മുറി ചെറിയ കട്ടിൽ ,.കിടക്ക., ഒരു ചെറിയ മേശ കസേര ഒരു ഷെൽഫും. ഇതിലപ്പുറം വേറെ എന്ത് വേണം.

“അങ്കിളെ… ഇതാണ് അങ്കിളിന്റെ മുറി. നല്ല മുറിയല്ലേ അങ്കിളെ.” അന്നമോൾ പറഞ്ഞു.

“അങ്കിളിന് അങ്കിളിന്റെ അന്നമോൾ തന്ന മുറിയല്ലേ? മോശമാകുമോ? നല്ല മുറി.” ഞാൻ പറഞ്ഞു.

“അങ്കിളിന്റെ ഡ്രെസ്സ് ഇവിടെ വെച്ചിട്ടുണ്ടേ.

അങ്കിൾ കുളിച്ചു റെഡി ആയി വാ. ഞങ്ങൾ പോയി അങ്കിളിന് കുടിക്കാൻ ചായ എടുത്തു വെക്കാം. ” നിത്യ മോള് പറഞ്ഞു.

“എന്നാ അങ്ങനെ ആയിക്കോട്ടെ.” ഞാൻ പറഞ്ഞു.

അവർ താഴേക്കു പോയി. ഞാൻ അവിടെ കട്ടിലിൽ ഇരുന്നു. എന്ത് ചെയ്യണം എന്ന് എനിക്ക് ഒരു രൂപവും ഉണ്ടായില്ല. എങ്കിൽ വരുന്നിടത്തു വെച്ചു കാണാം. എന്ന് മനസ്സിൽ പറഞ്ഞു ഞാൻ കുളിക്കാൻ കയറി.

“ബാലു നീ ഇനിയും കുളിച്ചു കഴിഞ്ഞില്ലേ?”

താഴേന്നു ആനിചേച്ചി വിളിച്ചു ചോദിച്ചു. ആ ചോദ്യം കേട്ടാണ് ഞാൻ താഴേക്ക് ഇറങ്ങിയത്. ഇങ്ങനെ പറഞ്ഞാണ് ഞാൻ താഴെ ഇറങ്ങിയത്.